ନୂଆଦିଲ୍ଲୀ,୪।୧: ଜିଏସ୍ଟି ଏନ୍ଫୋର୍ସମେଣ୍ଟ ସ୍କ୍ବାଡ୍ ୮୩୧ କୋଟି ଟଙ୍କା ଟିକସ ଠକେଇର ପର୍ଦ୍ଦାଫାଶ କରିଛନ୍ତିି। ଗୁଟ୍ଖା, ପାନମସଲା ଏବଂ ତମାଖୁ ପ୍ରଡକ୍ଟର ମାନୁଫାକଚର ଏବଂ ଯୋଗାଣ କରୁଥିବା ଜଣେ ବ୍ୟକ୍ତିବିଶେଷ ଏହି ଠକେଇରେ ସାମିଲ ଥିଲେ। ଏହି ବ୍ୟକ୍ତି ଜଣଙ୍କୁ ଏବେ ଗିରଫ କରାଯାଇଥିବା ଅର୍ଥ ମନ୍ତ୍ରଣାଳୟ ପକ୍ଷରୁ ରବିବାର ସୂଚନା ଦିଆଯାଇଛି। ବିନା କୌଣସି ପଞ୍ଜୀକରଣ ଏବଂ ଟିକସ ପ୍ରଦାନ କରି ଏହି ବ୍ୟକ୍ତି କାରବାର ଜାରି ରଖିଥିଲେ। ସେଣ୍ଟ୍ରାଲ ଜିଏସ୍ଟି ଦିଲ୍ଲୀ ଓ୍ବେଷ୍ଟ କମିଶନରେଟ ପକ୍ଷରୁ ଏଭଳି ଏକ ଟିକସ ଠକେଇ ର଼୍ୟାକେଟ ଉପରୁ ପର୍ଦ୍ଦା ହଟାଯାଇଛି।
ତଥ୍ୟ ପ୍ରମାଣକୁ ଆଧାର କରି ସାମଗ୍ରୀ ଜବତ କରାଯାଇଛି। ଟିକସ ଠକେଇରେ ସମ୍ପୃକ୍ତ ରହିଥିବା ମାନିଛନ୍ତି। ଏହି ମାମଲା ଉପରେ ଖୋଳତାଡ ଜାରି ରହିଥିବା ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି। ବେଆଇନ ଭାବେ ଗୁଟଖା, ତମାଖୁ ଏବଂ ପାନ ମସଲା ପ୍ରଡକ୍ଟ ମାନୁଫାକଚର ହେଉଥିବା ଚଢାଉ ବେଳେ ସାମ୍ନାକୁ ଆସିଥିଲା। ଏକ ବେଆଇନ ଫ୍ୟାକ୍ଟ୍ରିରେ ପ୍ରାୟ ୪୫ ଜଣ କାମ କରୁଥିଲେ। ଗୁଟଖା ପ୍ରଡକ୍ଟକୁ ବିଭିନ୍ନ ପ୍ରଦେଶକୁ ସଫ୍ଲାଇ କରାଯାଉଥିଲା। ଚଢ଼ାଉ ବେଳେ ୪.୧ କୋଟି ଟଙ୍କାର କଞ୍ଚାମାଲ ଜବତ କରାଯାଇଛି। ଟିକସ ଫାଙ୍କିବା ଲାଗି ବ୍ୟକ୍ତି ବିଶେଷ ଇନଭଏସ ବ୍ୟବହାର କରୁ ନ ଥିଲେ। ଏହି କମ୍ପାନୀ ଜିଏସ୍ଟି ଆଇନର ବିଭିନ୍ନ ଧାରାକୁ ଉଲ୍ଲଂଘନ କରିଥିବା ଜଣାପଡିଛି। ଗିରଫ ବ୍ୟକ୍ତି ବିଶେଷଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ସେହିଭଳି ଟିକସ ଅସୁଲ କରିବା ଲାଗି ତଦନ୍ତ ଜାରି ରହିଛି। ଦିଲ୍ଲୀ ଜିଏସ୍ଟି ଜୋନ ଚଳିତ ଆର୍ଥତ୍କ ବର୍ଷରେ ୪,୩୨୭ କୋଟି ଟଙ୍କା ଟିକସ ଠକେଇ ଉପରୁ ପର୍ଦ୍ଦା ହଟାଇଥିବା ଜଣାପଡିଛି।
