ଭୁବନେଶ୍ୱର,୧୫ା୧୦(ବ୍ୟୁରୋ):କୋଭିଡ୍-୧୯ ଲକଡାଉନ୍ ବେଳେ ଉତ୍କର୍ଷ ପ୍ରଦର୍ଶନ ପାଇଁ ପୂର୍ବତଟ ରେଳପଥର ୫ ଆରପିଏଫ୍ ଅଧିକାରୀ ରେଳବାଇ ସୁରକ୍ଷାବଳ ମହାନିର୍ଦ୍ଦେଶକଙ୍କଠାରୁ ପ୍ରଶଂସା ପତ୍ର ଗ୍ରହଣ କରିଛନ୍ତି। ସେମାନେ ହେଲେ ପୁରୀ ଆରପିଏଫ୍ ପୋଷ୍ଟ ଇନ୍ସିପେକ୍ଟର ଅନୀଲ କୁମାର ସିଂ, କଟକ ଆରପିଏଫ୍ ପୋଷ୍ଟ ଇନ୍ସିପେକ୍ଟର ପ୍ରବୀଣ କୁମାର, ଜଗଦଲପୁର ଆରପିଏଫ୍ ପୋଷ୍ଟ ଇନି୍ସପେକ୍ଟର ଏଚ୍ଡି ଶର୍ମା, କଟକ ଆରପିଏଫ୍ ପୋଷ୍ଟ ସବ୍-ଇନ୍ସିପେକ୍ଟର ସବିତା ରଥ ଏବଂ ନୌପଡା ଆରପିଏଫ୍ ପୋଷ୍ଟ କନଷ୍ଟେବଳ ଏ.କେ ସାହୁଙ୍କୁ ପ୍ରଶଂସା ପ୍ରମାଣପତ୍ର ପ୍ରଦାନ କରାଯାଇଛି। ଲକଡାଉନ୍ରେ ପୂର୍ବତଟ ରେଳପଥର ବିଭିନ୍ନ ସ୍ଥାନରେ ରଖାଯାଉଥିବା ରୋଲିଙ୍ଗଷ୍ଟକ୍ ଯଥା ଟ୍ରେନ ରେକ୍ଗୁଡିକର ସୁରକ୍ଷା, ଗରିବ ଏବଂ ଅସହାୟଙ୍କୁ ମାଗଣା ଖାଦ୍ୟ ଯୋଗାଇବା, ଶ୍ରମିକ ସ୍ବତନ୍ତ୍ର ଟ୍ରେନ୍ଗୁଡିକରେ ଖାଦ୍ୟ ପରିବେଷଣ ଓ ତଦାରଖ କରିବା, ଯାତ୍ରୀ ଭିଡ଼ ପରିଚାଳନା କାର୍ଯ୍ୟ ସମେତ ଏହି ଅଧିକାରୀମାନେ ଅନେକ ପ୍ରଶଂସନୀୟ କାର୍ଯ୍ୟ କରିଛନ୍ତି।
