ନୂଆଦିଲ୍ଲୀ,୨୩।୫: କିଛିଦିନ ତଳେ ତିହାର ଜେଲରେ ଗ୍ୟାଙ୍ଗଓ୍ବାର ପରେ ଏବେ ଜାଭେଦ ନାମକ ଜଣେ କଏଦୀ ଆତ୍ମହତ୍ୟା କରିଥିବା ଜଣାପଡିଛି। ଡକାୟତି ଓ ଅନ୍ୟ ଆପରାଧିକ ମାମଲାରେ ବିଚର ବିଭାଗୀୟ ତଦନ୍ତରେ ଜେଲ ପଠାଯାଇଥିବା ଜାଭେଦ ସୋମବାର ସନ୍ଧ୍ୟା ପ୍ରାୟ ୫ଟା ସମୟରେ ଜେଲର ଶୌଚାଳୟରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି।
ପୋଲିସ ମୃତଦେହକୁ ଜମତ କରି ପୋଷ୍ଟମର୍ଟମ ପାଇଁ ପଠାଇଛି। ବର୍ତ୍ତମାନ ସୁଦ୍ଧା ଆତ୍ମହତ୍ୟାର କାରଣ ଜଣାପଡି ନାହିଁ। ଏହି ମାମଲାରେ ନ୍ୟାୟିକ ମାଜିଷ୍ଟ୍ରେଟ ଏବଂ ପୋଲିସ ତଦନ୍ତ କରୁଛନ୍ତି। ପ୍ରାଥମିକ ସୂଚନା ଅନୁଯାୟୀ, ଆମ୍ବେଦକର ନାଗର ପୋଲିସ ଷ୍ଟେସନ ପରିସରରେ ଡାକୋସିଟି ବିଭାଗ ଅଧୀନରେ ପଞ୍ଜୀକୃତ ହୋଇଥିବା ଏଫଆଇଆର୍ ସମ୍ପର୍କରେ କଏଦୀଙ୍କୁ ଜେଲ ନମ୍ବର୮/୯ରେ ରଖାଯାଇଥିଲା ଏବଂ ସୋମବାର ଦିନ ଜାଭେଦଙ୍କୁ ଦଣ୍ଡିତ କରାଯାଇଥିଲା।
