ଏଫ୍‌ଏନ୍‌ପିରେ ୨୦୦ କୋଟି ନିବେଶକଲା ଲାଇଟ୍‌ ହାଉସ୍‌

ନୂଆଦିଲ୍ଲୀ,୧୩।୩: ଦେଶର ପ୍ରମୁଖ ଘରୋଇ ନିବେଶକ ସଂସ୍ଥା ଲାଇଟ୍‌ ହାଉସ୍‌ ଇଣ୍ଡିଆ ଫଣ୍ଡ୍‌ ଥାର୍ଡ ଲିମିଟେଡ୍‌ ପକ୍ଷରୁ ଶନିବାର ଫର୍ନ ଆଣ୍ଡ ପେଟାଲ୍‌ ପ୍ରାଇଭେଟ୍‌ ଲିମିଟେଡ୍‌ (ଏଫ୍‌ଏନ୍‌ପି)ରେ ୨୦୦ କୋଟି ଟଙ୍କା(୨୭ ମିଲିୟନ ଡଲାର)ର ନିବେଶ କରାଯାଇଛି। ଦିଲ୍ଲୀରେ ଏକ ଫୁଲଦୋକାନରୁ ଆରମ୍ଭ ହୋଇଥିବା ଏଫ୍‌ଏନ୍‌ପି ବର୍ତ୍ତମାନ ଦେଶର ଏକ ଅଗ୍ରଣୀ ଗିଫ୍ଟିଂ ପ୍ଲାଟ୍‌ଫର୍ମରେ ପରିଣତ ହୋଇଛି। ଏହା ବାର୍ଷିକ ୨ମିଲିୟନରୁ ଅଧିକ ଗ୍ରାହକଙ୍କୁ ସଫଳ ଭାବରେ ସେବା ଯୋଗାଇଥାଏ। ବିଶେଷକରି ବିଭିନ୍ନ ଭେରାଇଟିର କେକ୍‌, ଫୁଲ, ଗଛ, ଚକୋଲେଟ୍‌ କମ୍ପାନୀ, ଭିନ୍ନ ଭିନ୍ନ ପର୍ସନାଲାଇଜ୍‌ଡ ଗିଫ୍ଟ ସମେତ ଏହି କମ୍ପାନୀ ୪୦ ହଜାରରୁ ଅଧିକ ଉତ୍ପାଦକୁ ନେଇ ବ୍ୟବସାୟ କରେ।
ବର୍ତ୍ତମାନ ଦେଶରେ ୪୦୦ରୁ ଊର୍ଦ୍ଧ୍ୱ ଏଫ୍‌ଏନ୍‌ପି ଷ୍ଟୋର୍‌ ରହିଥିବା ବେଳେ ଏହା ଭାରତର ୯୯% ପିନ୍‌କୋଡ୍‌ରେ ନିଜ ସେବା ପ୍ରଦାନ କରିଥାଏ। ଏହାର ଏକ ବିଶେଷ ସୁବିଧା ହେଉଛି, ଏଫ୍‌ଏନ୍‌ପିର ଅଧିକାଂଶ ଅର୍ଡର ୨୪ଘଣ୍ଟା ମଧ୍ୟରେ ଡେଲିଭରି ହୋଇଥାଏ। ଅନୁଷ୍ଠାନ ଭାରତ ସମେତ ସଂଯୁକ୍ତ ଆରବ ଏମିରେଟ୍‌, ସିଙ୍ଗାପୁର ଏବଂ କାତାରରେ ଏଫ୍‌ଏନ୍‌ପି ସଞ୍ଚାଳିତ ହେଉଛି। ସେହିପରି ସାଉଦି ଆରବ, ମାଲେସିଆ, ଇଣ୍ଡୋନେସିଆ, ଫିଲିପାଇନ୍ସ ଏବଂ ଆମେରିକାରେ ଏହା ବ୍ୟବସାୟ ବୃଦ୍ଧି କରିବାକୁ ଲକ୍ଷ୍ୟ ରଖିଛି। କୋଭିଡ୍‌ କଟକଣା ମଧ୍ୟରେ କମ୍ପାନୀର ବିକାଶ ହାର ୪୦% ରହିଥିବା ସହ ବର୍ଷ ଶେଷ ସୁଦ୍ଧା ଏହା ୬୦୦କୋଟି ଟଙ୍କାର ବ୍ୟବସାୟ ଲକ୍ଷ୍ୟ ରଖିଛି।
