ନୂଆଦିଲ୍ଲୀ,୫।୧: ହୋଣ୍ଡା କାର୍ସ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ମାସିକ ଯାନ ବିକ୍ରି ଫଳାଫଳ ନିକଟରେ ଘୋଷଣା କରାଯାଇଛି। ୨୦୨୪ ବର୍ଷ (ଜାନୁଆରୀରୁ ଡିସେମ୍ବର) ମଧ୍ୟରେ ଏଚ୍ସିଆଇଏଲ୍ ମୋଟ ୧,୩୧,୮୭୧ ୟୁନିଟ୍ ଯାନ ବିକ୍ରି ହୋଇଛି। ସେହିଭଳି ୨୦୨୪ ବର୍ଷରେ କମ୍ପାନୀ ଘରୋଇ ବଜାରରେ ୬୮,୬୫୦ ୟୁନିଟ୍ ବିକ୍ରି କରିଥିଲାବେଳେ ୬୩,୨୨୧ ୟୁନିଟ୍ ଯାନ ଏହି ସମୟ ମଧ୍ୟରେ ରପ୍ତାନି କରିଥିଲା। ୨୦୨୩ ବର୍ଷ (ଜାନୁଆରୀରୁ ଡିସେମ୍ବର) ମଧ୍ୟରେ ଏଚ୍ସିଆଇଏଲ୍ ମୋଟ ୧,୧୦,୧୪୩ ୟୁନିଟ୍ ଯାନ ବିକ୍ରି ହୋଇଥିଲାବେଳେ ୨୦୨୩ରେ କମ୍ପାନୀ ଘରୋଇ ବଜାରରେ ମୋଟ ୮୪,୨୮୯ ୟୁନିଟ୍ ଏବଂ ୨୫,୮୫୪ ୟୁନିଟ୍ ଯାନ ରପ୍ତାନି ଆକାରରେ ପଞ୍ଜୀକରଣ କରିଥିଲା। ଏପରିକି ୨୦୨୩ ତୁଳନାରେ କମ୍ପାନୀ ୨୦୨୪ରେ ବେଶ୍ ଉତ୍ସାହଜନକ କାରବାର ସହ ବାର୍ଷିକ ଭିତ୍ତିରେ (ୱାଇଓୱାଇ) ଅଭିବୃଦ୍ଧି ହାରରେ ୨୦% ଅଧିକ ପଞ୍ଜୀକରଣ କରିଛି। ସେହିପରି ୨୦୨୪ ଡିସେମ୍ବରରେ ଏଚ୍ସିଆଇଏଲ୍ ମୋଟ ୯୪୬୦ ୟୁନିଟ୍ ଯାନ ବିକ୍ରି କରିଛି। ଏପରିକି କମ୍ପାନୀ ଘରୋଇ ବଜାରରେ ୫,୬୦୩ ୟୁନିଟ୍ ଯାନ ବିକ୍ରି କରିଥିଲାବେଳେ ୩୮୫୭ ୟୁନିଟ ଯାନ ରପ୍ତାନି କରିଥିଲା। ଅପରପକ୍ଷରେ ୨୦୨୩ ଡିସେମ୍ବରରେ ଏଚ୍ସିଆଇଏଲ୍ ମୋଟ ୧୧,୬୫୧ ୟୁନିଟ୍ ଯାନ ବିକ୍ରି କରିଛି। ଏପରିକି କମ୍ପାନୀ ଘରୋଇ ବଜାରରେ ୭୯୦୨ ୟୁନିଟ୍ ଯାନ ବିକ୍ରି କରିଥିଲାବେଳେ ୩୭୪୯ ୟୁନିଟ୍ ଯାନ ରପ୍ତାନି କରିଥିଲା।
