Posted inଖେଳ

୧୦ ଦୁର୍ଭାଗ୍ୟଶାଳୀ କ୍ରିକେଟର, ଖେଳୁଥିବାବେଳେ ପଡିଆରେ ଟଳିପଡି ଦୁନିଆକୁ କହିଛନ୍ତି ଅଲବିଦା

କ୍ରିକେଟ ଏକ ଅନିଶ୍ଚିତତାର ଖେଳ। ପଡ଼ିଆରେ ଖେଳା ଯାଉଥିବା ଏହି ଖେଳ କେତେବେଳେ କାହା ଆଡକୁ ଢଳିବ ତାହା ଅନୁମାନ କରିବା ଅତ୍ୟନ୍ତ କଷ୍ଟକର। ବିଜୟ ଏବଂ ପରାଜୟ କ୍ରିକେଟରେ ଏକ ସାଧାରଣ କଥା। କିନ୍ତୁ କ୍ରିକେଟ ପଡ଼ିଆରେ ମୃତ୍ୟୁ ଏହି ରୋମାଞ୍ଚକର ଖେଳରେ ଭୟର ବାତାବରଣ ସୃଷ୍ଟି କରେ। ଆସନ୍ତୁ ଜାଣିବା ୧୦ ଜଣ ବିଶିଷ୍ଟ ଖେଳାଳିଙ୍କ ବିଷୟରେ ଯେଉଁମାନେ କ୍ରିକେଟ ପଡ଼ିଆରୁ ଦୁନିଆକୁ ଅଲବିଦା କହିଛନ୍ତି।
ଫିଲ ହ୍ୟୁଜ
ଶେଫିଲ୍ଡ ସିଲ୍ଡରେ ଖେଳାଯାଉଥିବା ଏକ ମ୍ୟାଚବେଳେ ସିନ୍‌ ଏବୋଟଙ୍କ ଏକ ବାଉନ୍ସର ବଲ୍‌ ଅଷ୍ଟ୍ରେଲୀୟ କ୍ରିକେଟର ଫିଲ ହ୍ୟୁଜଙ୍କ ମୁଣ୍ଡରେ ବାଜିଥିଲା। ଯଦିଓ ସେ ହେଲମେଟ ପିନ୍ଧିଥିଲେ ମଧ୍ୟ ବେକରେ ବଲ ବାଜିଥିବାରୁ ସେ ଗୁରୁତର ଆହତ ହୋଇଥିଲେ। ସେ ତିନି ଦିନ କୋମାରେ ରହି ୨୭ ନଭେମ୍ବର ୨୦୧୪ରେ ମୃତ୍ୟୁ ବରଣ କରିଥିଲେ।

ଡ୍ୟାରିନ ର଼୍ୟାଡଲ
ଦକ୍ଷିଣ ଆଫ୍ରିକାରେ ଚାଲିଥିବା ଏକ ଘରୋଇ ମ୍ୟାଚରେ ଉଇକେଟ କିପର-ବ୍ୟାଟ୍ସମ୍ୟାନ ଡ୍ୟାରିନ ର଼୍ୟାଡଲଙ୍କ ଏକ ପୁଲ ସଟ ଖେଳିବାକୁ ଚେଷ୍ଟା କରୁଥିବାବେଳେ ବଲ ତାଙ୍କ ମୁଣ୍ଡରେ ବାଜିଥିଲା ଏବଂ ସେ ପିଚ ଉପରେ ପଡିଯାଇଥିଲେ। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା, କିନ୍ତୁ ସେଠାରେ ମାତ୍ର ୩୨ ବର୍ଷ ବୟସରେ ମୃତ୍ୟୁବରଣ କରିଥିଲେ।
ଜୁଲଫିକର ଭଟ୍ଟି
୨୦୧୩, ଡିସେମ୍ବର ୧୯ରେ ଏକ ମ୍ୟାଚ୍‌ ଚାଲିଥିବାବେଳେ ୨୨ ବର୍ଷୀୟ ପାକିସ୍ତାନୀ କ୍ରିକେଟର ଛାତିରେ ଏକ ବଲ ବାଜିଥିଲା। ତତ୍‌କ୍ଷଣାତ୍‌ ସେ ତଳେ ପଡିଯାଇଥିଲେ। ତାଙ୍କୁ ଡାକ୍ତରଖାନା ନିଆଯାଇଥିଲେ ମଧ୍ୟ ସେଠାରେ ତାଙ୍କର ମୃତ୍ୟୁ ଘଟିଥିଲା।

