ନୂଆଦିଲ୍ଲୀ,୭।୩: ଆଜିର ସମୟରେ, ଦୁର୍ବଳ ମାନସିକ ସ୍ବାସ୍ଥ୍ୟ ଏକ ବଡ଼ ସମସ୍ୟା ହୋଇଗଲାଣି। ମହିଳାମାନେ ମଧ୍ୟ ଏହାର ଶିକାର ହେଉଛନ୍ତି। ଜାତୀୟ ଅପରାଧ ରେକର୍ଡ ବ୍ୟୁରୋ (NCRB) ଅନୁଯାୟୀ, ଭାରତରେ ଆତ୍ମହତ୍ୟା କରୁଥିବା ଲୋକଙ୍କ ମଧ୍ୟରୁ 36.6% ହେଉଛନ୍ତି ମହିଳା, ଯେଉଁଥିରୁ ଅଧିକାଂଶ ହେଉଛନ୍ତି 18-39 ବର୍ଷ ବୟସର ଯୁବତୀ। ଏହା ସତ୍ତ୍ୱେ, ସମାଜରେ ମାନସିକ ସ୍ବାସ୍ଥ୍ୟ ପ୍ରତି ଭୟ ଏବଂ ଅପମାନ ଯୋଗୁଁ ମହିଳାମାନେ ଚିକିତ୍ସା ନେବାକୁ ଏଡ଼ାଇ ଯାଉଛନ୍ତି। ଏମ୍ପାୱାରର ସର୍ଭେରୁ ଜଣାପଡିଛି ଯେ ମହିଳାମାନେ ମାନସିକ ସୱାସ୍ଥ୍ୟ ସମସ୍ୟା ବିଷୟରେ ଖୋଲାଖୋଲି କହିବାକୁ ଭୟ କରନ୍ତି, କାରଣ ସେଥିଯୋଗୁ କ୍ୟାରିଅର ପ୍ରଭାବିତ ନହୁଏ। ଏହା ବ୍ୟତୀତ ଯୌନ ର୍ନିଯାତନା, ଘରୋଇ ହିଂସା ଏବଂ କାର୍ଯ୍ୟ-ଜୀବନ ସନ୍ତୁଳନ କାରଣରୁ ମଧ୍ୟ ମହିଳାଙ୍କ ମାନସିକ ସୱାସ୍ଥ୍ୟ ଖରାପ ହେଉଛି।
ଆନ୍ତର୍ଜାତୀୟ ମହିଳା ଦିବସ ଅବସରରେ, ଆଦିତ୍ୟ ର୍ବିଲା ଶିକ୍ଷା ଟ୍ରଷ୍ଟର ଏମ୍ପାୱାର ସଂଗଠନ “ନୀରବ ସଂଘର୍ଷକୁ ଉନ୍ମୋଚନ” ଶୀର୍ଷକ ଏକ ରିପୋର୍ଟ ପ୍ରକାଶ କରିଛି। ଏହି ରିପୋର୍ଟ ସାରା ଦେଶରେ ୧୩ ଲକ୍ଷ ମହିଳାଙ୍କ ମାନସିକ ସୱାସ୍ଥ୍ୟ ତଥ୍ୟ ଉପରେ ଆଧାରିତ। ଏହା କଲେଜ ଛାତ୍ର, କର୍ପୋରେଟ ବୃତ୍ତିଗତ, ଗ୍ରାମୀଣ ମହିଳା ଏବଂ ସଶସ୍ତ୍ର ବାହିନୀରେ କାର୍ଯ୍ୟରତ ମହିଳାମାନେ ସମ୍ମୁଖୀନ ହେଉଥିବା ମାନସିକ ଚ୍ୟାଲେଞ୍ଜ ବିଷୟରେ ଆଲୋଚନା କରେ। ମହିଳାମାନଙ୍କ ମଧ୍ୟରେ ମାନସିକ ସୱାସ୍ଥ୍ୟ ଖରାପ ହେବାର ଅନେକ କାରଣ ଅଛି।
