ନୂଆଦିଲ୍ଲୀ,୧।୮: ୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର ନେଇ ଶୁକ୍ରବାର ଘୋଷଣା କରାଯାଇଛି। ୨୦୨୩ରେ ମୁକ୍ତିଲାଭ କରିଥିବା ଚଳଚ୍ଚିତ୍ରଗୁଡ଼ିକୁ ନେଇ ଏହି ପୁରସ୍କାର ଘୋଷଣା କରାଯାଇଛି। ବିକ୍ରାନ୍ତ ମେସି ଓ ରାଣୀ ମୁଖାର୍ଜୀଙ୍କ ନାମ ବେଶ ଚର୍ଚ୍ଚାରେ ଥିଲା, କିନ୍ତୁ ଏବେ ସମସ୍ତ ଅପେକ୍ଷାର ଅନ୍ତ ଘଟିଛି। ଜୁରୀ ସଦସ୍ୟ ଆଶୁତୋଷ ଗୋବାରୀକର ଓ ପି ଶେଷାଦ୍ରୀଙ୍କ ନେତୃତ୍ୱରେ ଫିଲ୍ମଗୁଡ଼ିକୁ କିଛି ସପ୍ତାହ ଧରି ତର୍ଜମା କରାଯାଇଥିଲା। ଶେଷରେ ସେମାନେ ନିଜର ରିପୋର୍ଟ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଓ ଏଲ୍ ମୁରୁଗନଙ୍କୁ ପ୍ରଦାନ କରିଛନ୍ତି। ଶେଷରେ ଦିଲ୍ଲୀର ଜାତୀୟ ମିଡ଼ିଆ ସେଣ୍ଟରରେ ଆୟୋଜିତ ଏକ ଖବରଦାତା ସମ୍ମିଳନୀରେ ବିଜେତାଙ୍କ ନାମ ଘୋଷଣା କରାଯାଇଛି।
ବିଜେତାଙ୍କ ତାଲିକା:
ସୱତନ୍ତ୍ର ଉଲ୍ଲେଖ: ଆନିମଲ (ରି-ରେକର୍ଡିଂ ମିକ୍ସର) – ଏମ୍ ଆର୍ ରାଜକ୍ରିଷ୍ଣନ
ଶ୍ରେଷ୍ଠ ତାଈ ଫେକ ଫିଲ୍ମ: ପାଈ ତାଙ୍ଗ
ଶ୍ରେଷ୍ଠ ଗାରୋ ଫିଲ୍ମ: ରିମଦୋଗିତାଙ୍ଗା
ଶ୍ରେଷ୍ଠ ତେଲୁଗୁ ଫିଲ୍ମ: ଭଗବନ୍ତ କେସରୀ
ଶ୍ରେଷ୍ଠ ତାମିଲ ଫିଲ୍ମ: ପାର୍କିଂ
ଶ୍ରେଷ୍ଠ ପଞ୍ଜାବୀ ଫିଲ୍ମ: ଗୋଦ୍ଦେ ଗୋଦ୍ଦେ ଚା
ଶ୍ରେଷ୍ଠ ଓଡ଼ିଆ ଫିଲ୍ମ: ପୁଷ୍କରା
ଶ୍ରେଷ୍ଠ ମରାଠୀ ଫିଲ୍ମ: ଶ୍ୟାମଚୀ ଆଈ
ଶ୍ରେଷ୍ଠ କନାଡ଼ା ଫିଲ୍ମ: କନ୍ଦିଲୁ
ଶ୍ରେଷ୍ଠ ହିନ୍ଦୀ ଫିଲ୍ମ: କଟହଲ୍
ଶ୍ରେଷ୍ଠ ଆକ୍ସନ ନିର୍ଦ୍ଦେଶନା: ହନୁମାନ (ତେଲୁଗୁ)
ଶ୍ରେଷ୍ଠ ନୃତ୍ୟ ନିର୍ଦ୍ଦେଶନା(Choreography): ରକି ଔର ରାଣୀ କୀ ପ୍ରେମ କାହାଣୀ (ଢିଣ୍ଢୋରା ବାଜେ ରେ)
