ଆପଣଙ୍କର ଯଦି ବ୍ୟାଙ୍କରେ ଜରୁରୀ କାମ ଥାଏ ତେବେ ଆଜି ହିଁ ସାରିଦିଅନ୍ତୁ। କାରଣ ଅଗଷ୍ଟ ମାସରେ ପ୍ରାୟ ୧୭ ଦିନ ବ୍ୟାଙ୍କ ବନ୍ଦ ରହିବ। ଏମିତିରେ ସମସ୍ତେ ଜାଣନ୍ତି ପ୍ରତି ସପ୍ତାହର ଦ୍ୱିତୀୟ ଏବଂ ଚତୁର୍ଥ ଶନିବାର ବ୍ୟାଙ୍କ ବନ୍ଦ ରହିଥାଏ। ୧ ଅଗଷ୍ଟ ମାସର ପ୍ରଥମ ଶନିବାର। ଏହି ହିସାବରେ ବ୍ୟାଙ୍କ ଖୋଲା ରହିବା କଥା। ମାତ୍ର ବକ୍ରିଇଦ୍ ଯୋଗୁ ବ୍ୟାଙ୍କ ବନ୍ଦ ରହିବ। ୨ ଅଗଷ୍ଟ ରବିବାର। ତେଣୁ ବ୍ୟାଙ୍କ ବନ୍ଦ ରହିବ। ୩ରେ ରକ୍ଷାବନ୍ଧନ। ଏହି ଦିନ ମଧ୍ୟ ବ୍ୟାଙ୍କ ବନ୍ଦ। ଅଗଷ୍ଟ ମାସରେ ପ୍ରଥମ ସପ୍ତାହ ୩ରୁ୯ ତାରିଖ ପର୍ଯ୍ୟନ୍ତ। ୪-୭ ଅଗଷ୍ଟ ଚାରିଦିନ ବ୍ୟାଙ୍କ କାର୍ଯ୍ୟ ଚାଲୁ ରହିବ। ୮ ଅଗଷ୍ଟ ମାସର ଦ୍ୱିତୀୟ ଶନିବାର ତେଣୁ ବ୍ୟାଙ୍କ ବନ୍ଦ ରହିବ। ୯ ରବିବାର। ୧୦ରେ ଦ୍ୱିତୀୟ ସପ୍ତାହ ଆରମ୍ଭ ହେବ। ଏହା ୧୬ ପର୍ଯ୍ୟନ୍ତ। ସପ୍ତାହର ପ୍ରଥମ ଦିନ ବ୍ୟାଙ୍କ ଖୋଲା ରହିବ। ୧୨ରେ ଜନ୍ମାଷ୍ଟମୀ। ଏହି ଅବସରରେ ବ୍ୟାଙ୍କ ଛୁଟି। ୧୩ରେ ଆଞ୍ଚଳିକ ଛୁଟି। ୧୫ରେ ସ୍ବାଧୀନତା ଦିବସ। ଏହା ମଧ୍ୟ ଜାତୀୟ ଛୁଟି ଦିବସ। ୧୬ରେ ରବିବାର। ତୃତୀୟ ସପ୍ତାହ ୧୭ରୁ ୨୩ ପର୍ଯ୍ୟନ୍ତ। ୨୦ ରେ ଶ୍ରୀମନ୍ତ ଶଙ୍କରାଦେବଙ୍କ ତିଥି। ଏବଂ ୨୧ରେ ହରିତାଲିକା ଅବସରରେ ବ୍ୟାଙ୍କ ଛୁଟି। ୨୨ ତାରିଖ ହେଉଛି ମାସର ଚତୁର୍ଥ ଶନିବାର। ଏଥିପାଇଁ ବ୍ୟାଙ୍କ ବନ୍ଦ ରହିବ। ୨୩ରେ ରବିବାର। ତେଣୁ ଏଥିପାଇଁ ମଧ୍ୟ ବ୍ୟାଙ୍କ ଛୁଟି। ଅଗଷ୍ଟ ୨୪ରୁ ଚତୁର୍ଥ ସପ୍ତାହ ଆରମ୍ଭ। ଏହା ୩୦ ପର୍ଯ୍ୟନ୍ତ ରହିବ। ଏହି ସପ୍ତାହ ଅର୍ଥାତ୍ ୨୯ରେ ମହରମ। ତେଣୁ ବ୍ୟାଙ୍କ ଛୁଟି। ୩୦ରେ ରବିବାର ଏବଂ ୩୧ରେ ଇନ୍ଦ୍ରଯାତ୍ରା ଯୋଗୁ ମଧ୍ୟ ବ୍ୟାଙ୍କ ଛୁଟି ରହିବ।