ଏ ସମ୍ପର୍କରେ ଏଫ୍‌ଏନ୍‌ସି ସଂସ୍ଥାପକ ତଥା ମ୍ୟାନେଜିଂ ଡାଇରେକ୍ଟର ବିକାଶ ଗୁଟଗୁଟିଆ କହିଛନ୍ତି, ଜଣେ ଅନ୍ୟ ଜଣଙ୍କୁ ଖୁସିରେ ଉପହାର ଦେଇଥାଏ। ତେଣୁ ଆମେ ଗ୍ରାହକ ଏବଂ ତାଙ୍କ ପ୍ରିୟଜନଙ୍କୁ ସେମାନଙ୍କ ଚାହିଦା ମୁତାବକ ଉପହାର ପ୍ରଦାନ କରି ସନ୍ତୁଷ୍ଟ କରିବା ଦିଗରେ ସର୍ବଦା ଚେଷ୍ଟିତ ବୋଲି ସେ ମତବ୍ୟକ୍ତ କରିଛନ୍ତି। ସେହିଭଳି ଲାଇଟ୍‌ ହାଉସ୍‌ର ଆଡ୍‌ଭାଇଜର୍ସ ଫାଉଣ୍ଡିଂ ପାର୍ଟନର ସଚିନ ଭାରତୀୟ କହିଛନ୍ତି, ଦେଶରେ ଗିଫ୍ଟିଂର ଏକ ବଡ଼ ବଜାର ଏଫ୍‌ଏନ୍‌ପିର ରହିଛି। କିନ୍ତୁ ଏହା ଉତ୍ତମ ଭାବରେ ପରିଚାଳିତ ହୋଇପାରୁନାହିଁ। ଅପରପକ୍ଷରେ ଅନ୍‌ଲାଇନ ଉପହାର ବ୍ୟବସ୍ଥା ଦେଶର ଗିଫ୍ଟିଂ ବଜାରରେ ସୁଧାର ଆଣିବା ଦିଗରେ କାର୍ଯ୍ୟକରୁଛି ଏବଂ ଡିଜିଟାଲ ମାଧ୍ୟମ ଏହି ଉନ୍ନତିକୁ ତ୍ୱରାନ୍ବିତ କରାଯିବ। ଏଫ୍‌ଏନ୍‌ପି ନିକଟରେ ବ୍ୟାପକ ସପ୍ଲାଇ ଚେନ୍‌ ନେଟ୍‌ଓ୍ବର୍କ, ଉତ୍ତମ ପ୍ରଯୁକ୍ତିବିଦ୍ୟା, ଲିଡିଂ ବ୍ରାଣ୍ଡ ରିକଲ୍‌ ଏବଂ ଏକ ଅଭିଜ୍ଞ ମ୍ୟାନେଜମେଣ୍ଟ ଟିମ୍‌ ସମେତ ଦେଶର ଗିଫ୍ଟିଂ ମାର୍କେଟ୍‌ରେ ଅଗ୍ରଣୀ ହେବାକୁ ସମସ୍ତ ପ୍ରକାର ସୁବିଧା ରହିଥିବା ଭାରତୀୟ ମତବ୍ୟକ୍ତ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଏଚ୍‌ଏମ୍‌ଏସ୍‌ଆଇର ନୂଆ ମାଇଲଖୁଣ୍ଟ