ରିଚାର୍ଡ ବ୍ୟୁମୋଣ୍ଟ
ଇଂଲଣ୍ଡର ଦ୍ରୁତ ବୋଲରରିଚାର୍ଡ ବ୍ୟୁମୋଣ୍ଟ ପଡ଼ିଆରେ ହୃଦଘାତର ଶିକାର ହୋଇଥିଲେ। ପରେ ତାଙ୍କୁ ବର୍ମିଂହାମର ରାଣୀ ଏଲିଜାବେଥ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ସେ ବଞ୍ଚି ପାରି ନ ଥିଲେ।

ୱାସିମ ରାଜା
ପାକିସ୍ତାନୀ ଦ୍ରୁତ ବୋଲର ୱାସିମ ରାଜା ହୃଦଘାତରେ ଆକ୍ରାନ୍ତ ହୋଇ ୨୦୦୬ରେ ପଡ଼ିଆରେ ଖେଳିବାବେଳେ ମୃତ୍ୟୁବରଣ କରିଥିଲେ। ରାଜା ସରେରେ ଏକ ୫୦ ଓଭର ବିଶିଷ୍ଟ ମ୍ୟାଚ ଖେଳୁଥିଲେ। ଦୁଇ-ତିନି ଓଭର ଷ୍‌ବୋଲିଂ କରିବା ପରେ ସେ ଅସୁସ୍ଥ ହୋଇପଡିଥିଲେ। କିଛି ସମୟ ପରେ ସେ ହୃଦଘାତରେ ତଳେ ପଡ଼ିଯାଇଥିଲେ।
ର୍‌
ରମଣ ଲାମ୍ବା
ଆକ୍ରମଣାତ୍ମକ ବ୍ୟାଟିଂ ପାଇଁ ଜଣାଶୁଣା ଭାରତୀୟ କ୍ରିକେଟର ରମଣ ଲାମ୍ବା କ୍ରିକେଟ ପଡ଼ିଆରେ ଖେଳୁଥିବାବେଳେ ମୃତ୍ୟୁବରଣ କରିଥିଲେ। ଲାମ୍ବା ୨୦ ଫେବୃଆରୀ ୧୯୯୮ରେ ଢାକାରେ ବାଂଲାଦେଶ କ୍ରିକେଟ କ୍ଲବ ଅବାହାନି କ୍ରଇରା ଚାକରା ପାଇଁ ଖେଳୁଥିଲେ। ଫିଲ୍ଡିଂ ସମୟରେ ସେ କ୍ୟାଚ୍‌ ଧରିବା ପାଇଁ ଛିଡ଼ା ହୋଇଥିବାବେଳେ ବ୍ୟାଟ୍ସମ୍ୟାନ୍‌ଙ୍କ ଏକ ସଟ୍‌ ତାଙ୍କ ମୁଣ୍ଡରେ ବାଜିଥିଲା। ସେହି ସମୟରେ ରମଣ ହେଲମେଟ ପିନ୍ଧି ନ ଥିଲେ, ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା, କିନ୍ତୁ ଆଘାତ ଏତେ ଗଭୀର ଥିଲା ଯେ ଡାକ୍ତର ତାଙ୍କୁ ବଞ୍ଚାଇପାରି ନ ଥିଲେ।

ଇଆନ ଫୋଲି
ଇଂଲଣ୍ଡର ପୂର୍ବତନ ଖେଳାଳି ଇଆନ ଫୋଲିଙ୍କ ମୁଣ୍ଡରେ ବଲ୍‌ ବାଜିବାରୁ ତାଙ୍କର ମୃତ୍ୟୁ ଘଟିଥିଲା। ୧୯୯୩ରେ ଡର୍ବିସାୟାର ପକ୍ଷରୁ ଘରୋଇ ଟୁର୍ନାମେଣ୍ଟ ଖେଳୁତତ୍ବାବେଳେ ଏହି ଅଘଟଣା ଘଟିଥିଲା। ଇଆନ ଫୋଲି ବ୍ୟାଟିଂ କରିବା ସମୟରେ ତାଙ୍କ ଆଖି ତଳେ ବଲ ବାଜିଥିଲା। ଚିକିତ୍ସା ପାଇଁ ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। କିନ୍ତୁ ହୃଦଘାତ ଯୋଗୁ ଫୋଲିଙ୍କ ଡାକ୍ତରଖାନାରେ ମୃତ୍ୟୁ ହୋଇଥିଲା।

