ବେଜିଂ: ଚାଇନାର ୩ ମହାକାଶଚାରୀ ଗତ ୬ ମାସ ଧରି ଟିଆନ୍ଗୋଙ୍ଗ୍ ମହାକାଶ ଷ୍ଟେଶନରେ ବିତାଇବା ପରେ ସୋମବାର ସୁରକ୍ଷିତ ଭାବେ ପୃଥିବୀକୁ ଫେରି ଆସିଛନ୍ତିଛନ୍ତି। ଟିଆନ୍ଗୋଙ୍ଗ୍ ନିମ୍ନ କକ୍ଷପଥ ମହାକାଶ ଷ୍ଟେଶନର ବିକାଶ ପାଇଁ ଏହି ୩ ମହାକାଶଚାରୀ ସେଠାରେ ରହି ଅନେକ ଗବେଷଣା କରିଛନ୍ତି।
ମହାକାଶଚାରୀ ୟେ ଗୁଆଙ୍ଗ୍ଫୁ, ଲି କୋଙ୍ଗ୍ ଓ ଲି ଗୁଆଙ୍ଗ୍ସୁଙ୍କୁ ନେଇ ‘ଶେନ୍ଝୋଉ-୧୮’ କ୍ୟାପ୍ସୁଲ ଉତ୍ତର ଚାଇନାର ଆଭ୍ୟନ୍ତରୀଣ ମଙ୍ଗୋଲିଆ ସ୍ବୟଂସାୟିତ ଅଞ୍ଚଳର ଡେଙ୍ଗ୍ଫେଙ୍ଗ୍ ସାଇଟରେ ଅବତରଣ କରିଛି। ୧୯୨ ଦିନ ମହାକାଶରେ ରହିବା ପରେ ମଧ୍ୟ ଏହି ମିଶନର ୩ କ୍ରିଉ ସଦସ୍ୟଙ୍କର ସ୍ବାସ୍ଥ୍ୟ ଭଲ ଅଛି ଏବଂ ‘ଶେନ୍ଝୋଉ-୧୮’ ମାନବ ମିଶନ ସଫଳ ହୋଇଥିବା ନେଇ ଚାଇନା ମ୍ୟାନ୍ଡ ସ୍ପେସ୍ ଏଜେନ୍ସି(ସିଏମ୍ଏସ୍ଏ) ପକ୍ଷରୁ ସୂଚନା ଦିଆଯାଇଛି। ଏହାସହ ‘ଶେନ୍ଝୋଉ-୧୮’ ମିଶନର କମାଣ୍ଡର ୟେ ଗୁଆଙ୍ଗ୍ଫୁ ବର୍ଷକରୁ ଅଧିକ ସମୟ ଧରି ମହାକାଶରେ ରହିଥିବା ଚାଇନାର ପ୍ରଥମ ଆଷ୍ଟ୍ରୋନଟ ହୋଇପାରିଛନ୍ତି। ପୂର୍ବରୁ ୨୦୨୧ ଅକ୍ଟୋବରରୁ ୨୦୨୨ ଏପ୍ରିଲ ପର୍ଯ୍ୟନ୍ତ ସେ ଚାଇନାର ‘ଶେନଝୋଉ-୧୩’ ମିଶନରେ ଜଣେ କ୍ରିଉ ସଦସ୍ୟ ଭାବେ ମହାକାଶରେ ରହିଥିଲେ।