କାର୍ଯ୍ୟ-ଜୀବନ ସନ୍ତୁଳନ, ଆର୍ଥିକ ଚାପ ଏବଂ ସାମାଜିକ ଆଶା ଯୋଗୁଁ ୫୦% ମହିଳା ଚାପଗ୍ରସ୍ତ ହୁଅନ୍ତି। ୪୭% ମହିଳାଙ୍କର ଅନିଦ୍ରା ସମସ୍ୟା ଅଛି, ବିଶେଷକରି ୧୮-୩୫ ବର୍ଷ ବୟସର ମହିଳାମାନେ ନିଦ୍ରା ସମସ୍ୟାର ସମ୍ମୁଖୀନ ହେଉଛନ୍ତି। ୪୧% ମହିଳା ଭାବପ୍ରବଣ ଭାବରେ ଏକାକୀ ଅନୁଭବ କରନ୍ତି। ୩୮% ଛାତ୍ରୀ ଏବଂ କର୍ମଜୀବୀ ମହିଳା କ୍ୟାରିୟର ଅଭିବୃଦ୍ଧି ଏବଂ ଆର୍ଥିକ ସ୍ଥିରତା ବିଷୟରେ ଚିନ୍ତିତ।
କର୍ପୋରେଟ ଜଗତରେ କର୍ମଜୀବୀ ମହିଳା
୪୨% ମହିଳାଙ୍କଠାରେ ଡିପ୍ରେସନ ଏବଂ ଚିନ୍ତାର ଲକ୍ଷଣ ଦେଖାଯାଇଥିଲା। ୮୦% ମହିଳା ମାତୃତ୍ୱ ଛୁଟି ଏବଂ କ୍ୟାରିଅର ଅଭିବୃଦ୍ଧିରେ ଭେଦଭାବର ସମ୍ମୁଖୀନ ହୁଅନ୍ତି। ୯୦% ମହିଳା କୁହନ୍ତି ଯେ ମାନସିକ ସୱାସ୍ଥ୍ୟ ସମସ୍ୟା ସେମାନଙ୍କ କାର୍ଯ୍ୟ ଦକ୍ଷତାକୁ ପ୍ରଭାବିତ କରେ।
ଗ୍ରାମାଞ୍ଚଳ ମହିଳାମାନଙ୍କ ମାନସିକ ସ୍ବାସ୍ଥ୍ୟ
ମହାରାଷ୍ଟ୍ର ସରକାରଙ୍କ ସହିତ ପ୍ରୋଜେକ୍ଟ ସମ୍ବେଦନ ଅଧୀନରେ କରାଯାଇଥିବା ୧୨.୮ ଲକ୍ଷ ଗ୍ରାମୀଣ ମହିଳାଙ୍କ ଉପରେ କରାଯାଇଥିବା ଏକ ସର୍ଭେରୁ ଜଣାପଡିଛି ଯେ ଆର୍ଥିକ ଅସ୍ଥିରତା, ସାମାଜିକ କଳଙ୍କ ଏବଂ ମାନସିକ ସୱାସ୍ଥ୍ୟ ସେବାର ଅଭାବ ଯୋଗୁଁ ସେମାନେ ଗମ୍ଭୀର ଅବସାଦ ଏବଂ ଚିନ୍ତାରେ ପୀଡିତ।
୧୮-୩୫ ବର୍ଷ ବୟସର ଝିଅମାନଙ୍କ ମାନସିକ ସୱାସ୍ଥ୍ୟର ଧାରା ଏହିପରି।
ମୁମ୍ବାଇ: ଶିକ୍ଷାଗତ ଚାପ ଏବଂ କର୍ପୋରେଟ ବାର୍ନାଉଟ ସର୍ବାଧିକ ସ୍ତରରେ ରହିଛି।
ଦିଲ୍ଲୀ: ସୁରକ୍ଷା ଚିନ୍ତା ଏବଂ ହଇରାଣ ଯୋଗୁଁ PTSD ଏବଂ ଚିନ୍ତା ସମସ୍ୟା ଅଧିକ। କୋଲକାତା: ଦୃଢ଼ ସାମାଜିକ ନେଟୱାର୍କ ସତ୍ତ୍ୱେ, ମହିଳାମାନେ ମାନସିକ ସୱାସ୍ଥ୍ୟ ସେବାରୁ ବହୁତ ଦୂରରେ ଅଛନ୍ତି।
ଏହି ରୋଗକୁ ଔଷଧ ସାହାଯ୍ୟରେ ଆରୋଗ୍ୟ କରାଯାଇପାରିବ
ଦିଲ୍ଲୀର ଏମ୍ପାୱାର ସେଣ୍ଟରର ମୁଖ୍ୟ ଏବଂ ଜଣେ ମନସ୍ତତ୍ତ୍ୱବିଦ ଡକ୍ଟର ଅଙ୍କିତ ଗୌତମ କହିଛନ୍ତି ଯେ ମହିଳାମାନେ ପ୍ରାୟତଃ ଡିପ୍ରେସନ, ଚିନ୍ତା, ଅନିଦ୍ରା, ବ୍ୟକ୍ତିତ୍ୱ ବିକାର, ସମ୍ପର୍କ ଚ୍ୟାଲେଞ୍ଜ ଏବଂ ବୈବାହିକ ମତଭେଦ ଭଳି ଗମ୍ଭୀର ଚ୍ୟାଲେଞ୍ଜର ସମ୍ମୁଖୀନ ହୁଅନ୍ତି। ଡାକ୍ତର ଗୌତମ ଆହୁରି କହିଛନ୍ତି ଯେ ମାନସିକ ରୋଗଗୁଡ଼ିକୁ ବ୍ୟକ୍ତିଙ୍କ ଆବଶ୍ୟକତା ଉପରେ ର୍ନିଭର କରି ଔଷଧ, ମନସ୍ତାତ୍ତ୍ୱିକ ଚିକିତ୍ସା କିମ୍ବା ଉଭୟର ମିଶ୍ରଣ ଦ୍ୱାରା ପ୍ରଭାବଶାଳୀ ଭାବରେ ନିୟନ୍ତ୍ରଣ କରାଯାଇପାରିବ। ମାନସିକ ସୱାସ୍ଥ୍ୟ ସମସ୍ୟାର ସବୁଠାରୁ ସାଧାରଣ କାରଣ ମଧ୍ୟରୁ ଚାପ ହେଉଛି ଗୋଟିଏ।
ଭଲ ନିଦ ଏବଂ ଯୋଗ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି
ଆଜି ପ୍ରତ୍ୟେକ କ୍ଷେତ୍ରରେ କାମ କରୁଥିବା ମହିଳାମାନେ ଚାପର ଶିକାର ହେଉଛନ୍ତି। ଏହା ମାନସିକ ସୱାସ୍ଥ୍ୟ ଉପରେ ଖରାପ ପ୍ରଭାବ ପକାଉଛି। ମହିଳାମାନଙ୍କୁ ଯୋଗ, ନିୟମିତ ଶାରୀରିକ କାର୍ଯ୍ୟକଳାପ, ଧ୍ୟାନ, ସନ୍ତୁଳିତ ଖାଦ୍ୟ, ଗୁଣାତ୍ମକ ନିଦ୍ରା ଏବଂ ଦୃଢ଼ ସାମାଜିକ ସମର୍ଥନ ଆବଶ୍ୟକ। ଏହା ବ୍ୟତୀତ, ଯେଉଁ ମହିଳାମାନେ ଚାପ, ଅବସାଦ, ଚିନ୍ତା ଭଳି ସମସ୍ୟା ସହିତ ସଂଘର୍ଷ କରୁଛନ୍ତି। ସେମାନଙ୍କୁ ସମୟ ସମୟରେ ଜଣେ ମନସ୍ତତ୍ତ୍ୱବିତଙ୍କ ସହିତ ପରାମର୍ଶ କରିବାକୁ ପଡିବ।