ୱିଲଫ ସ୍ଲାକ
୧୯୮୯ରେ ଗାମ୍ବିଆର ଏକ ଘରୋଇ ମ୍ୟାଚ ସମୟରେ ଇଂଲଣ୍ଡ କ୍ରିକେଟର ୱିଲଫ ସ୍ଲାକ ୩୪ ବର୍ଷ ବୟସରେ ଖେଳୁ ଥିବାବେଳେ ମୃତ୍ୟୁ ହୋଇଥିଲା।

ଅବଦୁଲ ଅଜିଜ
ପାକିସ୍ତାନର ପୂର୍ବତନ ଉଇକେଟ କିପର ବ୍ୟାଟ୍ସମ୍ୟାନ ଅବଦୁଲ ଅଜିଜଙ୍କ ମୁଣ୍ଡରେ ବଲ୍‌ ବାଜି ମୃତ୍ୟୁ ଘଟିଥିଲା। ଜାନୁଆରୀ ୧୭, ୧୯୫୯ରେ ପାକିସ୍ତାନର ଘରୋଇ କ୍ରିକେଟ କୈଦ-ଏ-ଆଜାମ ଟୁର୍ନାମେଣ୍ଟରେ ଖେଳୁଥିବାବେଳେ ଅଜିଜ ୧୮ ବର୍ଷ ବୟସରେ ଜୀବନ ହରାଇଥିଲେ।

ଜର୍ଜ ସମର୍ସ
୧୮୭୦ ମସିହାରେ ନଟିଂହାମଶାୟାର ପାଇଁ ବ୍ୟାଟିଂ କରୁଥିବା ୨୫ ବର୍ଷୀୟ ଜର୍ଜ ସମର୍ସ ଲର୍ଡସରେ ଏମସିସି ବିପକ୍ଷ ମ୍ୟାଚବେଳେ ବଲ୍‌ ତାଙ୍କ ମୁଣ୍ଡରେ ବାଜିଥିଲା। ଏହାର ଚାରି ଦିନ ପରେ ତାଙ୍କ ମୃତ୍ୟୁ ହୋଇଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବୁମରାଙ୍କୁ ପାକିସ୍ତାନ ବୋଲରଙ୍କ ସହ ତୁଳନା କଲେ ପ୍ରାକ୍ତନ ପେସର

କରାଚୀ, ୧୩ା୪- ଭାରତୀୟ ପେସର ଯଶପ୍ରୀତ ବୁମରାଙ୍କୁ ବିଶ୍ୱ କ୍ରିକେଟରେ ଅନ୍ୟତମ ଘାତକ ବୋଲର ଭାବେ ଗଣାଯାଏ। ହେଲେ ପାକିସ୍ତାନ ପେସର ଶାହିନ ଆଫ୍ରିଦୀ, ବୁମରାଙ୍କ...

‘୮୩’ ଫିଲ୍ମ ପାଇଁ କପିଳ ଦେବ କେତେ ଟଙ୍କା ନେଇଛନ୍ତି ଜାଣନ୍ତି

ଅଭିନେତା ରଣଭୀର ସିଂଙ୍କ ବହୁ ପ୍ରତୀକ୍ଷିତ ଫିଲ୍ମ ‘୮୩’ ଡିସେମ୍ବର ୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଏହି ଫିଲ୍ମରେ ରଣଭୀର ଭାରତୀୟ ପୂର୍ବତନ ଅଧିନାୟକ...

