ନୂଆଦିଲ୍ଲୀ,୧୫।୩ : ରାଜ୍ୟସଭାରେ ସ୍ବରାଷ୍ଟ୍ର ରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାୟ ୁ ସୂଚନା ଦେଇଛନ୍ତି ଯେ ୨୦୨୩ ମସିହାରେ ଏପର୍ଯ୍ୟନ୍ତ ଚାରୋଟି ସଂଗଠନକୁ ୟୁଏପିଏ ଅଧୀନରେ ଆତଙ୍କବାଦୀ ସଂଗଠନ ଭାବରେ ସୂଚିତ କରାଯାଇଛି। ସେମାନଙ୍କ ନାମ ଅଧିନିୟମର ପ୍ରଥମ ସୂଚୀରେ ଯୋଡା ଯାଇଛି।
ଏହି ସଂଗଠନଗୁଡ଼ିକ ଆତଙ୍କବାଦ ସହ ଜଡିତ ଥିଲେ ଏବଂ ଭାରତରେ ବିଭିନ୍ନ ଆତଙ୍କବାଦ କାର୍ଯ୍ୟରେ ସଂଶ୍ଲିଷ୍ଟ ଥିଲେ। ଫେବୃଆରୀ ୨୦୨୩ ପର୍ଯ୍ୟନ୍ତ ୟୁଏପିଏର ଚତୁର୍ଥ କାର୍ଯ୍ୟସୂଚୀ ଏବଂ ପ୍ରଥମ କାର୍ଯ୍ୟସୂଚୀ ଅନୁଯାୟୀ ୫୪ ଆତଙ୍କବାଦୀ ଏବଂ ୪୪ ଆତଙ୍କବାଦୀ ସଂଗଠନ ତାଲିକାଭୁକ୍ତ ହୋଇଛନ୍ତି।
କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀରେ ମୋଟ ମଞ୍ଜୁରୀପ୍ରାପ୍ତ ପଦବୀ ସଂଖ୍ୟା ୧୦,୦୫,୫୨୦ ଥିବାବେଳେ ୧୦ ଜାନୁଆରୀ ୨୦୨୩ ସୁଦ୍ଧା ଏହି ପଦବୀଗୁଡିକର ସଂଖ୍ୟା ୮୪,୮୬୬ ରହିଛି। ସେ କହିଛନ୍ତି ଯେ ଅବସର, ଇସ୍ତଫା, ପଦୋନ୍ନତି, ମୃତ୍ୟୁ, ବାଟାଲିୟନର ନୂତନ ଗଠନ, ନୂତନ ପଦବୀ ସୃଷ୍ଟି ଇତ୍ୟାଦି କାରଣରୁ ସିଏପିଏଫ ଗୁଡ଼ିକରେ ଖାଲି ପଦବୀ ସୃଷ୍ଟି ହୁଏ। ଗତ ପାଞ୍ଚ ମାସ ମଧ୍ୟରେ,ସିଏପିଏଫରେ ୩୧,୭୮୫ କର୍ମଚାରୀ ନିଯୁକ୍ତି ପାଇଛନ୍ତି।
