ଭୁବନେଶ୍ୱର,୨୮।୧୦, (ଅନୁରାଧା ମହାରଣା): ଶିକ୍ଷା, କ୍ରୀଡ଼ା, ଅନୁସନ୍ଧାନ, ସହ-ପାଠ୍ୟକ୍ରମ ଏବଂ ଅତିରିକ୍ତ ପାଠ୍ୟକ୍ରମ ଆଦିରେ ଚଣ୍ଡିଗଡ଼ ବିଶ୍ୱବିଦ୍ୟାଳୟ(ସିୟୁ) ଆଉ ଏକ ମାଇଲଖୁଣ୍ଟ ହାସଲ କରିଛି। ନିକଟରେ ଏହାର କୁଳପତି ସତ୍ନାମ ସିଂ ସାନ୍ଧୁ ଘୋଷଣା କରିଛନ୍ତି, ଚଣ୍ଡିଗଡ଼ ବିଶ୍ୱବିଦ୍ୟାଳୟର ସେହି ୯ଟି ଇଞ୍ଜିନିୟରିଂ ପ୍ରୋଗ୍ରାମକୁ ଆକ୍ରିଡେସନ ବୋର୍ଡ ଅଫ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜି (ଏବିଇଟି) ମାନ୍ୟତା ଦେଇଛି। ଭାରତରେ ଏବିଇଟି ମାନ୍ୟତାପ୍ରାପ୍ତ ୧୦ଟି ବିଶ୍ୱବିଦ୍ୟାଳୟ ବା ଶିକ୍ଷାନୁଷ୍ଠାନ ଅଛି। ସେଥିମଧ୍ୟରୁ ସର୍ବଭାରତୀୟ ସ୍ତରରେ ଚଣ୍ଡିଗଡ଼ ବିଶ୍ୱବିଦ୍ୟାଳୟର ସର୍ବାଧିକ ସଂଖ୍ୟକ ପାଠ୍ୟକ୍ରମକୁ ଏହି ମାନ୍ୟତା ମିଳିଥିବା ସାନ୍ଧୁ କହିଛନ୍ତି। ଏହି ମାନ୍ୟତାପ୍ରାପ୍ତ କରିଥିବା ୯ ପାଠ୍ୟକ୍ରମ ମଧ୍ୟରେ ଏରୋସ୍ପେସ୍ ଇଞ୍ଜିନିୟରିଂ (ବ୍ୟାଚେଲର ଅଫ୍ ଇଞ୍ଜିନିୟରିଂ), କେମିକାଲ ଇଞ୍ଜିନିୟରିଂ (ସ୍ନାତକୋତ୍ତର ଇଞ୍ଜିନିୟରିଂ), ସିଭିଲ ଇଞ୍ଜିନିୟରିଂ (ବ୍ୟାଚେଲର ଅଫ୍ ଇଞ୍ଜିନିୟରିଂ), କମ୍ପ୍ୟୁଟର ସାଇନ୍ସ ଆଣ୍ଡ ଇଞ୍ଜିନିୟରିଂ (ସ୍ନାତକୋତ୍ତର ଇଞ୍ଜିନିୟରିଂ), ଇଲେକ୍ଟ୍ରିକାଲ ଇଞ୍ଜିନିୟରିଂ (ସ୍ନାତକ ଇଞ୍ଜିନିୟରିଂ), ଇଲେକ୍ଟ୍ରୋନିକ୍ସ ଏବଂ ଯୋଗାଯୋଗ ଇଞ୍ଜିନିୟରିଂ (ସ୍ନାତକୋତ୍ତର ଇଞ୍ଜିନିୟରିଂ), ମେକାନିକାଲ ଇଞ୍ଜିନିୟରିଂ (ସ୍ନାତକୋତ୍ତର ଇଞ୍ଜିନିୟରିଂ) ଏବଂ ମେକାଟ୍ରୋନିକ୍ସ ଇଞ୍ଜିନିୟରିଂ (ସ୍ନାତକୋତ୍ତର ଇଞ୍ଜିନିୟରିଂ) ଆଦି ପାଠ୍ୟକ୍ରମ ରହିଛି। ଏ ଅବସରରେ ସାନ୍ଧୁ କହିଛନ୍ତି, ଡିଗ୍ରୀ ହେଉକି ମାଷ୍ଟର କିମ୍ବା ରିସର୍ଚ୍ଚ ପ୍ରତ୍ୟେକ ବ୍ୟକ୍ତିଙ୍କର ଭବିଷ୍ୟତ ପାଇଁ ଏହା ଗୋଟିଏ ଗୋଟିଏ ଉତ୍ତମ ନିବେଶ। ପୂର୍ବରୁ କ୍ୟୁଏସ୍ ଓ୍ବାଲର୍ଡ ୟୁନିଭର୍ସିଟି ର଼୍ୟାଙ୍କିଙ୍ଗ୍-୨୦୨୪ ଆଧାରରେ ଶ୍ରେଷ୍ଠ ୪୫ ବିଶ୍ୱବିଦ୍ୟାଳୟ ମଧ୍ୟରେ ଚଣ୍ଡିଗଡ଼ ବିଶ୍ୱବିଦ୍ୟାଳୟ ମଧ୍ୟ ରହିଥିଲା। ସେହିପରି ଦେଶରେ ଘରୋଇ ବିଶ୍ୱବିଦ୍ୟାଳୟ ମଧ୍ୟରେ ଏହି ବିଶ୍ୱବିଦ୍ୟାଳୟ ଶୀର୍ଷରେ ରହିଥିବାବେଳେ ସମସ୍ତ ବର୍ଗରେ ୨୦ତମ ସ୍ଥାନରେ ରହିଥିବା ସାନ୍ଧୁ କହିଛନ୍ତି। ସେହିପରି ଏନ୍ଆଇଆରଏଫ୍ ର଼୍ୟାଙ୍କିଙ୍ଗ୍-୨୦୨୩ରେ ଏହି ବିଶ୍ୱବିଦ୍ୟାଳୟ ୨୭ତମ ସ୍ଥାନ ହାସଲ କରିଥିଲା। ସମ୍ମିଳନୀ ପାଇଁ ଚେନ୍ନାଇରେ ଆୟୋଜିତ ରୋଡ୍ ଶୋ’କୁ ଆସିଥିବା ବିଭିନ୍ନ ଗୋଷ୍ଠୀର ନିବେଶକଙ୍କୁ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଆମନ୍ତ୍ରଣ କରିଥିଲେ।
