କେସିଙ୍ଗା,୧୫।୮(ତୁମେଶ୍ୱର ସାହୁ) କଳାହାଣ୍ଡି ଜିଲା କେସିଙ୍ଗା ଏନ ଏ ସିରେ ନାଗରିକ କମିଟି ଓ ଏନ ଏ ସିର ମିଳିତ ଉଦ୍ୟମରେ ୭୭ତମ ସ୍ବାଧୀନତା ଦିବସ ମଙ୍ଗଳବାର ବିଦ୍ୟାପୀଠର ଖେଳ ପଡ଼ିଆଠାରେ ମହାସମାରୋହରେ ପାଳିତ ହୋଇଯାଇଛି। ଏହି ଉତ୍ସବରେରେ ମୁଖ୍ୟ ଅତିଥି ଭାବେ କେସିଙ୍ଗା ଏନ ଏ ସିର ଅଧ୍ୟକ୍ଷ ନୃପରାଜ ଯାଦବ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଜନସାଧାରଣଙ୍କୁ ସମ୍ବୋଧନ କରି ବିଭିନ୍ନ ସ୍କୁଲ ଓ କଲେଜର ଛାତ୍ରୀଛାତ୍ରଙ୍କ ଠାରୁ ଅଭିବାଦନ ଗ୍ରହଣ କରିଥିଲେ। କେସିଙ୍ଗା ସହରକୁ ସବୁଜ ସୁନ୍ଦର କରିବା ସହ ବହୁ କଲ୍ୟାଣକାରୀ ଯୋଜନା କରାଯାଉଛି। ରାଜ୍ୟ ସରକାରଙ୍କ ବିଭିନ୍ନ ପ୍ରକଳ୍ପ କରିବା ସହିତ ତୃଣମୂଳ ସ୍ତରରେ ରାଜ୍ୟ ସରକାରଙ୍କ ସୁଶାସନ ପହଞ୍ଚାଇବାବାକୁ ସବୁ ପ୍ରକାର ଉଦ୍ୟମ କରାଯାଉଛି। ସହରରେ ସ୍ବାସ୍ଥ୍ୟ, ଶିକ୍ଷା, ଆଲୋକିକରଣ, ରାସ୍ତା ଘାଟ, ଡ୍ରେନ, ପାନୀୟଜଳ, ସହରବାସୀଙ୍କୁ ଯୋଗାଇ ଦିଆଯାଉଛି। ରାଜ୍ୟ ସରକାରଙ୍କ ବିଭିନ୍ନ ନୂତନ ଯୋଜନାକୁ ବିକାଶ କରିବା କ୍ଷେତ୍ରରେ ଉଦ୍ୟମ ଜାରି ରହିଛି ବୋଲି ମୁଖ୍ୟ ଅତିଥି ପ୍ରକାଶ କରିଥିଲେ। ସହରର ବିଭିନ୍ନ ସ୍କୁଲ, କଲେଜର ଛାତ୍ରୀଛାତ୍ରମାନଙ୍କ ଦ୍ୱାରା ୩୨ଟି ଦଳ ମାର୍ଚ୍ଚ ଫାଷ୍ଟ କରିଥିଲେ। ୧୯ଟି ଦଳ ବିଭିନ୍ନ ଗ୍ରୁପ ଡାନ୍ସ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। କୃତି ଛାତ୍ରୀଛାତ୍ରଙ୍କୁ ଅତିଥି ଗଣ ପୁରସ୍କୃତ କରିଥିଲେ। ଏହି ଉତ୍ସବରେ ନୂତନ ଭାବେ ଯୋଗଦାନ କରିଥିବା ଆଇ ଆଇ ସି ପ୍ରଦୁଦ୍ମ ମହାପାତ୍ର, ପୂର୍ବତନ ଆଇ ଆଇ ସି ଏସ.କେ.ନନ୍ଦ,ତହସିଲଦାର ଯୁଗେଶ୍ୱର ସାହୁ,ଉପାଧ୍ୟକ୍ଷା ସରସ୍ବତୀ ସାହା, ସମସ୍ତ କାଉନସିଲର ବୃନ୍ଦ ମଞ୍ଚାସୀନ ହୋଇଥିଲେ। ବିଜେଡି ଟାଉନ ସଭାପତି ରମେଶ ପଟ୍ଟନାୟକ, ଯୁବ ସଂଗଠକ ଶିଲୁ ପରିଡା ପ୍ରମୁଖ ଉପସ୍ଥିତ ଥିଲେ। ମଞ୍ଚ ପରିଚାଳନା କରିଥିଲେ ଅସର ପ୍ରାପ୍ତ ଅଧ୍ୟାପକ ବି.ଚନ୍ଦ୍ର ଶେଖର ଆଚାରି।
