ଦାରିଙ୍ଗବାଡି,୫।୯(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ରାଣୀଦୁର୍ଗା ରେସିଡେନ୍ସି କଲ୍ୟାଣ ମଣ୍ଡପଠାରେ ବ୍ଲକ ସ୍ତରୀୟ ଗୁରୁ ଦିବସ ଏବଂ ଗୁରୁ ସମ୍ବର୍ଦ୍ଧନା ଉତ୍ସବ ପାଳିତ ହୋଇଯାଇଛି। ଏହି ଅବସରରେ ଦାରିଙ୍ଗବାଡି ପ୍ରାଥମିକ ଶିକ୍ଷକ ସଂଘର ସଭାପତି ଯାମିନୀକାନ୍ତ ପଡ୍ରାଙ୍କ ଅଧ୍ୟକ୍ଷତା କାର୍ଯ୍ୟକ୍ରମରେ ସହକାରୀ ଶିକ୍ଷକ ସନିଆ ପ୍ରଧାନଙ୍କ ସଂଯୋଜନାରେ ମୁଖ୍ୟ ଅତିଥିଭାବେ ବିଡ଼ିଓ ପ୍ରୀତିରଞ୍ଜନ ରଥ, ମୁଖ୍ୟବକ୍ତା ଭାବେ ନିଖିଲ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନ (ଏୟୁପିଟିଏଫ)ର ପୂର୍ବତନ ମହାସଚିବ ଶେଖ ଅବଦୁଲ ଖାଲିକ, ଦାରିଙ୍ଗବାଡିର ୨ ଜଣ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଗୋକୁଳ ଚନ୍ଦ୍ର ନାୟକ, ବନମାଳୀ ମାଝୀ, ଦାରିଙ୍ଗବାଡି ସରପଞ୍ଚ ଚନ୍ଦ୍ରିକା ମଲିକ, ଶିକ୍ଷକ ସଂଘର ଜିଲା ସାଧାରଣ ସମ୍ପାଦକ ବିଦୁଭୂଷଣ ନାୟକ,ଜିଲା ସହସମ୍ପାଦକ କୌଶିକ ନାୟକ ପ୍ରମୁଖ ମଞ୍ଚାସିନ ରହିଥିଲେ। ଏହି ଅବସରରେ ଅତିଥିମାନଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯିବା ସହ ବ୍ଲକ ଅଞ୍ଚଳରେ ଅବସର ନେଇଥିବା ଶିକ୍ଷକମାନଙ୍କୁ ଗୁରୁ ସମ୍ବର୍ଦ୍ଧନା ଦିଆଯାଇଥିଲା।
ପ୍ରଦୀପ ଭଳି ଜଳାଞ୍ଜଳି ଦେଇ ସମସ୍ତଙ୍କୁ ଆଲୋକିତ କରୁଥିବା ବ୍ୟକ୍ତି ହେଉଛନ୍ତି ଶିକ୍ଷକ। ଗୁରୁ ସଦାବେଳେ ଚାହାଁନ୍ତି ତାଙ୍କ ଶିଷ୍ୟଙ୍କୁ ଆଗକୁ ନେବାକୁ ସଦାବେଳେ କାମ କରନ୍ତି ବୋଲି ମୁଖ୍ୟ ଅତିଥିମାନେ ମତବ୍ୟକ୍ତ କରିଥିଲେ। ଏହି କାର୍ଯ୍ୟକ୍ରମରେ ସମ୍ବର୍ଦ୍ଧିତ କରାଯାଇଥିବା ଶିକ୍ଷକଙ୍କ ମଧ୍ୟରେ ରମାକାନ୍ତ ସିଂ, ସୁଶୀଳ ନାୟକ, ରବିନ୍ଦ୍ରନାଥ ଗୌଡ,ରାମଚନ୍ଦ୍ର ଜେନା,ରାମ କୃଷ୍ଣ ସାହୁ, କାହ୍ନୁ ଚରଣ ସିଂ,ପ୍ରଦୀପ କୁମାର ସିଂ,ନୀଳାଞ୍ଚଳ ପଟ୍ଟନାୟକ,ହରିହର ପ୍ରଧାନ ବିପିନ ବିହାରୀ ସିଂ, ରଘୁରାଜ ସିଂହ ପାତ୍ର,ବ୍ରଜସୁନ୍ଦର ବେହେରଦଲାଇ,କେଣ୍ଟି ପ୍ରଧାନ,ସୁଚେତା ନାୟକ,ପ୍ରେମାନନ୍ଦ ସୁନାମାଝି ଏବଂ ଜୟପ୍ରକାଶ ଦିଗାଲଙ୍କୁ ସମ୍ବର୍ଦ୍ଧିତ କରାଯାଇଥିଲା ଏହି ଅବସରରେଛାତ୍ରୀମାନେ ସ୍ବାଗତ ସଙ୍ଗୀତ ଗାନ କରିବା ସହ ସାଂସ୍କୃତିକ କାର୍ଯ୍ୟକ୍ରମରେ ନୃତ୍ୟ ପରିବେଷଣ କରିଥିଲେ। କାର୍ଯ୍ୟକ୍ରମକୁ ବ୍ଲକ ଶିକ୍ଷକ ସଂଘର ସାଧାରଣ ସମ୍ପାଦକ ସଂଗ୍ରାମ କୁମାର ନାୟକ, ମୋହନ ସାହୁ, ନବୀନ ସାହୁ, ରମାକାନ୍ତ ଦିଗାଲଙ୍କ ସମେତ ସମସ୍ତ ଶିକ୍ଷକ କାର୍ଯ୍ୟକ୍ରମକୁ ପରିଚାଳନା କରିଥିଲେ।
