୫-ଟି ସଚିବଙ୍କ ଗସ୍ତ ପରେ ତତ୍ପର ପ୍ରଶାସନ: ବିଏମ୍‌ସି ଭାଙ୍ଗିଲା ନିଜ ବେଆଇନ ନିର୍ମାଣ

ପୁରୁଣା ଭୁବନେଶ୍ୱର,୭।୧୨(ଡି.ଏନ.ଏ.): ୫-ଟି ସଚିବଙ୍କ ଗୁରୁବାର ଅଚାନକ ଗସ୍ତ ନେଇ ଏକାମ୍ର କ୍ଷେତ୍ରରେ ବିଭିନ୍ନ ବିଭାଗ କର୍ମଚାରୀଙ୍କ ମଧ୍ୟରେ ତତ୍ପରତା ପ୍ରକାଶ ପାଇଛି। ଏହି ପରିପ୍ରେକ୍ଷୀରେ ବିଏମ୍‌ସିର ତ୍ରୁଟିପୂର୍ଣ୍ଣ ନିଷ୍ପତ୍ତି ଯୋଗୁ ମିଳିତ ଉଚ୍ଛେଦ ଟିମ୍‌ ସହାୟତାରେ ନିଜେ ବିଏମ୍‌ସି ନିର୍ମାଣ କରିଥିବା ବେଆଇନ ନିର୍ମାଣ ମାଟିରେ ମିଶାଇଲା। ଗୌତମନଗର ମୌଜାର ପ୍ଲଟ ନଂ. ୨୨୨୪ ଓ ୨୨୨୫ ଉପରେ ବେଆଇନ ଭାବେ ଗଢି ତୋଳିଥିବା ବିଏମ୍‌ସି ଅର୍ଦ୍ଧନିର୍ମିତ ଘରଗୁଡିକୁ ଡ୍ରୋଜର ସାହାଯ୍ୟରେ ଶୁକ୍ରବାର ଭଙ୍ଗାଯାଇଛି। ୧୯୭୦ ଦେବୋତ୍ତର କମିଶନର ଚିଠି ନଂ. ୧୧୯୪୩ ଜରିଆରେ ତତ୍‌କାଳୀନ ଲିଙ୍ଗରାଜ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କୁ ଭୁବନେଶ୍ୱର ନୋଟିଫାଏଡ ଏରିଆ କାଉନସିଲ ଓ ମହାସୁଆର ନିଯୋଗ ସମିତିଙ୍କୁ ଫୁଲ ବଗିଚା କରିବା ଉଦ୍ଦେଶ୍ୟରେ ଏହି ଜମି ଦେବା ନେଇ ଜଣାଇଥିଲେ। ମାତ୍ର କେଉଁ ପରିସ୍ଥିତିରେ ଏହି ସମ୍ପତ୍ତି ଫୁଲ ବଗିଚା ନ କରାଯାଇ ନଗରପାଳିକା ଭୁବନେଶ୍ୱରଙ୍କ ନାମରେ ପରବର୍ତ୍ତୀ ସମୟରେ ରେକର୍ଡ ଭୁକ୍ତ ହୋଇଥିଲା ଏ ନେଇ ସାଧାରଣରେ ସନ୍ଦେହ ପ୍ରକାଶ ପାଇଛି। ଏହି ନିର୍ମାଣ ବିରୋଧରେ ଅଭିଯୋଗ ପରେ ମଧ୍ୟ କାର୍ଯ୍ୟାନୁଷ୍ଠାନ ନ ହେବା ଯୋଗୁ ପୂଜାପଣ୍ଡା ନିଯୋଗ ପକ୍ଷରୁ ଅଦାଲତରେ ମାମଲା କରାଯାଇ ସ୍ଥଗିତାଦେଶ ଜାରି କରାଯାଇଥିଲା। ସାଧାରଣ ଟିକସ ଦାତାଙ୍କ ଲକ୍ଷାଧିକ ଟଙ୍କା ବ୍ୟୟ କରି ବିଏମ୍‌ସି ଏଭଳି ବେଆଇନ ନିର୍ମାଣ କରିବା ଓ ପରବର୍ତ୍ତୀ ପର୍ଯ୍ୟାୟରେ ଭାଙ୍ଗିବା ଯୋଗୁ ସାଧାରଣରେ ନିନ୍ଦିତ ହୋଇଛି। ମୋଟ ୪୧୫ ଡିସିମିଲ ସମ୍ପତ୍ତି ଉଦ୍ଧାର ହେବା ପରେ ଏହା ସର୍ବସାଧାରଣ ହିତରେ ବ୍ୟବହାର ହେବ ବୋଲି ପ୍ରଶାସନ ପକ୍ଷରୁ କୁହାଯାଇଛି।

