ନୂଆଦିଲ୍ଲୀ,୧୮ା୩: ଜାତୀୟ ଓ ଅନ୍ତର୍ଜାତୀୟ ସମସ୍ୟା ଏବଂ ମାନ୍ଦାବସ୍ଥା ଯୋଗୁ ଦେଶରେ କ୍ରମାଗତ ୩ୟ ମାସ ଲାଗି ବିଦେଶୀ ମୁଦ୍ରାଭଣ୍ଡାର (ଏଫ୍ଇଆର)ରେ ହ୍ରାସ ଘଟୁଛି। ଏପରିକି ଚଳିତ ସପ୍ତାହର କାରବାର ଶେଷ ବେଳକୁ ବିଦେଶ ମୁଦ୍ରାଭଣ୍ଡାର ୫୬୦ ବିଲିଅନ ଆମେରିକୀୟ ଡଲାରକୁ ହ୍ରାସ ପାଇଛି ବୋଲି ଶୁକ୍ରବାର ଭାରତୀୟ ରିର୍ଜଭ ବ୍ୟାଙ୍କ (ଆର୍ବିଆଇ) ପକ୍ଷରୁ ସୂଚନା ଦିଆଯାଇଛି। ଏପରିକି ଆର୍ବିଆଇର ଷ୍ଟାଟିଷ୍ଟିକ୍ ସପ୍ଲିମେଣ୍ଟ ତଥ୍ୟରୁ ଏ ନେଇ ବିସ୍ତୃତ ସୂଚନା ମିଳିଥିବା ଜଣାପଡ଼ିଛି। ଅପରପକ୍ଷରେ ମାର୍ଚ୍ଚ ୧୦ରେ ସପ୍ତାହ ଶେଷ ବେଳକୁ ବିଦେଶୀ ମୁଦ୍ରାଭଣ୍ଡାର ୫୬୦ ବିଲିୟନ ଆମେରିକୀୟ ଡଲାରକୁ ହ୍ରାସ ପାଇଛି। ହେଲେ ବିଗତ ୩ ମାସ ମଧ୍ୟରେ ଏହା ସର୍ବାଧିକ ହ୍ରାସ ବୋଲି କୁହାଯାଉଛି। ଏହା ପୂର୍ବରୁ ମାର୍ଚ୍ଚ ୩ରେ ଶେଷ ହୋଇଥିବା ସପ୍ତାହ ଶେଷ ବେଳକୁ ବିଦେଶୀ ମୁଦ୍ରାଭଣ୍ଡାର ୫୬୨.୪୦ ବିଲିୟନ ଆମେରିକୀୟ ଡଲାରରେ ରହିଥିଲା। ଡଲାର ତୁଳନାରେ ମୁଦ୍ରା ମୂଲ୍ୟ ହ୍ରାସକୁ ରୋକିବା ପାଇଁ ଆର୍ବିଆଇ ପୁଞ୍ଜିବଜାରରେ ହସ୍ତକ୍ଷେପ କରିଥାଏ। ରିଜର୍ଭରେ ପରିବର୍ତ୍ତନର ମୂଲ୍ୟାୟନରେ ଲାଭ ଓ କ୍ଷତିରୁ ହୋଇଥାଏ ବୋଲି ଆର୍ବିଆଇ ପକ୍ଷରୁ କୁହାଯାଇଛି। ସେହିପରି ଗତ ସପ୍ତାହରେ ଆମେରିକୀୟ ଡଲାର ତୁଳନାରେ ଭାରତୀୟ ମୁଦ୍ରା ମୂଲ୍ୟ ୦.୧% ହ୍ରାସ ପାଇଥିଲା। ବିଶେଷକରି ଆମେରିକାରେ ବ୍ୟାଙ୍କିଙ୍ଗ୍ କ୍ରାଇସିସ୍ ପାଇଁ ଏଭଳି ହୋଇଥିଲା। ତେବେ ଶୁକ୍ରବାର ଶେଷ କାରବାର ସୁଦ୍ଧା ଭାରତୀୟ ମୁଦ୍ରା ମୂଲ୍ୟ ୮୨.୫୫୨୫ ରେ ରହିଥିଲା। ଅପରପକ୍ଷରେ ଶୁକ୍ରବାର ଡଲାର ତୁଳନାରେ ଟଙ୍କାର ମୂଲ୍ୟ ହ୍ରାସ ନେଇ କୌଣସି ସମସ୍ୟା ନାହିଁ ବୋଲି ଆର୍ବିଆଇ ଗଭର୍ନର ଶକ୍ତିକାନ୍ତ ଦାସ ବିସ୍ତୃତ ଆଲୋକପାତ କରିଛନ୍ତି।
