ଷ୍ଟାର୍ସବର୍ଗ: ଇତିହାସରେ ଏପରି ଅନେକ ଘଟଣା ଘଟିଛି ଯାହା ଆଜି ବି ଲୋକମାନେ ମନେ ପକାଇ ଆଶ୍ଚର୍ଯ୍ୟ ହୋଇଯାଇଛନ୍ତି । ଆଜି ଆମେ ଏପରି ଏକ ଘଟଣା ବିଷୟରେ କହିବାକୁ ଯାଉଛୁ ଯାହା ୫୦୦ ବର୍ଷରୁ ଅଧିକ ପୁରୁଣା ଏବଂ ଯେତେବେଳେ ଲୋକମାନେ ଏହା ବିଷୟରେ ପଢନ୍ତି, ସେମାନେ ଆଶ୍ଚର୍ଯ୍ୟ ହୋଇଯାଆନ୍ତି। ଏହି ଘଟଣାର ନାମ ହେଉଛି ଡ୍ୟାନ୍ସ ପ୍ଲେଗ। ଏହା ଏକ ପ୍ରକାର ମହାମାରୀ ଥିଲା, ଯେଉଁଥିରେ ଲୋକମାନେ ନାଚିବା ସମୟରେ ଏହି ଦୁନିଆ ଛାଡିଥିଲେ, ଅର୍ଥାତ ସେମାଙ୍କେର ମୃତ୍ୟୁ ହୋଇଥିଲା।
୧୫୧୮ର ଡ୍ୟାନ୍ସ ପ୍ଲେଗ ଏକ ଅଦ୍ଭୁତ ଏବଂ ରହସ୍ୟମୟ ଘଟଣା ଥିଲା, ଯାହା ୫୦୬ ବର୍ଷ ପୂର୍ବେ ବର୍ତ୍ତମାନର ଫ୍ରାନ୍ସର ଷ୍ଟାର୍ସବର୍ଗରେ (ସେତେବେଳେ ଜର୍ମାନୀର ଏକ ଅଂଶ) ଘଟିଥିଲା । ଏହି ଘଟଣା ଐତିହାସିକ ଭାବରେ ଅତ୍ୟନ୍ତ ଚକିତ କରିଛି କାରଣ ବିନା କାରଣରେ ନାଚିବା ସମୟରେ ଶହ ଶହ ଲୋକ ହଠାତ୍ ମୃତ୍ୟୁ ହୋଇଥିଲା। କେତେକ ଲୋକ ମାସ ମାସ ଧରି ନାଚୁଥିଲେ । କୁହାଯାଏ ଯେ ଏହି ନୃତ୍ୟ ଏତେ ଅଦ୍ଭୁତ ଏବଂ ଅନିୟନ୍ତ୍ରିତ ଥିଲା ଯେ କ୍ଲାନ୍ତ ହେତୁ କିଛି ଲୋକ ମୃତ୍ୟୁ ବରଣ କରିଥିଲେ।
ଏକ ସୂଚନା ଅନୁଯାୟୀ, ଜୁଲାଇ ୧୫୧୮ମାସରେ, ଆଲଫ୍ରେଡି ନାମକ ଜଣେ ମହିଳା ହଠାତ ଷ୍ଟ୍ରାସବର୍ଗର ଏକ ଛୋଟ ସହରରେ ସର୍ବସାଧାରଣ ସ୍ଥାନରେ ନାଚିବା ଆରମ୍ଭ କରିଥିଲେ। ପ୍ରଥମେ କେହି ଏଥିପ୍ରତି ଧ୍ୟାନ ଦେଇନଥିଲେ, କିନ୍ତୁ କିଛି ଦିନ ମଧ୍ୟରେ ଅଧିକ ଲୋକ ସମାନ କାର୍ଯ୍ୟ କରିବା ଆରମ୍ଭ କଲେ ଏବଂ ପରେ ଏହି ଧାରା ଧୀରେ ଧୀରେ ବୃଦ୍ଧି ପାଇଲା। କିଛି ସପ୍ତାହ ମଧ୍ୟରେ, ଶହ ଶହ ଲୋକ ସମାନ ରହସ୍ୟମୟ ନୃତ୍ୟ କରିବା ଆରମ୍ଭ କଲେ। ଏହି ଲୋକମାନେ ଦିନରାତି ନାଚୁଥିଲେ ଏବଂ ଥକିଯିବା ପରେ ମଧ୍ୟ ଅଟକି ନଥିଲେ।
ସେମାନଙ୍କ ମଧ୍ୟରୁ କେତେକ ଏତେ କ୍ଳାନ୍ତ ହୋଇଯିବେ ଯେ ସେମାନେ ନାଚିବା ସମୟରେ ମରିଯାଉଥିଲେ, କେହି କେହି ଆହତ ହେବେ ଏବଂ ଅନେକ ଲୋକ ମାନସିକ ରୋଗ ସହିତ ସଂଘର୍ଷ ଆରମ୍ଭ କରଥିଲେ। ଏହି ନୃତ୍ୟ ଯାତ୍ରା ଏତେ ଅଦ୍ଭୁତ ଥିଲା ଯେ ଅନେକ ଲୋକ ଏହା ଦ୍ୱାରା ସମ୍ପୂର୍ଣ୍ଣ ପ୍ରଭାବିତ ହୋଇଥିଲେ, ଯେପରି ସେମାନେ କିଛି ମାନସିକ ରୋଗ କିମ୍ବା ଆଧ୍ୟାତ୍ମିକ ପ୍ରଭାବରେ ନାଚୁଥିଲେ। ଏହି ଘଟଣା ଦେଖି ସ୍ଥାନୀୟ ଅଧିକାରୀ ଓ ଡାକ୍ତରମାନେ ଆଶ୍ଚର୍ଯ୍ୟ ହେଲେ।
ଏହି ପରିସ୍ଥିତିକୁ ବୁଝିବା ପାଇଁ ଅଧିକାରୀ ଏବଂ ଡାକ୍ତର ଅନେକ କାରଣ ଖୋଜିବା ଆରମ୍ଭ କରିଥିଲେ। ପ୍ରାରମ୍ଭରେ ଏହା ବିଶ୍ୱାସ କରାଯାଉଥିଲା ଯେ ଏହା ଏକ ପ୍ରକାର ସଂକ୍ରାମକ ରୋଗ ହୋଇପାରେ, କିମ୍ବା ବୋଧହୁଏ ଏହା କିଛି ଧାର୍ମିକ କିମ୍ବା ଆଧ୍ୟାତ୍ମିକ ପ୍ରଭାବର ଫଳାଫଳ ହୋଇପାରେ। କେତେକ ଡାକ୍ତର ବିଶ୍ୱାସ କରୁଥିଲେ ଯେ ଏହା ‘ହିଷ୍ଟେରିଆ’ ହୋଇପାରେ, ଯେଉଁଥିରେ ଜଣେ ବ୍ୟକ୍ତିର ମାନସିକ ସ୍ଥିତି ଅନ୍ୟ ଗୋଷ୍ଠୀକୁ ପ୍ରଭାବିତ କରିଥାଏ। ହେଲେ ଏହା ପ୍ରକୃତରେ କ’ଣ ଥିଲା ତା’ର କାରଣ ଏବେବି ଅସ୍ପଷ୍ଟ ରହିଛି ବୋଲି କୁହାଯାଏ।
