ନୂଆଦିଲ୍ଲୀ: କରୋନା ଟିକା ସଫଳ ହେଉଥିବା ଖବର ଭାରତୀୟ ପୁଞ୍ଜି ବଜାର ଉପରେ ଭଲ ପ୍ରଭାବ ପକାଇଛି। ଫଳରେ ନଭେମ୍ବର ମାସ ଅଦ୍ୟାବଧି ଦେଶର ପୁଞ୍ଜି ବଜାରରେ ବିଦେଶୀ ନିବେଶକମାନେ ପ୍ରାୟ ୫୦ ହଜାର କୋଟି ଟଙ୍କାର ପୁଞ୍ଜି ନିବେଶ କରିଛନ୍ତି। ଗତ ୮ ମାସରେ ଶେୟାର ବଜାରରେ ଫରେନ୍ ପୋର୍ଟଫୋଲିଓ ଇନଭେଷ୍ଟର(ଏଫ୍ପିଆଇ) ବା ବିଦେଶୀ ସଂସ୍ଥାଗତ ନିବେଶକମାନେ ୧.୪ ଲକ୍ଷ କୋଟି ଟଙ୍କା ପୁଞ୍ଜି ଲଗାଇଛନ୍ତି। ଏହା ମଧ୍ୟରେ ବିଦେଶୀ ବ୍ୟକ୍ତିଗତ ନିବେଶକ ନିବେଶକ ମଧ୍ୟ ସାମିଲ ରହିଛନ୍ତି। ୩ରୁ ୨୦ ନଭେମ୍ବର ମଧ୍ୟରେ ବିଦେଶୀ ନିବେଶକମାନେ ୪୯,୫୫୩ କୋଟି ଟଙ୍କା ନିବେଶ କରିଛନ୍ତି। ଉନ୍ନତ ନଗଦ ସ୍ଥିତି ଏବଂ ଆମେରିକା ରାଷ୍ଟ୍ରପତି ନିର୍ବାଚନର ଫଳ ଭାରତୀୟ ଶେୟାର ବଜାରକୁ ନେଇ ନିବେଶକଙ୍କ ମନୋଭାବ ଉନ୍ନତ କରିଛି। ଏହି ସମୟରେ ନିବେଶକମାନେ ୪୪,୩୭୮ କୋଟି ଟଙ୍କା ଡେଟ୍ ଏବଂ ୫,୧୭୫ କୋଟି ଟଙ୍କା ବଣ୍ଡ୍ ବଜାରରେ ନିବେଶ କରିଛନ୍ତି। ଅକ୍ଟୋବରରେ ଏଫ୍ପିଆଇ ଦେଶର ପୁଞ୍ଜି ବଜାରରେ ୨୨ ହଜାର କୋଟି ଟଙ୍କା ନିବେଶ କରିଥିଲେ।