କର୍ପୋରେଟ ଦଖଲରୁ ଶ୍ରୀଲିଙ୍ଗରାଜଙ୍କ ରକ୍ଷିତ ଜମି ଉଦ୍ଧାର ନେଇ ମାପଚୁପ
ଶୁକ୍ରବାର ଅପରାହ୍ନରେ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କ ସମେତ କେତେଜଣ କର୍ମଚାରୀ ଓ ଅମିନଙ୍କ ସହାୟତାରେ ସାମନ୍ତରାପୁରସ୍ଥିତ ଜଣେ ବ୍ୟକ୍ତି ତଥା କର୍ପୋରେଟ ହାଉସ ଦଖଲରେ ରହିଥିବା ବହୁମୂଲ୍ୟ ଦେବୋତ୍ତର ସମ୍ପତ୍ତି ଉଦ୍ଧାର ନେଇ ମାପଚୁପ ଆରମ୍ଭ ହୋଇଛି। ଜାତୀୟ ରାଜପଥ ସଂଲଗ୍ନ ଭୁବନେଶ୍ୱର ମୌଜାର ପ୍ଲଟ ନଂ. ୨୧୭୬ ଉପରେ ଟ୍ରାନ୍ସଫରମର ବସାଇବା, ହୋର୍ଡିଂ ଲଗାଇବା ଓ କଙ୍କ୍ରିଟ କରି ବ୍ୟକ୍ତିଗତ ଦଖଲରେ ୬୮ ଡିସିମିଲ ଜମି ଦଖଲ ହୋଇଥିବା ଅଭିଯୋଗ କରାଯାଇଥିଲା। କିଛି ମାସ ପୂର୍ବେ ଏହି ପ୍ଲଟ ସନ୍ନିକଟ ଜମି ଉପରେ ନିର୍ଦ୍ଦିଷ୍ଟ ସେବାୟତ ନିଯୋଗ ପକ୍ଷରୁ ନିର୍ମାଣାଧୀନ ମାର୍କେଟ କମ୍ପ୍ଲେକ୍ସକୁ ବନ୍ଦ କରିବା ନେଇ ମନ୍ଦିର ପ୍ରଶାସନ ପକ୍ଷରୁ ୧୪୪ ଧାରା ଜାରି ହୋଇଥିଲା। ଏହି ନିକଟରେ ୧୦ ଏକରରୁ ଊର୍ଦ୍ଧ୍ୱ ଶ୍ରୀଲିଙ୍ଗରାଜଙ୍କ ଅନାବାଦୀ ଜମିଗୁଡ଼ିକୁ ବିଭିନ୍ନ ପ୍ରତିପତ୍ତିଶାଳୀ ବ୍ୟକ୍ତି ଦଖଲ କରି ବ୍ୟବସାୟିକ କାର୍ଯ୍ୟରେ ଲଗାଇଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନ ଥିଲା। ପ୍ଲଟ ନଂ. ୨୧୭୪, ୨୧୭୫ ସମେତ କେତେକ ଜମିର ମାଲିକାନା ସ୍ବତ୍ୱ ବଦଳା ଯାଇଥିବାରୁ ଦେବୋତ୍ତର ବିଭାଗ ପକ୍ଷରୁ ପୁନର୍ବାର ଏଗୁଡିକୁ ନିଜ ଅଧୀନକୁ ଫେରାଇ ଆଣିବା ନେଇ ଏହି ମାପଚୁପ କାର୍ଯ୍ୟ ଆରମ୍ଭ ହୋଇଥିବା ଜଣାପଡିଛି।
ଲିଙ୍ଗରାଜ ଥାନା ସ୍ଥାନାନ୍ତର ନେଇ ଅସନ୍ତୋଷ
ଶ୍ରୀଲିଙ୍ଗରାଜଙ୍କ ନୀତିକାନ୍ତି ସହ ଜଡିତ ଜମିଗୁଡ଼ିକ ଜବରଦଖଲକାରୀଙ୍କ ଦଖଲରୁ ଫେରାଇ ଆଣିବା ଦାବି ଜୋର ଧରିଛି। ଠାକୁରଙ୍କ ଲାଖ ବିନ୍ଧା ପଡିଆ ଓ ଶ୍ରୀପଞ୍ଚମୀ ପଡିଆରୁ ଜବରଦଖଲ ଉଚ୍ଛେଦ କରିବା ନେଇ ବହୁଦିନରୁ ଅଭିଯୋଗ ହେଉଛି। ଏକଦା ୮୦୦ ଡିସିମିଲରୁ ଊର୍ଦ୍ଧ୍ୱ ଜମି ଶ୍ରୀପଞ୍ଚମୀ ପଡିଆ ଭାବେ ବ୍ୟବହୃତ ହେଉଥିବାବେଳେ ଏବେ ମାତ୍ର ୮୦ ଡିସିମିଲରୁ କମ୍‌ ରହିଛି। ପୋଲିସ ବିଭାଗର କେତେଜଣ ଉଚ୍ଚ ପଦସ୍ଥ ଅଧିକାରୀଙ୍କ ସମେତ ଜିଲା ପ୍ରଶାସନର କର୍ମକର୍ତ୍ତା ଲିଙ୍ଗରାଜ ଥାନା ସ୍ଥାନାନ୍ତର ନେଇ ଶ୍ରୀପଞ୍ଚମୀ ପଡିଆ ନିରୀକ୍ଷଣ କରିବା ନେଇ ସେବାୟତ, ଶ୍ରଦ୍ଧାଳୁଙ୍କ ମହଲରେ ଅସନ୍ତୋଷ ଦେଖାଦେଇଛି। ଏହି ଶ୍ରୀପଞ୍ଚମୀ ପଡିଆ ଜବରଦଖଲ ଉଚ୍ଛେଦ କରାଯାଇ ଶ୍ରୀଲିଙ୍ଗରାଜଙ୍କ ନୀତିକାନ୍ତି ପାଇଁ ବ୍ୟବହାର କରାଯିବାକୁ ସାଧାରଣରେ ଦାବି ହେଉଛି। ଏ ସମ୍ପର୍କରେ ପ୍ରଶାସନ ପକ୍ଷରୁ କୁହନ୍ତି, ଶ୍ରୀଜୀଉଙ୍କ ରୀତିନୀତି ସହ ଜଡିତ କୌଣସି ସମ୍ପତ୍ତି ଅନ୍ୟ ବ୍ୟବହାର ନିମନ୍ତେ ଦିଆଯିବ ନାହିଁ।


