ନୂଆଦିଲ୍ଲୀ,୬।୧୧(ଅଭୟ ଦାଶ): ପ୍ରତି ବର୍ଷ ଭଳି ଚଳିତ ବର୍ଷ ପାର୍ବଣ ଋତୁରେ ମଧ୍ୟ ହିରୋ ମୋଟୋକର୍ପ ସର୍ବୋଚ୍ଚ ଖୁଚୁରା ବିକ୍ରୟର ନୂଆ ମାଇଲଖୁଣ୍ଟ ହାସଲ କରିଛି। ଏପରିକି ଚଳିତ ବର୍ଷ ନବରାତ୍ରିରୁ ଆରମ୍ଭ ହୋଇଥିବା ଏହି ପାର୍ବଣ ସ୍ବତନ୍ତ୍ର ବିକ୍ରୟରେ ହିରୋ ମୋଟକର୍ପ ନୂତନ ରେକର୍ଡ ସହ ସଦ୍ୟତମ ଅଦ୍ୟାବଧି ରହିଥିବା ସର୍ବୋଚ୍ଚ ଖୁଚୁରା ବିକ୍ରୟର ନୂଆ ସଫଳତା ଲାଭ କରିଛି।
ଉଲ୍ଲେଖଯୋଗ୍ୟ, ପାର୍ବଣ ବିକ୍ରୟରେ କମ୍ପାନୀ ୧୫.୯୮ ଲକ୍ଷ (୧.୬ ମିଲିୟନ) ରୁ ଅଧିକ ୟୁନିଟ୍ ଗାଡ଼ି ବିକ୍ରୟ ହାସଲ କରିଛି। ଏପରିକି ଗତ ବର୍ଷର ଉତ୍ସବ ଋତୁକାଳୀନ ବିକ୍ରୟ ତୁଳନାରେ ଚଳିତ ବର୍ଷର ବିକ୍ରୟ ପରିମାଣ ପ୍ରାୟ ୧୩% ଅଧିକ ବୋଲି କୁହାଯାଉଛି। ୨୦୨୩-୨୪ ପାର୍ବଣ ବିକ୍ରୟ ଏବଂ ୨୦୨୪-୨୫ ପାର୍ବଣ ବିକ୍ର ଅଭିବୃଦ୍ଧିର ଏକ ଦୃଷ୍ଟି ଆକର୍ଷଣକାରୀ ପଞ୍ଜିକୃତର ରେକର୍ଡ କମ୍ପାନୀ ହାସଲ କରିଛି।
ସେହିଭଳି ହିରୋ ମୋଟୋକର୍ପ ଉପତ୍ାଦନର ଏହି ବିଶାଳ ଚାହିଦା ଉଭୟ ସହରାଞ୍ଚଳ ଏବଂ ଗ୍ରାମାଞ୍ଚଳ ବଜାରରେ ପରିଲକ୍ଷିତ ହୋଇଛି। ଏପରିକି ବ୍ରାଣ୍ଡ୍ର ୧୨୫ସିସି ମୋଟରସାଇକେଲ ବିଭାଗରେ ୧୨୫ଆର ଏକ୍ସଷ୍ଟ୍ରିମ ସହିତ ଏହା ଏକ ପ୍ରମୁଖ ବୃଦ୍ଧିର ବାହକ ହୋଇଥିଲାବେଳେ ୧୦୦ସିସି ବିଭାଗ ମଧ୍ୟ କମ୍ପାନୀର ବିକ୍ରୟ କାର୍ଯ୍ୟକଳାପକୁ ଅତି ଦୃଢ଼ ସକାରାମତ୍କ ଭାବେ ଉପସ୍ଥାପିତ କରିପାରିଛି।
ଏହି ସମୟ ମଧ୍ୟରେ ହିରୋ ମୋଟୋକର୍ପର ଇଲେକ୍ଟ୍ରିକ୍ ଯାନ ଭିଡ଼ା ପ୍ରାୟ ୧୧,୬୦୦ ୟୁନିଟ୍ ଖୁଚୁରା ବିକ୍ରୟର ସଫଳତା ସହ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ସ୍ଥାପିତ କରିଛି। ଏପରିକି ଭିଡ଼ା ଯାନର ନେଟ୍ୱର୍କ ବର୍ତ୍ତମାନ ପ୍ରସାରିତ ହେବା ସହିତ ହିରୋ ପ୍ରିମିଆ ତଥା ହିରୋ ୨.