ଶ୍ରେଷ୍ଠ ଗୀତ: ବଲଗମ୍(ତେଲୁଗୁ)
ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶନା (ତାମିଲ): ବାଥୀ – ଜି ଭି ପ୍ରକାଶ କୁମାର
ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶନା (ହିନ୍ଦୀ): ଆନିମଲ – ହର୍ଷବର୍ଦ୍ଧନ ରାମେଶ୍ୱର
ଶ୍ରେଷ୍ଠ ମେକଅପ (ହିନ୍ଦୀ): ସାମ୍ ବାହାଦୁର – ଶ୍ରୀକାନ୍ତ ଦେଶାଇ
ଶ୍ରେଷ୍ଠ ପୋଷାକ ଡିଜାଇନର: ସାମ୍ ବାହାଦୁର – ଦିବ୍ୟା ଗମ୍ଭୀର, ସଚୀନ ଲାଭଲେକର, ନିଧୀ ଗମ୍ଭୀର
ଶ୍ରେଷ୍ଠ ସାଉଣ୍ଡ ଡିଜାଇନର: ଆନିମଲ୍ – ସଚୀନ ସୁଧାକରନ, ହରିହରନ୍ ମୁରଲୀଧରନ୍
ଶ୍ରେଷ୍ଠ ସଂଳାପ ଲେଖକ: ସିର୍ଫ ଏକ ବନ୍ଦା କାଫି ହେ
ଶ୍ରେଷ୍ଠ ସିନେମାଟୋଗ୍ରାଫୀ: ଦ କେରଳ ଷ୍ଟୋରୀ – ପ୍ରଂଶାନ୍ତନୁ ମହାପାତ୍ର
ଶ୍ରେଷ୍ଠ ମହିଳା ପ୍ଲେବ୍ୟାକ ସିଙ୍ଗର: ଶିଳ୍ପା ରାଓ
ଶ୍ରେଷ୍ଠ ପୁରୁଷ ପ୍ଲେବ୍ୟାକ ସିଙ୍ଗର: ପିଭିଏନ୍ ଏସ୍ ରୋହିତ (ତେଲୁଗୁ)
ଶ୍ରେଷ୍ଠ ଶିଶୁ କଳାକାର: ଗାନ୍ଧୀ ତଥା ଚେତୁ – ସୁକ୍ରୀତି ଭେନୀ ବନ୍ଦ୍ରେଦୀ
ଜିପ୍ସୀ – କବୀର ଖଣ୍ଡାରେ
ନାଲ – ତ୍ରିଶା ତୋସାର, ଶ୍ରୀନିବାସ ପୋକାଲେ, ଭାର୍ଗବ ଜଗପତ
ଶ୍ରେଷ୍ଠ ଅଭିନେତ୍ରୀ: ରାଣୀ ମୁଖାର୍ଜୀ
ଶ୍ରେଷ୍ଠ ଅଭିନେତା: ଶାହରୁଖ ଖାନ, ବିକ୍ରାନ୍ତ ମେସି
ଶ୍ରେଷ୍ଠ ଲୋକପ୍ରିୟ ଫିଲ୍ମ: ରକି ଔର ରାଣୀ କୀ ପ୍ରେମ କାହାଣୀ
ଶ୍ରେଷ୍ଠ ଫିଚର ଫିଲ୍ମ: ୧୨ବୀଁ ଫେଲ
ଶ୍ରେଷ୍ଠ ଚିତ୍ରନାଟ୍ୟ: ବେବୀ (ତେଲୁଗୁ) – ସାଇ ରାଜେଶ ନୀଲମ
ଓଡ଼ିଆ ଚଳଚ୍ଚିତ୍ର ’ପୁଷ୍କରା’ ଶ୍ରେଷ୍ଠ ଓଡ଼ିଆ ଫିଲ୍ମ ଭାବେ ପୁରସ୍କୃତ ହୋଇଥିବାରୁ ରାଜ୍ୟବାସୀଙ୍କ ମଧ୍ୟରେ ଖୁସିର ଲହରୀ ଦେଖାଦେଇଛି।