Enter your email to get our daily news in your inbox.

All Right Reserved By Dharitri.Com

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

ପିନାକୀ-ମହେଶଙ୍କୁ ମିଳିଲାନି ଟିକେଟ

ଭୁବନେଶ୍ୱର,୨୮।୩: ଆଗାମୀ ଲୋକ ସଭା ନିର୍ବାଚନକୁ ନେଇ ବିଜେଡି ଏହାର ପ୍ରାର୍ଥୀ ଘୋଷଣା କରିଛି। ବୁଧବାର ୧୫ ଆସନ ଲାଗି ପ୍ରାର୍ଥୀ ଘୋଷଣା ହୋଇଛି। ସେଥିମଧ୍ୟରୁ...

ଭାଜପାରେ ଯୋଗ ଦେଲେ ଭର୍ତ୍ତୃହରି, ସିଦ୍ଧାନ୍ତ, କଡ଼ା ଭାଷାରେ ସମାଲୋଚନା କଲା ବିଜେଡି

ଭୁବନେଶ୍ୱର,୨୮।୩: ଗୁରୁବାର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଛନ୍ତି କଟକ ଏମପି ଭର୍ତ୍ତୃହରି ମହତାବ, ପୂର୍ବତ୍ତନ ଲୋକ ସଭା ଏମପି ସିଦ୍ଧାନ୍ତ ମହାପାତ୍ର ଏବଂ ପଦ୍ମଶ୍ରୀ...

ଭାଜପାରେ ଯୋଗ ଦେବା ପରେ ଭର୍ତ୍ତୃହରି ଦେଲେ ବଡ଼ ବୟାନ, କହିଲେ ଓଡ଼ିଶାରେ…

ନୂଆଦିଲ୍ଲୀ,୨୮।୩: ବିଜେପିରେ ସାମିଲ ପରେ ସାଂସଦ ଭର୍ତ୍ତୃହରି ମହତାବ ଓଡ଼ିଶା ରାଜନୀତିକୁ ନେଇ ବଡ଼ ବୟାନ ଦେଇଛନ୍ତି। କେବଳ ‘ରାଷ୍ଟ୍ରବାଦ, ଏକାତ୍ମତା, ପୂର୍ବୋଦୟ ଭାଜପା ଜରିଆରେ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ଯୋଗଦେଲେ ଭର୍ତ୍ତୃହରି ମହତାବ, ନିକଟରେ ବିଜେଡିରୁ ଇସ୍ତଫା ଦେଇଥିଲେ

ଭୁବନେଶ୍ୱର,୨୮।୩: ନିକଟରେ ବିଜୁ ଜନତା ଦଳ(ବିଜେଡି)ରୁ ଇସ୍ତଫା ଦେଇଥିବା କଟକ ଲୋକ ସଭା ଏମପି ଭର୍ତ୍ତୃହରି ମହତାବ ଭାଜପାରେ ଯୋଗ ଦେଇଛନ୍ତି। ତାଙ୍କ ସହିତ ଦୁଇଥର...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ଆଗାମୀ ଦୁଇ ଦିନରେ ୨ରୁ ୩ ଡିଗ୍ରୀ ବୃଦ୍ଧି ପାଇବ ତାପମାତ୍ରା

ଭୁବନେଶ୍ୱର,୨୮ା୩: ପାଗ ଶୁଖିଲା ରହୁଥିବାରୁ ଚଳିତମାସ ଶେଷ ପର୍ଯ୍ୟନ୍ତ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ ବୃଦ୍ଧି ପାଇବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri