ବୟସ କେବଳ ଏକ ସଂଖ୍ୟା। ଇଚ୍ଛାଶକ୍ତି ଥିଲେ ପରିଣତ ବୟସରେ ମଧ୍ୟ ଲୋକେ ସଫଳତା ହାସଲ କରିଥାନ୍ତି। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଜଣେ ୮୦ ବର୍ଷୀୟା ବୃଦ୍ଧା ପରିଣତ ବୟସରେ ମଧ୍ୟ ପାରାଗ୍ଲାଇଡିଂ କରୁଛନ୍ତି। ଏହି ଭିଡିଓଟି ତାଙ୍କ ନାତୁଣୀ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ତାଙ୍କ ଜେଜେମା’ଙ୍କର ୭ ବର୍ଷ ପୂର୍ବେ ଦେହାନ୍ତ ହୋଇଛି, କିନ୍ତୁ ତାଙ୍କ ଫୋନ୍ ଗ୍ୟାଲେରୀରେ ହୃଦୟସ୍ପର୍ଶୀ କ୍ଲିପ୍ ମିଳିଛି। ଯାହାକୁ ସେ ହାତଛଡ଼ା କରିନାହାନ୍ତି।
ଭିଡିଓଟି ଇନ୍ଷ୍ଟାଗ୍ରାମରେ ସେଲିନା ମୋସା ନାମକ ଜଣେ ୟୁଜର ଶେୟାର କରିଛନ୍ତି। ଶର୍ଟ କ୍ଲିପ୍ରେ ସେଲିନାଙ୍କ ୮୦ ବର୍ଷୀୟା ଜେଜେମା’ଙ୍କୁ ପାରାଗ୍ଲାଇଡିଂରେ ଦେଖିବାକୁ ମିଳୁଛି। ସେ ସମ୍ପୂର୍ଣ୍ଣ ନିର୍ଭୟରେ ଥିଲେ ଏବଂ ସାହସୀ ହୋଇ ଏହି ଖୁସି ମୁହୂର୍ତ୍ତରେ ଭାଗ ନେଇଥିଲେ। ସେ ପ୍ରମାଣ କରିଛନ୍ତି, ବୟସ କେବଳ ଏକ ସଂଖ୍ୟା। ଏହା ବ୍ୟତୀତ ବୃଦ୍ଧା ପାରାଗ୍ଲାଇଡିଂ ସମୟରେ ଏକ ଶାଢ଼ି ପିନ୍ଧିଥିଲେ।
ସେ କ୍ୟାପଶନରେ ଲେଖିଛନ୍ତି, ବୟସ କେବଳ ଏକ ସଂଖ୍ୟା ଏବଂ ମୋ ଆଖି ଏହାକୁ ପ୍ରମାଣ କରିବାକୁ ପଡ଼ିବ। ମୋ’ ଜେଜେମା ୮୦ ବର୍ଷ ବୟସରେ ଏହା କରିଥିଲେ। ଏହି ଭିଡିଓକୁ ମୋ’ ଗ୍ୟାଲେରୀରେ ବହୁତ ଦିନ ପରେ ପାଇଲି ଏବଂ ଏହାକୁ ଶେୟାର କରିବାରେ ମୁଁ ନିଜକୁ ଅଟକାଇ ପାରିଲି ନାହିଁ। ବର୍ତ୍ତମାନ ସେ ଆମକୁ ସବୁଦିନ ପାଇଁ ଛାଡ଼ିବାର ୭ ବର୍ଷ ବିତିଗଲାଣି। କିନ୍ତୁ ସେ ସବୁବେଳେ ମନେ ରହିବେ। ତୁମକୁ ମନେ ପକାଉଛି, ତୁମକୁ ଭଲ ପାଏ ଜେଜେମା’।
ଭିଡିଓଟିକୁ ଏକ ଲକ୍ଷରୁ ଅଧିକ ଥର ଦେଖାସରିଲାଣି। ଇନ୍ଷ୍ଟାଗ୍ରାମ ୟୁଜରମାନେ କ୍ଲିପ୍ ଦେଖିବା ପରେ ଖୁସି ହୋଇଯାଇଛନ୍ତି। ଜଣେ ୟୁଜର ଲେଖିଛନ୍ତି, ଏହା ଜୀବନର ଏକ ପର୍ବ, ଏହାକୁ ଦେଖ। ସେ ଏପରି ପ୍ରେରଣା ଏବଂ ବଞ୍ଚିବାର ଲକ୍ଷ୍ୟ। ଅନ୍ୟ ଜଣେ ୟୁଜର କହିଛନ୍ତି, ସେ ଜଣେ ସୁପରମ୍ୟାନ।
