୯୦ ବର୍ଷ ପରେ ବଡ଼ ମାନ୍ଦାବସ୍ଥା

ଓ୍ବାଶିଂଟନ,୧୬।୧୦:ଗତ ବର୍ଷ ଶେଷ ଆଡ଼କୁ ଆସିଥିବା କରୋନା ଭୂତାଣୁ ମହାମାରୀ ରୂପ ନେଇ ସାରା ବିଶ୍ୱ ପାଇଁ ବିପର୍ଯ୍ୟୟ ସୃଷ୍ଟି କରିଛି। ଏହି ଭାଇରସ୍‌ କେବଳ ଲୋକଙ୍କ ଜୀବନ ନେଇନାହିଁ, ଜୀବିକା ମଧ୍ୟ ଉଜାଡ଼ିଛି। କରୋନା ଲକ୍‌ଡାଉନ ୨୦୦ରୁ ଊର୍ଦ୍ଧ୍ୱ ଦେଶର ଆର୍ଥତ୍କ ସ୍ଥିତିକୁ ଦୋହଲାଇ ଦେଇଛି। ଏହାର ପ୍ରଭାବରେ ଶକ୍ତିଶାଳୀ ଆମେରିକା ସମେତ ଜାପାନ, ରୁଷିଆ, ଚାଇନା ଓ ଭାରତ ଭଳି ବୃହତ୍‌ ଅର୍ଥ ବ୍ୟବସ୍ଥା ଅଚଳାବସ୍ଥାକୁ ସାମ୍ନା କରୁଛି। ବଡ଼ ବଡ଼ ଶିଳ୍ପ ଓ କର୍ପୋରେଟ ହାଉସର ମେରୁଦଣ୍ଡ ଭାଙ୍ଗିଯିବା ପରେ ଦାରିଦ୍ର୍ୟ ତଥା ବେକାରି ସମସ୍ୟା ବୃଦ୍ଧି ପାଇ ଅନୁନ୍ନତ, ବିକାଶଶୀଳ ଏବଂ ବିକଶିତ ରାଷ୍ଟ୍ରଗୁଡିକ ପାଇଁ ଅଦ୍ଭୁତପୂର୍ବ ଆହ୍ବାନ ସୃଷ୍ଟି କରିଛି। ୧୯୩୦ ଦଶକର ‘ଗ୍ରେଟ୍‌ ଡିପ୍ରେସନ’ପରେ ଏଭଳି ସ୍ଥିତି ଦେଖିବାକୁ ମିଳି ନ ଥିଲା ବୋଲି ବିଶ୍ୱବ୍ୟାଙ୍କ କହିଛି।
୧୯୩୦ରେ ସାରା ବିଶ୍ୱରେ ଗ୍ରେଟ୍‌ ଡିପ୍ରେସନ ଦେଖାଦେଇଥିଲା। ଏହି ସମୟରେ ସାରା ବିଶ୍ୱ ଘୋର ମାନ୍ଦାବସ୍ଥା
ଦେଇ ଗତି କରିଥିଲା। ବର୍ତ୍ତମାନ କରୋନା ମହାମାରୀ ସାରା ପୃଥିବୀକୁ କବଳିତ କରି ରଖିଛି। ଏହା ସାରା ବିଶ୍ୱକୁ ବଡ଼ ଝଟକା ଦେଇଛି। ଗ୍ରେଟ୍‌ ଡିପ୍ରେସନ ପରଠାରୁ ବର୍ତ୍ତମାନ ସାରା ବିଶ୍ୱ ଭୟଙ୍କର ମାନ୍ଦାବସ୍ଥା ଦେଇ ଗତି କରୁଥିବା ଓ୍ବାର୍ଲଡ ବ୍ୟାଙ୍କର ସଭାପତି ଡେଭିଡ୍‌ ମାଲ୍‌ପାସ୍‌ ଗୁରୁବାର କହିଛନ୍ତି। ଏହି ମହାମାରୀ ବିଶ୍ୱର ଅଭିବୃଦ୍ଧିଶୀଳ ଏବଂ ଅନୁନ୍ନତ ଦେଶଗୁଡ଼ିକ ଲାଗି ଅଧିକ ସଙ୍କଟ ସୃଷ୍ଟି କରିଥିବା ସେ ମତ ରଖିଛନ୍ତି। ବର୍ତ୍ତମାନ ବିଭିନ୍ନ ଦେଶର ଅଭିବୃଦ୍ଧି ଲଗାତର ଖସୁଛି। ସେହିଭଳି ଋଣ ସଙ୍କଟ ଦେଶଗୁଡିକ ସାମ୍ନାରେ ନୂଆ ଆହ୍ବାନ ଭାବେ ଉଭା ହୋଇଛି। ଗରିବ ଏବଂ ଅଭିବୃଦ୍ଧିଶୀଳ ଅର୍ଥ ବ୍ୟବସ୍ଥା ଲାଗି କରୋନା ବିନାଶକାରୀ ଭାବେ ଉଭା ହୋଇଥିବାରୁ ମାଲ୍‌ପାସ୍‌ ଆଶଙ୍କା ପ୍ରକଟ କରିଛନ୍ତି।
ଅନ୍ତର୍ଜାତୀୟ ମୁଦ୍ରାପାଣ୍ଠି (ଆଇଏମ୍‌ଏଫ୍‌) ଏବଂ ଓ୍ବାର୍ଲଡ ବ୍ୟାଙ୍କର ବାର୍ଷିକ ବୈଠକ ପରିପ୍ରେକ୍ଷୀରେ ବିଶ୍ୱ ବଜାର ସାମ୍ନା କରୁଥିବା ବିଭିନ୍ନ ଆର୍ଥତ୍କ ଚ୍ୟାଲେଞ୍ଜ ଉପରେ ସେ ମତ ରଖିଛନ୍ତି। ଦେଶଗୁଡ଼ିକର ଦାରିଦ୍ର୍ୟ ହାର ବଢିବା ନେଇ ମଧ୍ୟ ଓ୍ବାର୍ଲଡ ବ୍ୟାଙ୍କ ପୂର୍ବରୁ ରିପୋର୍ଟରେ କହି ସାରିଛି। ମାଲ୍‌ପାସ୍‌ କହିଛନ୍ତି, ଚଳିତ ଆର୍ଥତ୍କ ବର୍ଷରେ ଦେଶଗୁଡିକ ଅନେକ ଚ୍ୟାଲେଞ୍ଜ ଦେଇ ଗତି କରୁଥିବାରୁ ଏହାକୁ ବିଚାରକରି ଏକ ଉନ୍ନତ ଅଭିବୃଦ୍ଧି କାର୍ଯ୍ୟକ୍ରମ ଆଣିବା ଲାଗି ଯୋଜନା ରଖାଯାଇଛି। ନିକଟରେ ଓ୍ବାର୍ଲଡ ବ୍ୟାଙ୍କ ବ୍ୟୁରୋ ହେଲ୍‌ଥ ଏମର୍ଜେନ୍ସି କାର୍ଯ୍ୟକ୍ରମରେ ପାଣ୍ଠିକୁ ୧୨ ବିଲିୟନ ଡଲାରକୁ ବଢାଇବା ପ୍ରସ୍ତାବକୁ ମଞ୍ଜୁରୀ ପ୍ରଦାନ କରିଛି। ଅନୁନ୍ନତ ଦେଶଗୁଡିକୁ ଟିକା ଏବଂ ସ୍ବାସ୍ଥ୍ୟ କିଟ୍‌ ଯୋଗାଣ ଦିଗରେ ଏହି ପାଣ୍ଠି କାର୍ଯ୍ୟ କରିବ ବୋଲି ଜଣାଯାଇଛି।
ଅନ୍ୟ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି, ବିଶ୍ୱ ବର୍ତ୍ତମାନ ‘କେ’ ଆକୃତିରେ ଟ୍ରାକ୍‌କୁ ଫେରୁଛି। ଏହାର ଅର୍ଥ ହେଲା ବିକଶିତ ଦେଶଗୁଡ଼ିକରେ ଉନ୍ନତ ସମ୍ବଳ ରହିବା ଯୋଗୁ ଏହାର ଆର୍ଥତ୍କ ସ୍ଥିତି ଅପେକ୍ଷାକୃତ ଉନ୍ନତ ରହିଛି। ଏହି ଦେଶଗୁଡିକରେ ଲୋକମାନେ ‘ଓ୍ବାର୍କ ଫ୍ରମ୍‌ ହୋମ୍‌’ କରୁଛନ୍ତି। ସେହିଭଳି ଅନୁନ୍ନତ ଦେଶଗୁଡିକରେ ଲୋକମାନେ ଅନେକ ସଂଖ୍ୟାରେ ଚାକିରି ହରାଉଥିବା ଦେଖାଯାଉଛି। ଏହି ଦେଶର ବ୍ୟକ୍ତିବିଶେଷ ସାମାଜିକ ନିରାପତ୍ତା କାର୍ଯ୍ୟକ୍ରମ ଉପରେ ନିର୍ଭର କରୁଥିବା ନଜରକୁ ଆସିଛି।
ଏହାବାଦ୍‌ ଅଭିବୃଦ୍ଧିଶୀଳ ଦେଶଗୁଡ଼ିକରେ ନିଯୁକ୍ତି ହ୍ରାସ, ଆୟରେ ଅସମାନତା ଏବଂ ବିଦେଶରେ କାମ କରୁଥିବା କର୍ମଚାରୀଙ୍କୁ ଅର୍ଥ ପ୍ରେରଣରେ ହ୍ରାସ ଦେଖାଯାଇଛି। ମାଲ୍‌ପାସ୍‌ କହିଛନ୍ତି, ସମସ୍ୟାକୁ ବିଚାରକରି ଗରିବ ଦେଶଗୁଡ଼ିକରେ ସାମାଜିକ ସୁରକ୍ଷା କାର୍ଯ୍ୟକ୍ରମ ଚଳାଇବାକୁ ଯୋଜନା ରହିଛି। ଏହାକୁ ଛାଡ଼ିଦେଲେ, କୃଷିକ୍ଷେତ୍ରରେ ରହିଥିବା ସମସ୍ୟାକୁ ମଧ୍ୟ ଧ୍ୟାନରେ ରଖାଯାଇଛି। ରପ୍ତାନିକୁ ପ୍ରୋତ୍ସାହନ ଦେଉଥିବା ଦେଶ ଏବଂ ଲୋକଙ୍କ ଲାଗି ବର୍ତ୍ତମାନର ଚ୍ୟାଲେଞ୍ଜିଂ ସମୟରେ ସବ୍‌ସିଡି ଖାଦ୍ୟଶସ୍ୟ ଉପଲବ୍ଧ କରାଉଥିବା ଦେଶଗୁଡିକୁ ମାଲ୍‌ପାସ୍‌ ଧନ୍ୟବାଦ ଦେଇଛନ୍ତି। ଲୋକଙ୍କ ଜୀବନ, ସ୍ବାସ୍ଥ୍ୟ ଏବଂ ସୁରକ୍ଷା ବର୍ତ୍ତମାନର ପ୍ରାଥମିକତା ହେବା ଆବଶ୍ୟକ। ସାମାଜିକ ଦୂରତ୍ୱ ବଜାୟ ରଖିବା ସହ କୋଭିଡ୍‌କୁ ପ୍ରତିହତ କରିବା ଲାଗି ନିୟମ ମାନିବା ସହ ଧୀରେ ଧୀରେ ଅର୍ଥ ବ୍ୟବସ୍ଥାଗୁଡିକୁ ମୁକ୍ତ କରିବା ନେଇ ସେ ମତ ରଖିଛନ୍ତି। ଏହାଦ୍ୱାରା ଲୋକମାନେ ପୁଣି ଥରେ ନିଯୁକ୍ତି ପାଇବା ସୁବିଧା ହେବ।


