ଭୁବନେଶ୍ୱର,୧୪।୭(ବ୍ୟୁରୋ): ରାଜ୍ୟରେ ମଙ୍ଗଳବାର ରେକର୍ଡ ସଂଖ୍ୟକ ୬୦୯ଜଣ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହାକୁ ମିଶାଇ ଓଡ଼ିଶାରେ ମୋଟ ଆରୋଗ୍ୟ ସଂଖ୍ୟା ୯୮୬୪କୁ ବୃଦ୍ଧି ପାଇଛି। ସେମାନଙ୍କ ମଧ୍ୟରୁ ସର୍ବାଧିକ ୨୬୮ଜଣ ଗଞ୍ଜାମର ଅଛନ୍ତି। ଏହାଛଡ଼ା ସୁନ୍ଦରଗଡ଼ର ୧୩୫, ଖୋର୍ଦ୍ଧାର ୩୭, କଟକର ୩୨, ବାଲେଶ୍ୱରର ୨୫, କେନ୍ଦୁଝରର ୨୩, ମୟୂରଭଞ୍ଜର ୧୮, ଭଦ୍ରକର ୧୨, ପୁରୀର ୧୨, ସମ୍ବଲପୁରର ୮, ବରଗଡ଼-ଜଗତସିଂହପୁରର ୭, ଯାଜପୁରର ୬, ଝାରସୁଗୁଡ଼ା-କେନ୍ଦ୍ରାପଡ଼ାର ୪, ବଲାଙ୍ଗୀରର ୩, କୋରାପୁଟ-ନବରଙ୍ଗପୁର-ରାୟଗଡ଼ାର ୨ ଏବଂ ଗଜପତି- ନୟାଗଡ଼ର ଜଣେ ଲେଖାଏ ଆକ୍ରାନ୍ତ ଅଛନ୍ତି। ଏନେଇ ସଂନ୍ଧ୍ୟାରେ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
