ୱିମେନ୍‌ ଇଞ୍ଜିନିୟର୍ସ ପ୍ରୋଗ୍ରାମର ୫ମ ସଂସ୍କରଣ
9:05 amMarch 1, 2023March 1, 2023 / 41

ନୂଆଦିଲ୍ଲୀ,୧।୩: ଗ୍ଲୋବାଲ ଏଡ୍‌ଟେକ୍‌ କମ୍ପାନୀ ଟାଲେଣ୍ଟ ସ୍ପ୍ରିଣ୍ଟ ପକ୍ଷରୁ ଏକ ଅଭିନବ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ଏପରିକି କମ୍ପାନୀର ୱିମେନ୍‌ସ ଇଞ୍ଜିନିୟର୍ସ (ଡବ୍ଲ୍ୟୁଇ) ପ୍ରୋଗ୍ରାମର ୫ମ ସଂସ୍କରଣ ସମ୍ପର୍କରେ ମଧ୍ୟ ଘୋଷଣା କରାଯାଇଛି। ଚଳିତ ବର୍ଷ ଉକ୍ତ କାର୍ଯ୍ୟକ୍ରମ ଦେଶବ୍ୟାପୀ ୨୦୦ ପ୍ରଥମ ବର୍ଷର ମହିଳା ଇଞ୍ଜିନିୟରିଂ ଛାତ୍ରୀଙ୍କୁ ଅନ୍ତର୍ଜାତୀୟ ସ୍ତରରେ ପ୍ରତିଯୋଗିତାପୂର୍ଣ୍ଣ ସଫ୍ଟୱେର ଇଞ୍ଜିନିୟର ହେବା ପାଇଁ ଚିହ୍ନଟ, ଚୟନ, ପ୍ରଶିକ୍ଷିତ ଓ ପ୍ରସ୍ତୁତ କରିବା ପାଇଁ ଲକ୍ଷ୍ୟ ରଖିଛି। ଉକ୍ତ କାର୍ଯ୍ୟକ୍ରମ ପ୍ରତ୍ୟେକ ମନୋନୀତ ଛାତ୍ରୀଙ୍କୁ ୧୦୦% ଫି’ ଛାତ୍ରବୃତ୍ତି ଓ ୧ ଲକ୍ଷ ଟଙ୍କାର ନଗଦ ବୃତ୍ତି ପ୍ରଦାନ କରୁଛି। ବିଶେଷକରି ଏକ ୨ବର୍ଷିଆ କାର୍ଯ୍ୟକ୍ରମ ଭାବେ ପ୍ରଦାନ କରାଯାଇଥିବା ଡବ୍ଲ୍ୟୁଇରେ ଟାଲେଣ୍ଟ ସ୍ପ୍ରିଣ୍ଟ୍‌ର ଶୀର୍ଷସ୍ତରର ଅଧ୍ୟାପକ ଓ ଶିଳ୍ପ ବିଶେଷଜ୍ଞଠାରୁ ଶିକ୍ଷା ଏବଂ ଗୁଗଲ୍‌ରେ ଇଞ୍ଜିନିୟର ଓ ଟେକ୍ନୋଲୋଜି ଲିଡରଙ୍କ ମାର୍ଗଦର୍ଶନ ସାମିଲ ରହିଛି।