Enter your email to get our daily news in your inbox.

All Right Reserved By Dharitri.Com

ପାକିସ୍ତାନରେ ସୁରକ୍ଷିତ ନୁହେଁ ଚତୁର୍ଥ ସ୍ତମ୍ଭ: ୬ବର୍ଷରେ କାର୍ଯ୍ୟରତ ୩୩ ଗଣମାଧ୍ୟମ ପ୍ରତିନିଧିଙ୍କୁ କରାଯାଇଛି ହତ୍ୟା

ଇସଲାମାବାଦ୍‌,୨୪।୧୧: ପାକିସ୍ତାନର ଗଣତନ୍ତ୍ରର ଚତୁର୍ଥ ସ୍ତମ୍ଭ କୁହାଯାଉଥିବା ଗଣମାଧ୍ୟମ ସୁରକ୍ଷିତ ନୁହେଁ। ଗତ ୬ ବର୍ଷରେ ଏଠାରେ କାର୍ଯ୍ୟରତ ୩୩ ଜଣ ଗଣମାଧ୍ୟମ ପ୍ରତିନିଧିଙ୍କୁ ହତ୍ୟା...

ନ୍ୟୁଜିଲାଣ୍ଡ ହ୍ବାଇଟ୍‌ ଆଇଲାଣ୍ଡରେ ଜ୍ୱାଳାମୁଖୀ ବିସ୍ଫୋରଣ, ବହୁ ପର୍ଯ୍ୟଟକ ଆହତ

ଓ୍ବେଲିଂଟନ୍‌,୯।୧୨: ନ୍ୟୁଜିଲାଣ୍ଡର ସମ୍ବେଦନଶୀଳ ହ୍ବାଇଟ ଆଇଲାଣ୍ଡରେ ସୋମବାର ଜ୍ୱାଳାମୁଖୀ ବିସ୍ଫୋରଣ ହୋଇଛି। ଏହା ଆଖପାଖ ଅଞ୍ଚଳ ପାଇଁ କ୍ଷତିକାରକ ବୋଲି କୁହାଯାଉଛି। ବିସ୍ଫୋରଣ ସମୟରେ ଆଖ...

