ନୂଆଦିଲ୍ଲୀ: ପ୍ରମୁଖ ଇ-କମର୍ସ କମ୍ପାନୀ ଆମାଜନ ପକ୍ଷରୁ ଆରମ୍ଭ ହୋଇଥିବା ଲୋକାଲ ଶପ୍ସ କାର୍ଯ୍ୟକ୍ରମରେ ୫୦ ହଜାରରୁ ଊର୍ଦ୍ଧ୍ୱ ଅଫଲାଇନ ରିଟେଲ ଷ୍ଟୋର ଯୋଡି ହୋଇଛନ୍ତି। ଦେଶର ୪୫୦ ସହରରୁ କିରାନା ଏବଂ ରିଟେଲ ଏଥିରେ ସାମିଲ ହୋଇଥିବା କମ୍ପାନୀ ପକ୍ଷରୁ ସୂଚନା ମିଳିଛି। ଗତବର୍ଷ ଏପ୍ରିଲରେ କମ୍ପାନୀ ଏହି କାର୍ଯ୍ୟକ୍ରମକୁ ଆରମ୍ଭ କରିଥିଲା। ଏହା ଦ୍ୱାରା ସ୍ଥାନୀୟ ଷ୍ଟୋର ଓନର ଅନଲାଇନରେ ସାମଗ୍ରୀ ବିକିବାକୁ ସକ୍ଷମ ହେଉଛନ୍ତି। ଅକ୍ଟୋବରରେ କମ୍ପାନୀ କହିଥିଲା ଯେ, କାର୍ଯ୍ୟକ୍ରମରେ ୪୦୦ ସହରରୁ ୨୦ ହଜାର ରିଟେଲର ଯୋଡି ହୋଇଛନ୍ତି। ଟାୟାର ୨ ଏବଂ ୩ ସହରଗୁଡ଼ିକରୁ ଏହି ଷ୍ଟୋରଗୁଡିକୁ ଯୋଡି ହୋଇଥିବା କମ୍ପାନୀ ପକ୍ଷରୁ ସୂଚନା ରହିଛି। ନିଜ ସହରରେ ଗ୍ରାହକଙ୍କୁ ବିସ୍ତୃତ ବର୍ଗର ପ୍ରଡକ୍ଟ ଯୋଗାଣ ଦିଗରେ ଏହି ଷ୍ଟୋରଗୁଡିକ ସକ୍ଷମ ହେଉଛନ୍ତି। ଫୁଲ, ଫଳ, ହୋମ ଏବଂ କିଚେନ ପ୍ରଡକ୍ଟ, ଫର୍ନିଚର, ଇଲେକ୍ଟ୍ରୋନିକ୍ସ, ବହି ଖେଳନା ଭଳି ବିଭିନ୍ନ ପ୍ରଡକ୍ଟ ଷ୍ଟୋରଗୁଡିକ ଗ୍ରାହକଙ୍କୁ ଉପଲବ୍ଧ କରାଉଛନ୍ତି।