୦ସମସ୍ତ ଆଉଟଲେଟକୁ ଶକ୍ତିଶାଳୀ କରୁଛି ତଥା ପ୍ରମୁଖ ସହରକୁ ସଂଯୋଗ କରିବା ସହ ଏହି ବୃଦ୍ଧିର ସକାରାମତ୍କ ଫଳାଫଳକୁ ଆହୁରି ତୀବ୍ର କରିବାର ଯୋଜନା ରଖିଛି। ଆସନ୍ତା ପୋର୍ଟଫୋଲିଓ ପ୍ରସାରଣ ଏହି ବ୍ରାଣ୍ଡ୍ର ମିଶ୍ରଣକୁ ନେଇ ଅଧିକ ପ୍ରେରଣାଦାୟକ ପରିସ୍ଥିତି ଆଣିବାକୁ ଯାଉଛି।
ବ୍ରାଣ୍ଡ୍ର ଲୋକପ୍ରିୟତାକୁ ଆହୁରି ଅଧିକ ଆକର୍ଷଣୀୟ କରିବା ପାଇଁ ହାର୍ଲେ ଡାଭିଡସନ ଏକ୍ସ ୪୪୦ ୨୮୦୦ ରୁ ଅଧିକ ୟୁନିଟ୍ ବିକ୍ରୟର ଏକ ରେକର୍ଡ ସୃଷ୍ଟି କରିଛି। ଳିତ ଆର୍ଥିକ ବର୍ଷର ଶେଷ ଭାଗରେ କମ୍ପାନୀ ୧୦୦ରୁ ଅଧିକ ସ୍ଥାନରେ ପ୍ରିମିଆ ନେଟ୍ୱର୍କକୁ ଆହୁରି ଅଧିକ ସମ୍ପ୍ରସାରଣ କରିବାର ଲକ୍ଷ୍ୟ ରଖିଥିବାବେଳେ ଏହା ସେହି ଉଚ୍ଚକାଂକ୍ଷୀ ବ୍ରାଣ୍ଡ୍ର ଗ୍ରହଣୀୟତାରେ ପହଞ୍ଚାଇବା ପାଇଁ ନିଜ ପ୍ରେଷ୍ଟା ବୃଦ୍ଧି କରିବାକୁ ଯାଉଛି।
ଏ ସମ୍ପର୍କରେ ହିରୋ ମୋଟୋକର୍ପର ସିଇଓ ନିରଞ୍ଜନ ଗୁପ୍ତା କହିଛନ୍ତି, କ୍ରମାଗତ ଭାବେ ଦ୍ୱିତୀୟ ବର୍ଷ ପାଇଁ ଆମେ ଆମର ସବୁଠାରୁ ଅଧିକ ପାର୍ବଣ ଖୁଚୁରା ବିକ୍ରୟର ନୂତନ ରେକର୍ଡ ସ୍ଥାପନ କରିଛୁ, ଯାହାକି ଭାରତରେ ହିରୋ ମୋଟୋକର୍ପର ସ୍ଥାନ ସବୁଠାରୁ ଅଧିକ ଲୋକପ୍ରିୟ ବ୍ରାଣ୍ଡ ଭାବେ ଏକ ନୂଆ କୀର୍ତ୍ତିମାନ ହାସଲ କରିଛି। ଏପରିକି ଆମେ ଆମର ଲକ୍ଷାଧିକ ପ୍ରିୟ ଗ୍ରାହକଙ୍କର ବିଶ୍ୱାସଭାଜନର ଦୃଢ଼ତା ପାଇଁ ସେମାନଙ୍କ ପାଖରେ ିରଋଣୀ ହୋଇ ରହିବୁ। ଏଠାରେ ଏକ ଉତ୍ତମ ମୁହୂର୍ତ୍ତ ତଥା ବୃଦ୍ଧି ଦେଶର ଅନେକ ଭାଗରେ ଦୃଷ୍ଟିଗୋର ହେବା ସହ ଗ୍ରାମାଞ୍ଚଳର ବିକ୍ରୟ ସହରାଞ୍ଚଳ ବିକ୍ରୟର ସମକକ୍ଷ ହୋଇଛି, ଯାହା ଏହି ପାର୍ବଣଋତୁର ଅଧାରୁ ଅଧିକ ସମୟରେ ପରିଲକ୍ଷିତ ହୋଇଛି। ଆମେ ଏଭଳି ଏକ ମୁହୂର୍ତ୍ତକୁ ଆଶା କରିବା ସହିତ ବର୍ଷର ବଳକା ସମୟଗୁଡ଼ିକ ପାଇଁ ଯଥେଷ୍ଟ ଆଶାବାଦୀ ରହିଛୁ।
