ମାଇକେଲ ମାଇଲର୍ ନାମକ ଜଣେ ବ୍ୟକ୍ତି ନିଜ ୟୁ ଟ୍ୟୁବ ଚ୍ୟାନେଲରେ ପ୍ରାୟ ଏକ ମିନିଟ୍ ଅବଧିର ଏକ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ମାଇଲରଙ୍କ ସ୍ତ୍ରୀ ମାକେନା ଏକ ଅବିଶ୍ୱସନୀୟ ପ୍ରଦର୍ଶନ କରିଥିବା ଦେଖିବାକୁ ମିଳିଛି। ବାସ୍ତବରେ ମାକେନଙ୍କ ସହ ମାଇଲର୍ ଏକ ସର୍ତ୍ତ ଲଗାଇଥିଲେ। ସର୍ତ୍ତ ମୁତାବକ ୯ ମାସର ଗର୍ଭବତୀ ଥିବା ମାକେନଙ୍କୁ ୮ ମିନିଟ୍ ମଧ୍ୟରେ ଗୋଟିଏ ମାଇଲ୍ (୧.୬ କିମି) ଦୌଡ଼ିବାକୁ ପଡ଼ିବ। ଯଦି ମାକେନ ଏହି ସମୟ ମଧ୍ୟରେ ଧାର୍ଯ୍ୟ ଦୂରତା ଅତିକ୍ରମ କରିଦିଅନ୍ତି ତେବେ ମାଇଲର୍ ତାଙ୍କୁ ୧୦୦ ଡଲାର ଦେବେ। ଏହାପରେ ରେସ୍ ଆରମ୍ଭ ହୋଇଥିବାବେଳେ ସମସ୍ତଙ୍କୁ ଚକିତ କରି ୯ ମାସର ଗର୍ଭବତୀ ଥିବା ମାକେନ ୫.୨୫ ମିନିଟ୍ରେ ୧.୬ କିମି ଦୂରତା ଅତିକ୍ରମ କରି ସର୍ତ୍ତ ଜିତି ଯାଇଥିଲେ। ଗର୍ଭାବସ୍ଥାର ଅନ୍ତିମ ମାସରେ ମାକେନ ଏତେ ଜୋର୍ରେ ଦୌଡ଼ୁଥିଲେ ଯେ ଏହାକୁ ଦେଖି ସମସ୍ତେ ଚକିତ ହୋଇଯାଇଥିଲେ। ଏହି ଭିଡିଓଟିକୁ ୬ ହଜାରରୁ ଊର୍ଦ୍ଧ୍ୱ ଲୋକ ଦେଖିସାରିଥିବାବେଳେ ଅନେକ ମଧ୍ୟ ମନ୍ତବ୍ୟ ଦେଇଛନ୍ତି। କେହି କେହି ମାକେନଙ୍କୁ ‘ଆଇରନ୍ ଲେଡି’ ବୋଲି କହିଥିବାବେଳେ ଆଉ କେହି ‘ଭଗବାନ ତାଙ୍କୁ ଆଶୀର୍ବାଦ କରନ୍ତୁ’ ବୋଲି ଲେଖିଛନ୍ତି।
