ପରଜଙ୍ଗ, ୮।୪(ନିଗମାନନ୍ଦ ଦଳବେହେରା) : ଢେଙ୍କାନାଳ ଜିଲା ପରଜଙ୍ଗ ବ୍ଲକ କୁମୁସି ହାଇସ୍କୁଲରେ ବୁଧବାର ଛାତ୍ରୀଛାତ୍ରଙ୍କ ପାଇଁ ଭୋଜନ ରୋଷେଇ ହେଉଥିବାବେଳେ ଅଘଟଣ। ଗରମ ଡାଲି ପଡ଼ି ୨ ରୋଷେୟା ଆହତ ହୋଇଛନ୍ତି।
୩ ଦିନ ହେବ ସ୍କୁଲରେ ଗ୍ୟାସ ସରିଯାଇଥିବାରୁ କାଠ ଚୁଲାରେ ପ୍ରେସର ସାହାଯ୍ୟରେ ଡାଲି ରନ୍ଧା ହେଉଥିଲା ବୋଲି ସହକାରୀ ପ୍ରଧାନଶିକ୍ଷକ ବାବୁ ରଞ୍ଜନ ସାହୁ କହିଛନ୍ତି । ତେବେ ପ୍ରେସରରୁ ଗ୍ୟାସ କାଢ଼ିବାବେଳେ ଏହି ଅଘଟଣ ଘଟିଛି । ଗରମ ଡାଲି ପଡ଼ି ରୋଷେୟା ସଞ୍ଜୁ ସାହୁ(୪୭) ଏବଂ ପାଚିକା ସୂଚୀ ସାହୁ(୩୫) ଉଭୟଙ୍କ ଉପରେ ଗରମ ଡାଲି ଛିଟ୍କି ପଡ଼ି ଆହତ ହୋଇଛନ୍ତି।ଉଭୟଙ୍କୁ କୁମୁସି ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସହକାରୀ ବ୍ଲକ ଶିକ୍ଷାଧିକାରୀ ସତ୍ୟବ୍ରତ ସାହୁ ସ୍ବାସ୍ଥ୍ୟ କେନ୍ଦ୍ରରେ ଆହତଙ୍କୁ ଭେଟିଛନ୍ତି । ବ୍ଲକ ଶିକ୍ଷା ଅଧିକାରିଣୀ ପ୍ରିୟଦର୍ଶିନୀ ନାୟକ ଉଭୟ ସୁସ୍ଥ ଥିବା ସୂଚନା ଦେଇଛନ୍ତି ।