ପାନ୍‌ , ଆଧାର ତଥ୍ୟ ନ ଦେଲେ କଟିବ ୨୦% ଟିଡିଏସ୍‌

ନୂଆଦିଲ୍ଳୀ,୨୬-୧: ଟାକ୍ସ ଡିଡକ୍ସନ ଆଟ୍‌ ସୋର୍ସ (ଟିଡିଏସ୍‌) ନିୟମରେ ସରକାର ପରିବର୍ତ୍ତନ କରିଛନ୍ତି। ନୂଆ ନିୟମ ମୁତାବକ କୌଣସି କର୍ମଚାରୀଙ୍କ ବେତନ ଟିଡିଏସ୍‌ କଟିବା ଯୋଗ୍ୟ...

ଡେବିଟ କାର୍ଡ ବନ୍ଦ କରିବାକୁ ଏସ୍‌ବିଆଇର ପ୍ରସ୍ତୁତି

ନୂଆଦିଲ୍ଲୀ,୨୦-୮: ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ପ୍ଲାଷ୍ଟିକ ଡେବିଟ କାର୍ଡ ପ୍ରଚଳନକୁ ବନ୍ଦ କରିବାକୁ ଯାଉଛି। ଏହା ବଦଳରେ ବ୍ୟାଙ୍କ ୟୋନୋ ଡିଜିଟାଲ ପେମେଣ୍ଟ ବ୍ୟବସ୍ଥାକୁ ଅଧିକ...

୫ ଦଶନ୍ଧି ଧରି କମୁଛି ବର୍ଷା

ବେଜିଂ/ନୂଆଦିଲ୍ଲୀ, ୧୪ା୬: କୃଷି ପ୍ରଧାନ ଦେଶ ଭାରତରେ ଚାଷକାର୍ଯ୍ୟ ଲାଗି ବିଶେଷତଃ ବର୍ଷା ଉପରେ କୃଷକମାନେ ନିର୍ଭର କରିଥାନ୍ତି। କିନ୍ତୁ ବିଗତ ୫ ଦଶନ୍ଧି ଧରି...

କରୋନାରୁ ଆରୋଗ୍ୟ ଲାଭ କରି କାର୍ଯ୍ୟରେ ଯୋଗଦେଲେ ବ୍ରିଟେନ ପ୍ରଧାନମନ୍ତ୍ରୀ

ଲଣ୍ଡନ,୨୭।୪: ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ କରୋନାରୁ ସମ୍ପୂର୍ଣ୍ଣ ଆରୋଗ୍ୟ ଲାଭ କରିବା ପରେ ପୁଣିଥରେ କାର୍ଯ୍ୟରେ ଯୋଗ ଦେଇଛନ୍ତି। ଆରୋଗ୍ୟ ହୋଇ ଫେରିବା ପରେ...

ଦାୟିତ୍ୱ ନେଲେ ନିର୍ମଳା ସୀଥାରାମନ : ଅର୍ଥନୀତିକୁ ସଜାଡ଼ିବା ଏବେ ଅସଲ ପରୀକ୍ଷା

ନୂଆଦିଲ୍ଲୀ,୧।୬ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ଏନ୍‌ଡିଏ ସରକାରଙ୍କ ପ୍ରଥମ କାର୍ଯ୍ୟକାଳରେ ବାଣିଜ୍ୟ ଏବଂ ଉଦ୍ୟୋଗ ଏବଂ ପରେ ପ୍ରତିରକ୍ଷା ମନ୍ତ୍ରୀ ରହିଥିବା ନିର୍ମଳା...

କୋଇଲା ଖଣିରେ ବିସ୍ଫୋରଣ: ୧୫ ମୃତ

ବେଜିଂ,୧୯।୧୧: ଚାଇନାର ଏକ କୋଇଲା ଖଣିରେ ପ୍ରଚଣ୍ଡ ବିସ୍ଫୋରଣ ଘଟିଛି। ଏଥିରେ ୧୫ ଜଣଙ୍କ ମୃତ୍ୟୁ ଘଟିଛି। ବିସ୍ଫୋରଣରେ ୯ରୁ ଅଧିକ ଲୋକ ଆହତ ହୋଇଥିବା...

Coronavirus Update

Archives

Model This Week

Why Dharitri