ଗୋପାଳପୁର,୨୩।୧୦(ନବୀନ ରାଜ ଆଚାରୀ): ପାର୍ବରଣ ଋତୁରେ ଗଞ୍ଜାମ ଜିଲାର ଗାଁଠୁ ସହରରେ ଜୁଆ ଖେଳ ହୋଇଥାଏ l ଏହାକୁ ନେଇ ପୋଲିସ ତତ୍ପରତା ଦେଖାଇଛି। ଗୋପାଳପୁର ଥାନା ପୋଲିସ ରବିବାର ବିଳମ୍ବିତ ରାତିରେ ଏକ ଜୁଆଆଡ୍ଡା ଉପରେ ଚଢାଉ କରି ୨୯ଜଣ ଜୁଆଡ଼ିଙ୍କୁ କାବୁ କରିବା ସହ ସେମାନଙ୍କଠାରୁ ଟଙ୍କା, ମୋବାଇଲ ଫୋନ୍ ଏବଂ ବାଇକ୍ ଜବତ କରିଛି l
ମିଳିଥିବା ସୂଚନା ମୁତାବକ, ଗୋପାଳପୁର ଥାନା ଅଧୀନ ଆମ୍ବପୁଆ ସେଭେନ୍ ହିଲ୍ ନିକଟରେ ଜୁଆ ଖେଳ ହେଉଥିବା ପୋଲିସକୁ ଖବର ମିଳିଥିଲା। ଏନେଇ ରବିବାର ବିଳମ୍ବିତ ରାତିରେ ଥାନା ଅଧିକାରୀ ବିବେକାନନ୍ଦ ସ୍ବାଇଙ୍କ ନେତୃତ୍ୱରେ ଏକ ପୋଲିସ ଟିମ୍ ଚଢାଉ କରିଥିଲା। ଚଢାଉ ବେଳେ ପୋଲିସ କର୍ମଚାରୀମାନେ ୨୯ଜଣ ଜୁଆଡ଼ିଙ୍କୁ କାବୁ କରିବା ସହ ତାଙ୍କଠାରୁ ୯୩ ହଜାର ୩ ଶହ ଟଙ୍କା ସହ ୨୦ଟି ମୋବାଇଲ ଫୋନ ସହ ୧୮ଟି ବାଇକ୍ ଜବତ କରିଥିଲେ। ଏ ନେଇ ପୋଲିସ ଏକ ମାମଲା(ନଂ.୪୧୮/୨୩) ରୁଜୁ କରି ୨୯ଜଣ ଜୁଆଡ଼ିଙ୍କୁ ନୋଟିସ ଜାରି କରିଥିବା ଜଣାପଡିଛି।
