ଦେବଗଡ,୨୦।୫(ଶଶାଙ୍କ ଶେଖର ଝାଙ୍କର)ନାବାଳିକା ପ୍ରେମିକାଙ୍କୁ ଅପହରଣ ଓ ଶାରିରୀକ ସମ୍ପର୍କ ସ୍ଥାପନ ମାମଲାରେ ରିଆମାଳ ଥାନା ପୋଲିସ ମଙ୍ଗଳବାର ଅଭିଯୁକ୍ତ ପ୍ରେମିକ ଗୁଣ୍ଡିଆପାଲି ଗ୍ରାମର ଲିକୁନ ବଣିଚୂଳ (୨୨)କୁ ଗିରଫ କରି କୋର୍ଟଚାଲାଣ କରିଥିଲା । ମାତ୍ର ଅଦାଲତରେ ଜାମିନ ଆବେଦନ ନାମଞ୍ଜୁର ହେବାରୁ ତାକୁ ଜେଲ ହାଜତକୁ ପଠାଇ ଦିଆଯାଇଛି ।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗତ ଏପ୍ରିଲ ୬ ତାରିଖ ରାତ୍ରୀରେ ରିଆମାଳ ଥାନା ଅଂଚଳର ଜଣେ ୧୭ ବର୍ଷର ନାବାଳିକା ପରିବାରର କାହାକୁ କିଛି ନକହି ହଠାତ ନିଖୋଜ ହୋଇଯାଇଥିଲା। ଘଟଣାର ୨ ଦିନ ପରେ ଉକ୍ତ ନାବାଳିକା ଜଣକ ପରିବାର ଲୋକଙ୍କୁ ଫୋନ କରି ତାଙ୍କ ପ୍ରେମିକ ଲିକୁନ ସହିତ ପଳାଇ ଆସିଛି ଏବଂ କେନ୍ଦୁଝରରେ ଅଛି ବୋଲି କହିଥିଲେ। ଏନେଇ ନାବାଳିକାଙ୍କ ବାପା ରିଆମାଳ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ଏକ ଅପହରଣ ମାମଲା ରୁଜୁକରି ଘଟଣାର ତଦନ୍ତ ଆରମ୍ଭ କରିବା ସହ ଉକ୍ତ ନାବାଳିକାଙ୍କୁ ଉଦ୍ଧାର କରିଥିଲା । ଅନ୍ୟପକ୍ଷରେ ଅଭିଯୁକ୍ତ ଲିକୁନ ଉକ୍ତ ନାବାଳିକାଙ୍କ ସହିତ ଶାରୀରିକ ସମ୍ପର୍କ ସ୍ଥାପନ କରିଥିବା ଜଣାପଡିଥିଲା ।ଫଳରେ ପୁଲିସ ପକ୍ସୋ ସମେତ ଅପହରଣ ଏବଂ ବଳାତ୍କାର ଦଫାରେ ଲିକୁନଙ୍କୁ ଗିରଫ କରିବା ସହ କୋର୍ଟଚାଲାଣ କରିଥିଲା।
Dharitri – Odisha’s No.1 Odia Daily
