ଭଞ୍ଜନଗର,୭।୧୨(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ବ୍ଲକ ତିଳିସିଙ୍ଗିଠାରେ ଆସନ୍ତା ୨୫ ରୁ ୨୮ ତାରିଖ ପର୍ଯ୍ୟନ୍ତ ନିଖିଳ ଉତ୍କଳ କୁର୍ମି କ୍ଷତ୍ରିୟ ସଂସ୍ଥାର ଦ୍ୱାଦଶତମ ପ୍ରଦେଶ ମହାସଭା ଅନୁଷ୍ଟିତ ହେବ। ୪ ଦିନ ଧରି ହେବାକୁ ଥିବା ସମ୍ମିଳନୀରେ ରାଜ୍ୟ ଓ ରାଜ୍ୟ ବାହାରୁ ପ୍ରାୟ ୫ ହଜାରରୁ ଊର୍ଦ୍ଧ୍ୱ କର୍ମକର୍ତ୍ତା ଯୋଗଦେବେ। ତେଣୁ କାର୍ଯ୍ୟକ୍ରମ କିଭଳି ସଫଳ ହେବ ସେଥିପାଇଁ ଭଞ୍ଜନଗର ବିଧାୟକ ତଥା ବାରୁଡ଼ା ଅଞ୍ଚଳ ସଭାପତି ପ୍ରଦ୍ୟୁମ୍ନ କୁମାର ନାୟକ ବାରମ୍ବାର ସମୀକ୍ଷା କରୁଛନ୍ତି। ତେଣୁ ବିଧାୟକ ଶନିବାର ତିଳିସିଙ୍ଗି, ବାରୁଡ଼ା, ଲେମ୍ଭେଇ ପ୍ରମୁଖ ଗ୍ରାମ ପରିଦର୍ଶନ କରି ମହାସଭାକୁ ଆସିବାକୁ ଥିବା କର୍ମକର୍ତ୍ତା କିଭଳି ରହିବେ ତାହାର ତଦାରଖ କରିଥିଲେ। ଏଥିସହ ଚକରା ଘାଟି ପରିଦର୍ଶନ କରିଥିଲେ। ମହାସଭା ସମୟରେ ରାଜ୍ୟ ଓ ରାଜ୍ୟ ବାହାରୁ ଆସିବାକୁ ଥିବା କର୍ମକର୍ତ୍ତାମାନେ ଚକରା ଘାଟି ପରିଦର୍ଶନ କରି ଘୁମୁସର ବୀର ଚକରାଙ୍କ ଇତିହାସ ଉପରେ ଜାଣିବେ। ତେଣୁ ଏଥିପାଇଁ ମଧ୍ୟ ଆବଶ୍ୟକ ପଦକ୍ଷେପ ନିଆଯାଇଛି। ଶନିବାର ସମୀକ୍ଷା ସମୟରେ ରାଜ୍ୟର ଧରାକୋଟ, ଶେରଗଡ଼, ସୋରଡା, ଜିଲୁଣ୍ଡି, କରଚୁଲି, ସାକିରି, ଫୁଲବାଣୀ, ଭବାନୀପାଟଣା, ଛାମୁଣ୍ଡା, ବାରୁଡ଼ା ପ୍ରମୁଖ ଅଞ୍ଚଳର କର୍ମକର୍ତ୍ତା ମାନେ ଉପସ୍ଥିତ ରହି ବିଧାୟକଙ୍କ ସହ ଆଲୋଚନା କରିଥିଲେ । ଆସନ୍ତା ସମ୍ମିଳନୀରେ ମହିଳା ସଶକ୍ତିକରଣ, ନାରୀ , ଶିକ୍ଷା, ଯୁବ ବିକାଶ, ଜାତିର ସଂଗଠନ, ସାମାଜିକ ସ୍ଥିତି, ରାଜନୀତି ସ୍ଥିତି, ଯୌତୁକ ପ୍ରଥା ସମ୍ପୂର୍ଣ ଉଚ୍ଛେଦ ପ୍ରମୁଖ ବିଷୟରେ ଆଲୋଚନା ହେବାର ସମ୍ଭାବନା ରହିଛି। ବିଧାୟକଙ୍କ ଗସ୍ତ ସମୟରେ ପ୍ରଦେଶ ସଭାପତି ସୂର୍ଯ୍ୟ ନାରାୟଣ ପ୍ରଧାନ, ପ୍ରଦେଶ ସମ୍ପାଦକ ବିଶନାଥ ରାଉତ, ରାଷ୍ଟ୍ରୀୟ ସଦସ୍ୟ ଗଙ୍ଗାଧର ନାୟକ, ରାଷ୍ଟ୍ରୀୟ ସଚିବ ନେତାଜୀ ବିଷୋୟୀ, ପ୍ରଦେଶ ସଭ୍ୟ ସୂର୍ଯ୍ୟ ନାରାୟଣ ନାୟକ, ବଂଶୀଧର ନାୟକ, ବୈଦ୍ୟନାଥ ପ୍ରଧାନ, ପୁର୍ବତନ ବ୍ଲକ ଅଧ୍ୟକ୍ଷ ଭବାନୀ ଶଙ୍କର ପ୍ରଧାନ ପ୍ରମୁଖ ଉପସ୍ଥିତ ଥିଲେ। ପ୍ରଦେଶ ମହାସଭାରେ ରାଷ୍ଟ୍ରୀୟ ଅଖିଳ ଭାରତୀୟ କୁର୍ମୀ କ୍ଷତ୍ରିୟ ମହାସଭା ଅଧକ୍ଷ ଡ. ବିଜୟ ସିଂ ନିରଞ୍ଜନ, ସଂଯୋଜକ ଏଲ ପି ପଟେଲ, ରାଷ୍ଟ୍ରୀୟ ଅଖିଳ ଭାରତୀୟ କୁର୍ମି କ୍ଷତ୍ରିୟ ମହିଳା ଅଧ୍ୟକ୍ଷା ଲତା ଚନ୍ଦ୍ରକର, ଯୁବ ସଚିବ ଅରୁଣ କୁମାର ପଟେଲ ପ୍ରମୂଖ ଯୋଗଦେବା ପାଇଁ ସ୍ବୀକୃତି ପ୍ରଦାନ କରିଛନ୍ତି।
