ଜୟନାରାୟଣଙ୍କୁ ଗୋଡ଼ାଉଛି ୫-ଟି ଭୟ: ବିଜେଡି
7:13 amSeptember 9, 2023September 9, 2023 / 04

ଭୁବନେଶ୍ୱର,୯ା୯(ଅନିଲ ଦାସ): ଓଡ଼ିଶା ଭାଜପା ନେତା ଜୟନାରାୟଣ ମିଶ୍ରଙ୍କୁ ୫-ଟି ଭୂତ ଗୋଡ଼ାଉଛି। ଯେଉଁଠାରେ ସେ ଏହାକୁ ଦେଖୁଛନ୍ତି ସେଠାରେ ଖାଲି ୫-ଟି ଜପ କରୁଛନ୍ତି। ସେ କିଡ୍‌ନୀ ଏବଂ ମାନସିକ ସମସ୍ୟାର ଚିକିତ୍ସା ପାଇଁ ଯାଇଥିଲେ। ତାଙ୍କର କିଡ୍‌ନୀ ଚିକିତ୍ସା ସଫଳ ହୋଇଥିବାବେଳେ ବୋଧହୁଏ ସେ ମାନସିକ ଚିକିତ୍ସାକୁ ଅଧାରେ ଛାଡ଼ି ଦେଇଛନ୍ତି। ତେଣୁ ସେ ପୁଣି ଥରେ ପାଗଳ ଭଳି କଥାବାର୍ତ୍ତା ଆରମ୍ଭ କରିଥିବା ବିଜେଡି ମୁଖପାତ୍ର ଲେନିନ୍‌ ମହାନ୍ତି କହିଛନ୍ତି।
ସେ ଗଣମାଧ୍ୟମକୁ କହିଛନ୍ତି, ଆଜିକାଲି ସୌମ୍ୟରଞ୍ଜନ ପଟ୍ଟନାୟକଙ୍କ ପାଇଁ ଜୟନାରାୟଣ ଜୋରରେ କୁମ୍ଭୀର କାନ୍ଦଣା କାନ୍ଦୁଛନ୍ତି। ଯଦି ସୌମ୍ୟରଞ୍ଜନ କହିବେ ଯେ, ସେ ଭାଜପାରେ ଯୋଗଦେବେ ତେବେ ଜୟନାରାୟଣ ଗୁରୁତର ଅବସାଦ ଓ ଭୟାତୁର ସ୍ଥିତି ଭିତରକୁ ଠେଲି ହୋଇଯିବେ। କାରଣ ସେ ଭଲଭାବେ ଜାଣନ୍ତି, ସୌମ୍ୟ ଓଡ଼ିଶା ଭାଜପାରେ ଥିବାବେଳେ କିଭଳି ସବୁ କାର୍ଯ୍ୟ କରିଥିଲେ।