ମୁମ୍ବାଇ,୧୩-୧: ୨୦୨୪-୨୫ ବେଳକୁ ଦେଶର ଅର୍ଥ ବ୍ୟବସ୍ଥାକୁ ୫ ଟ୍ରିଲିୟନ ଡଲାର ଅର୍ଥ ବ୍ୟବସ୍ଥାରେ ପରିଣତ କରିବାକୁ ହେଲେ ବାର୍ଷିକ ୯% ହାରରେ ଜିଡିପି ଅଭିବୃଦ୍ଧି ଲୋଡା । ଏହା ସରକାରଙ୍କ ଏକ ମହତ୍ୱାକାଂକ୍ଷୀ ଲକ୍ଷ୍ୟ । ମାତ୍ର ଧାର୍ଯ୍ୟ ସମୟରେ ଏହା ହାସଲ କରିବା କଳ୍ପନା ବାହାରେ ବୋଲି ଅର୍ଥନୀତିଜ୍ଞ ଆର୍.ନାଗରାଜ ରବିବାର କହିଛନ୍ତି। ମୋଦି ସରକାର ତାଙ୍କ ଦ୍ୱିତୀୟ ପାଳିରେ ଅଗାମି ପାଞ୍ଚ ବର୍ଷରେ ଦେଶର ଅର୍ଥ ବ୍ୟବସ୍ଥାକୁ ୫ ଲକ୍ଷ କୋଟି ଡଲାରରେ ପହଞ୍ଚାଇବାକୁ ଲକ୍ଷ୍ୟ ଧାର୍ଯ୍ୟ କରିଥିଲେ। ମାତ୍ର ଏହା ପରଠାରୁ ଅର୍ଥ ବ୍ୟବସ୍ଥା ଉପରେ ଅନେକ କଳାବାଦଲ ଛାଇ ରହିଛି। ଯାହା ଏହି ଲକ୍ଷ୍ୟ ଧାର୍ଯ୍ୟ ସମୟ ମଧ୍ୟରେ ପୂରଣ ହେବ କି ନାହିଁ ସେ ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଭାରତର ଜିଡିପି ବର୍ତ୍ତମାନ ୨.୮ ଟ୍ରିଲିୟନ ଡଲାର ଭିତ୍ତିକ ହୋଇଛି। ବିକାଶ ହାର କମୁଥିବାରୁ ଏହି ସମୟ ମଧ୍ୟରେ ୫ ଟ୍ରିଲିୟନ ଡଲାର ଅର୍ଥନୀତି ଲକ୍ଷ୍ୟ ହାସଲ ହେବା ନେଇ ପ୍ରଶ୍ନ ଉପୁଜୁଥିବା ଇନ୍ଦିରାଗାନ୍ଧି ଇନଷ୍ଟିଚ୍ୟୁଟ ଅଫ୍ ଡେଭଲପମେଣ୍ଟ ରିସର୍ଚ୍ଚ(ଆଇଜିଆଇଡିଆର)ର ଅର୍ଥନୀତି ପ୍ରଫେସର ଥିବା ନାଗରାଜ ମତ ରଖିଛନ୍ତି।
ଚଳିତ ଆର୍ଥତ୍କ ବର୍ଷରେ ଦେଶର ବିକାଶ ହାର ୧୧ ବର୍ଷର ସର୍ବନିମ୍ନ ସ୍ତରକୁ ଖସିବ ବୋଲି ସରକାର ଆକଳନ କରିଛନ୍ତି। ଚଳିତ ଆର୍ଥତ୍କ ବର୍ଷ ଦ୍ୱିତୀୟ ତ୍ରୈମାସରରେ ଜିଡିପି ବିକାଶ ହାର ୪.୫% ରହିଛି। ସେହିଭଳି ବାଣିଜ୍ୟ ଧାରା ଶୀଘ୍ର ପରିବର୍ତ୍ତନ ନେଇ କୌଣସି ସମ୍ଭାବନା ଦେଖା ଯାଉ ନ ଥିବା ସେ କହିଛନ୍ତି। ୨୦୧୦ ପରଠାରୁ ଜିଡିପି ଏବଂ ରପ୍ତାନି ଅନୁପାତରେ ହ୍ରାସ ହେଉଛି। ଏଣୁ ବାଣିଜ୍ୟ ଏବଂ ରପ୍ତାନି ଧାରାରେ ଉନ୍ନତି ହେଉନଥିବା ଏଥିରୁ ସ୍ପଷ୍ଟ ହେଉଛି। ଆର୍ଥତ୍କ ମାନ୍ଦାବସ୍ଥା ବିରୋଧରେ ଆର୍ଥତ୍କ ପ୍ୟାକେଜ ଦ୍ୱାରା ଲଢାଯାଇ ପାରିବା ନେଇ ଏକ ପ୍ରଶ୍ନର ଉତ୍ତରରେ ନାଗରାଜ କହିଛନ୍ତି ଯେ, ଗତ କିଛି ବର୍ଷ ଧରି ସୁଧହାର ଲଗାତାର ହ୍ରାସ ହୋଇଥିଲେ ମଧ୍ୟ ଏହାର ଫାଇଦା ମିଳୁନାହିଁ।
