ଚେନ୍ନାଇ, ୪।୮(ପି.ଟି.)- ସ୍ଥାନୀୟ କ୍ରିଷ୍ଣନ୍ ଟେନିସ ସେଣ୍ଟରରେ ଅନୁଷ୍ଠିତ ହୋଇଥିବା ପୁରୁଷ ଏଆଇଟିଏ ର଼୍ୟାଙ୍କିଙ୍ଗ୍ ଟୁର୍ନାମେଣ୍ଟରେ ସ୍ଥାନୀୟ ଖେଳାଳି ମହମ୍ମଦ ଫହାଦ ଟାଇଟଲ ହାସଲ କରିଛନ୍ତି। ଶନିବାର ଅନୁଷ୍ଠିତ ପୁରୁଷ ସିଙ୍ଗଲ୍ସ ଫାଇନାଲ ମ୍ୟାଚ୍ରେ ସେ ଗୁଜରାଟ୍ର ମେଘ୍ ଭାର୍ଗଭ କେ ପଟେଲଙ୍କୁ ୬-୩, ୭-୫ ସେଟରେ ପରାସ୍ତ କରି ଚାମ୍ପିୟନ ହୋଇଛନ୍ତି। ପୂର୍ବରୁ ଅନୁଷ୍ଠିତ ପୁରୁଷ ଡବଲ୍ସ ଟୁର୍ନାମେଣ୍ଟରେ ମଧ୍ୟ ଫହାଦ ସାଥି ଖେଳାଳି କାଭିନ୍ ମାସିଲାମାନିଙ୍କ ସହିତ ଶୁକ୍ରବାର ଟାଇଟଲ ହାସଲ କରିଥିଲେ। ଫଳରେ ଫହାଦ ସିଙ୍ଗଲ୍ସ ଓ ଡବଲ୍ସରେ ବାଜିମାରି ଦ୍ୱିମୁକୁଟ ହାସଲ କରିଛନ୍ତି। ପ୍ରଥମ ସେଟ୍କୁ ୬-୩ରେ ଜିତିବା ପରେ ଫହାଦ ଦ୍ୱିତୀୟ ସେଟ୍ରେ ୨-୫ରେ ପଛରେ ପଡିଥିଲେ। ତେବେ ଏହାପରେ ସେ ଦମ୍ଦାର ପ୍ରତ୍ୟାବର୍ତ୍ତନ କରି ୫ଟି ସିଧାସଳଖ ଗେମ୍ ଜିତି ମ୍ୟାଚ୍ ହାତେଇ ନେଇଥିଲେ।