ଭୁବନେଶ୍ୱର,୨୯ା୩: ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ (ଏଚ୍‌ଏମ୍‌ଏସ୍‌ଆଇ) ଲିମିଟେଡ୍‌ ଘରୋଇ ବଜାର (ଭାରତ)ରେ ୬ କୋଟିରୁ ଅଧିକ ଗାଡ଼ି ବିକ୍ରିକରି ନୂଆ ମାଇଲଖୁଣ୍ଟ ହାସଲ...

ବଜାରରେ ନାଲ୍‌କୋର ନୂତନ ଉତ୍ପାଦ

ଭୁବନେଶ୍ୱର,୨୯ା୩ (ଅଭୟ ଦାଶ): ଦେଶର ପ୍ରମୁଖ ରାଷ୍ଟ୍ରାୟତ୍ତ ଉଦ୍ୟୋଗ ତଥା ଭାରତ ସରକାରଙ୍କ ଖଣି ମନ୍ତ୍ରଣାଳୟ ଅଧୀନ ନବରତ୍ନ କମ୍ପାନୀ ‘ନାଲ୍‌କୋ’ର ନୂତନ ଉତ୍ପାଦ ‘ଆଲୁମିନିୟମ...

ପହିଲାରେ ଜମାହେବନି ୨୦୦୦ ଟଙ୍କିଆ

ଭୁବନେଶ୍ୱର,୨୯।୩(ଅନୁରାଧା ମହାରଣା): ୨୦୨୪ ଏପ୍ରିଲ ୧ରୁ ନୂତନ ଆର୍ଥିକ ବର୍ଷ ଆରମ୍ଭ ହୋବକୁ ଯାଉଛି। ନୂତନ ଆର୍ଥିକ ବର୍ଷର ପ୍ରଥମ ଦିନରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର...

ଇପିଏଫ୍‌ଓରେ ଇ-କେୱାଇସି ବାଧ୍ୟତାମୂଳକ

ଭୁବନେଶ୍ୱର,୨୯।୩(ଅନୁରାଧା ମହାରଣା): କର୍ମଚାରୀ ଭବିଷ୍ୟନିଧି ସଙ୍ଗଠନ (ଇପିଏଫ୍‌ଓ)ରେ ସାରା ଦେଶରେ କୋଟି କୋଟି ସଂଖ୍ୟାରେ ଆକାଉଣ୍ଟଧାରୀ ଅଛନ୍ତି। ଗ୍ରାହକମାନଙ୍କ ପାଇଁ ଇପିଏଫ୍‌ଓ ପକ୍ଷରୁ ଇ-କେୱାଇସି ବାଧ୍ୟତାମୂଳକ...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଗ୍ରାହକଙ୍କୁ ଝଟ୍‌କା ଦେଲା SBI, ଏପ୍ରିଲ ପହିଲାରୁ…

ନୂଆଦିଲ୍ଲୀ,୨୮।୩: ଦେଶର ସର୍ବବୃହତ ସରକାରୀ ବ୍ୟାଙ୍କ ଷ୍ଟେଟ୍‌ ବ୍ୟାଙ୍କ ଅଫ୍‌ ଇଣ୍ଡିଆ ଏହାର ଗ୍ରାହକଙ୍କୁ ଦେଇଛି ବଡ଼ ଝଟ୍‌କା। ବ୍ୟାଙ୍କ ଡେବିଟ୍‌ କାର୍ଡ ଉପରେ ମେନ୍ଟେନାନ୍ସ...

ପଣ୍ୟ ପରିବହନରେ ପୂର୍ବତଟ ରେଳପଥର ରେକର୍ଡ

ଭୁବନେଶ୍ୱର,୨୮।୩(ଅନୁରାଧା ମହାରଣା): ଗତ ଆର୍ଥିକ ବର୍ଷ ଭଳି ଚଳିତ ଆର୍ଥିକ ବର୍ଷରେ ମଧ୍ୟ ପୂର୍ବତଟ ରେଳପଥ ପଣ୍ୟ ପରିବହନରେନୂତନ ରେକର୍ଡ ହାସଲ କରିଛି। ୨୦୨୩ ଏପ୍ରିଲ...

ଏପ୍ରିଲ ୩ ରୁ ପ୍ରଥମ ଏମ୍‌ପିସି ବୈଠକ

ଭୁବନେଶ୍ୱର,୨୮।୩(ଅନୁରାଧା ମହାରଣା): ୨୦୨୪-୨୫ ଆର୍ଥିକ ବର୍ଷର ପ୍ରଥମ ମୁଦ୍ରାନୀତି କମିଟି (ମନିଟାରି ପଲିସି କମିଟି ବା ଏମ୍‌ପିସି) ବୈଠକ ଏପ୍ରିଲ ୩ରୁ ଆରମ୍ଭ ହେବ ବୋଲି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri