ଧନ ହେଉ କି ଖ୍ୟାତି, ଯଦି କୌଣସି ସଫଳତା ନିଜ ପରିଶ୍ରମରେ ହାସଲ କରାଯାଏ ତେବେ ଏହାର ମଜା ଅଲଗା ଥାଏ। ଆମେରିକାରେ ରହୁଥିବା ଯୁବତୀଙ୍କ ସହ ଏହା ହିଁ ଘଟିଛି। ସେ ଯୁବତୀ ଜଣଙ୍କ ଖୁବ୍ କମ ବୟସରେ କୋଟିପତି ହୋଇଛନ୍ତି ଏବଂ ବର୍ତ୍ତମାନ ସେ ରୋଜଗାରର ଏକ ବଡ଼ ଅଂଶକୁ ନିଜ ମନ ପସନ୍ଦ କାର୍ଯ୍ୟ ପୂରଣ କରିବାରେ ଖର୍ଚ୍ଚ କରୁଛନ୍ତି।
୨୩ ବର୍ଷୀୟା ଲିନସେ ଡୋନାଭାନ ମଡେଲିଂରୁ ନିଜ କ୍ୟାରିଅର୍ ଆରମ୍ଭ କରିଥିଲେ। ପରେ ମଡେଲିଂରୁ ଆସିଥିବା ଟଙ୍କା ରିଅଲ ଇଷ୍ଟେଟରେ ବିନିଯୋଗ କରିଥିଲେ। ଧୀରେ ଧୀରେ ଏଥିରେ ଭଲ ଲାଭ ଆସିବାକୁ ଲାଗିଲା। ଏହାଦ୍ୱାରା ସେ ଏତେ କମ୍ ବୟସରେ କୋଟିପତି ହୋଇଗଲେ। ନିକଟରେ ତାଙ୍କର ଗୋଟିଏ କାର୍ଯ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ସେ କୁକୁର ପାଇଁ ଜିନିଷବାକୁ ୪ ହଜାର କିମି ଯାତ୍ରା କରି ଲସ ଏଞ୍ଜେଲ୍ସର ରୋଡିଓ ଡ୍ରାଇଭକୁ ଯାଇଥିଲେ। ସେଠାରୁ ସେ କୁକୁର ପାଇଁ ପ୍ରାୟ ୨ ଲକ୍ଷ ଟଙ୍କା ସାମଗ୍ରୀ କିଣିଥିଲେ।
ଲିନସେ ମହଙ୍ଗା ଖର୍ଚ୍ଚ ପାଇଁ ଜଣାଶୁଣା। ସେ ସ୍ମାର୍ଟ ଶପିଂରେ ବିଶ୍ୱାସ କରନ୍ତି। ଲିନସେ କୁହନ୍ତି, ଆଜି ସେ ଯାହା ହାସଲ କରିଛନ୍ତି, ସେ ନିଜ ପରିଶ୍ରମ ସହିତ କରିଛନ୍ତି। ସେ ୧୦ ବର୍ଷ ବୟସରୁ କାମ କରିବାକୁ ଚାହୁଁଥିଲେ। ତାଙ୍କୁ ମାତ୍ର ୧୭ ବର୍ଷ ହୋଇଥିଲା, ସେ ଫ୍ୟାଶନ ଲାଇଭ ଷ୍ଟ୍ରିମିଂ କରି ପ୍ରାୟ ୪୨ ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିଥିଲେ।