କୋଭିଡ୍‌-୧୯: ଆରବର୍ଷକୁ ଘୁଞ୍ଚିଲା ଥୋମାସ, ଉବର କପ୍‌

ନୂଆଦିଲ୍ଲୀ, ୧୬।୯ (ପି.ଟି.): ଡେନମାର୍କରେ ଆୟୋଜନ ହେବାକୁ ଥିବା ଥୋମାସ ଓ ଉବର କପ୍‌କୁ ଆସନ୍ତାବର୍ଷକୁ ଘୁଞ୍ଚାଇ ଦିଆଯାଇଛି। ବ୍ୟାଡମିଣ୍ଟନ ଓ୍ବାଲର୍‌ଡ ଫେଡେରେଶନ (ବିଡବ୍ଲ୍ୟୁଏଫ୍‌) ମଙ୍ଗଳବାର...

ଏହି ଅଭିନେତ୍ରୀଙ୍କ ସହ ଡେଟିଂରେ ଯିବାକୁ ଚାହୁଁଥିଲେ କ୍ରିକେଟର ସୁରେଶ ରାଇନା

ଭାରତୀୟ କ୍ରିକେଟର ସୁରେଶ ରାଇନା ଖରାପ ଫର୍ମ ଯୋଗୁ ଦଳରୁ ବାଦ୍‌ ପଡିଛନ୍ତି। ଏବେ ସେ ନିଜ ପରିବାର ସହ ସମୟ ବିତାଇବା ସହ ଆଗାମୀ...

ଡୋପ୍‌ ଟେଷ୍ଟ: ୪ ନାବାଳକ ଆଥ୍‌ଲେଟ ସସ୍‌ପେଣ୍ଡ

ନୂଆଦିଲ୍ଲୀ, ୧୭ା୩ (ପି.ଟି.)- ନ୍ୟାଶନାଲ ଆଣ୍ଟି ଡୋପିଙ୍ଗ ଏଜେନ୍ସି (ନାଡା) ଦ୍ୱାରା ହୋଇଥିବା ଡୋପ୍‌ ଟେଷ୍ଟରେ ଧରାପଡ଼ି ୪ ନାବାଳକ ଆଥ୍‌ଲେଟ ସାମୟିକ ସସ୍‌ପେଣ୍ଡ ହୋଇଛନ୍ତି।...

ଛୋଟ କ୍ୱାରେଣ୍ଟିନ ପାଇଁ ଆଲୋଚନା କରୁଛି ବିସିସିଆଇ

ନୂଆଦିଲ୍ଲୀ,୧୯।୫: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପୁରୁଷ ଓ ମହିଳା ଦଳର ଖେଳାଳିଙ୍କୁ ମୁମ୍ବାଇରେ ଏକତ୍ରିତ କରିବା ପାଇଁ ୩ଟି ସହରରେ ଚାଟାର୍ଡ ଫ୍ଲାଇଟ୍‌...

ସ୍ତ୍ରୀଙ୍କଠାରୁ ରହୁଥିଲେ ଅଲଗା, ଝିଅ ଜନ୍ମଦିନର ୩ ଦିନ ପୂର୍ବରୁ ହୋଇଗଲା ମୃତ୍ୟୁ !

ନୂଆଦିଲ୍ଲୀ,୧୭।୫: ଅଷ୍ଟ୍ରେଲିଆ ଅଲରାଉଣ୍ଡର ଆଣ୍ଡ୍ରିୟୁ ସାଇମଣ୍ଡସ୍‌ଙ୍କ ମେ’ ୧୫ରେ ଏକ ଦୁର୍ଘଟଣାରେ ମୃତ୍ୟୁ ଘଟିଛି। ୪୬ ବର୍ଷୀୟ ଏହି କ୍ରିକେଟର ବିଳମ୍ବିତ ରାତ୍ରିରେ କାର୍‌ ଚଳାଇ...

ପଦାର୍ପଣରେ ୩ ଉଇକେଟ ଓ ଅର୍ଦ୍ଧଶତକ

ବ୍ରିସ୍‌ବେନ,୧୮।୧: ପଦାର୍ପଣରେ ଭାରତୀୟ ସ୍ପିନ ଅଲରାଉଣ୍ଡର ଓ୍ବାଶିଂଟନ ସୁନ୍ଦର ଅର୍ଦ୍ଧଶତକ ହାସଲ କରିବା ସହ ୩ ଉଇକେଟ ନେଇ ଏକ ବିରଳ ସଫଳତା ଅର୍ଜନ କରିଛନ୍ତି।...

Advertisement
Archives

Model This Week