ନୂଆଦିଲ୍ଲୀ,୨୮।୭:କରୋନା ସମୟରେ ଲୋକଙ୍କୁ ଜରୁରୀ ଅର୍ଥର ଆବଶ୍ୟକତା ବଢ଼ିଯାଇଛି। ଏଭଳି ସମୟରେ ଭବିଷ୍ୟନିଧି ପାଣ୍ଠିଂ ବା ପିଏଫ୍ ଟଙ୍କା ଲୋକଙ୍କର ସାହାରା ପାଲଟିଥିବା ଏକ ଜାତୀୟ ଗଣମାଧ୍ୟମ ରିପୋର୍ଟରେ ଖବର ଆସିଛି। ରିପୋର୍ଟ ମୁତାବକ ଏପ୍ରିଲ ଠାରୁ ଜୁଲାଇ ମାସ ମଧ୍ୟରେ ଇପିଏଫ୍ଓର ୮୦ ଲକ୍ଷ ସବ୍ସ୍କ୍ରାଇବର ୩୦ ହଜାର କୋଟି ଟଙ୍କାର ପାଣ୍ଠି ଉଠାଇଛନ୍ତି। ଇପିଏଫ୍ଓ ବର୍ତ୍ତମାନ ପ୍ରାୟ ୧୦ ଲକ୍ଷ କୋଟି ଟଙ୍କାର ପାଣ୍ଠି ପରିଚାଳନା କରୁଛି। ଏଥିରେ ପ୍ରାୟ ୬ କୋଟି ସବ୍ସ୍କ୍ରାଇବର ରହିଛନ୍ତି। ଉପଭୋକ୍ତାଙ୍କର ଏଭଳି ଜମା ରାଶି ଉଠାଣ ଦ୍ୱାରା କୌଣସି ନକାରାତ୍ମକ ପ୍ରଭାବ ପଡିବ ନାହିଁ ବୋଲି ବୋଲି ଇପିଏଫ୍ଓ ପ୍ରକାଶ କରିଛି।
ଇପିଏଫ୍ଓର ଜଣେ ଅଧିକାରୀ କହିଛନ୍ତି ଯେ, ଏପ୍ରିଲ ଠାରୁ ଜୁଲାଇ ତୃତୀୟ ସପ୍ତାହ ମଧ୍ୟରେ ଏଭଳି ଉଠାଣ ହୋଇଛି। ସ୍ଥିତି ସାମାନ୍ୟ ରହିଥିଲେ ସାଧାରଣତଃ ଏଭଳି ବଡ ଧରଣର ଉଠାଣ ସାଧାରଣତଃ ହୋଇ ନ ଥାଏ। ବର୍ତ୍ତମାନ ବଜାର ପ୍ରଭାବିତ ରହିଥିବାରୁ ଅନେକ ଲୋକ ଚାକିରି ହରାଇଛନ୍ତି। ଲୋକଙ୍କର ବେତନ ହ୍ରାସ ମଧ୍ୟ ହୋଇଛି। ସେହିଭଳି ସ୍ବାସ୍ଥ୍ୟ ପାଇଁ ଲୋକଙ୍କୁ ଖର୍ଚ୍ଚ କରିବାକୁ ପଡୁଛି। ରିପୋର୍ଟ ମୁତାବକ ୩୦ ଲକ୍ଷ ସବ୍ସ୍କ୍ରାଇବର କୋଭିଡ୍ ଓ୍ବିଣ୍ଡୋ ମୁତାବକ ୮ ହଜାର କୋଟି ଟଙ୍କା ଉଠାଣ କରିଛନ୍ତି। ୫୦ ଲକ୍ଷ ସବ୍ସ୍କ୍ରାଇବର ମେଡିକାଲ ଖର୍ଚ୍ଚ ଲାଗି ୨୨ ହଜାର କୋଟି ଟଙ୍କା ଉଠାଇଛନ୍ତି।
ଅଧିକାରୀଙ୍କ କହିବା ଅନୁସାରେ ଶୀଘ୍ର ଉଠାଣ କରୁଥିବା ଲୋକଙ୍କ ସଂଖ୍ୟା ୧ କୋଟି ଛୁଇଁବ। ୨୦୧୯-୨୦ ଆର୍ଥତ୍କ ବର୍ଷରେ ଲୋକମାନେ ଇପିଏଫ୍ଓ ପାଣ୍ଠିରୁ ମୋଟ ୭୨ ହଜାର କୋଟି ଟଙ୍କା ଉଠାଇ ଥିଲେ। ଚଳିତ ଆର୍ଥତ୍କ ବର୍ଷର ମୋଟ ଚାରି ମାସରେ ଏହା ୩୦ ହଜାର କୋଟି ଟଙ୍କା ରହିଛି। ଉଠାଣ ମାମଲା ଲଗାତର ଭାବେ ବଢି ଚାଲିଛି। ଆର୍ଥତ୍କ ସଙ୍କଟ ବଢୁଥିବାରୁ ଲୋକମାନେ ଏଭଳି କରୁଥିବା କୁହାଯାଉଛି। ଆଗାମୀ ଦିନଗୁଡିକରେ ଇପିଏଫ୍ଓ ପାଣ୍ଠିରୁ ଆହୁରି ବଡ ଧରଣର ଉଠାଣ ହେବ ବୋଲି ଅନୁମାନ କରାଯାଉଛି। ଉଠାଣ କରୁଥିବା ସବସ୍କ୍ରାଇବରଙ୍କ ସଂଖ୍ୟା ୧୦ ନିୟୁତ ଛୁଇଁପାରେ ବୋଲି ପୂର୍ବାନୁମାନ କରାଯାଇଛି।
