ଭବାନୀପାଟଣା, ୩୧।୧ (ଡି.ଏନ୍.ଏ.): ଫେବୃୟାରୀ ୫ ତାରିଖରେ ପଶ୍ଚିମ ଓଡ଼ିଶା ବନ୍ଦ ଡାକରା ପାଇଁ ଓକିଲ ସଂଘ ନିଷ୍ପତ୍ତି ନେଇଥିବା ବେଳେ ଏହି ବନ୍ଦରେ କଳାହାଣ୍ଡି ବାର୍ ଆସୋସିଏଶନ୍ ସାମିଲ ହେବ ନାହିଁ ବୋଲି ଜଣାପଡ଼ିଛି। ଶୁକ୍ରବାର ପଶ୍ଚିମ ଓଡ଼ିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଥିବା ୧୭ଟି ବାର୍ ଆସୋସିଏଶନ୍ ଓ ସିଏସି କର୍ମକର୍ତ୍ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପ୍ରସ୍ତାବ ପ୍ରତିବାଦରେ ବଲାଙ୍ଗୀରଠାରେ ଏକ ବୈଠକ ହୋଇଥିଲା । ଜିଲା ସଭାପତି ଭବେନ୍ଦ୍ର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବନ୍ଦ ଡାକରା ପାଇଁ ଓକିଲ ସଂଘ ନିଷ୍ପତ୍ତି ନେଇଥିଲା। ତେବେ ୧୭ଟି ବାର୍ ଆସୋସିଏଶନ କାର୍ଯ୍ୟାନୁଷ୍ଠାନ ତାଲିକାରେ କଳାହାଣ୍ଡି ବାର୍ ଆସୋସିଏଶନ୍ର ନାମ ନଥିଲା, ଏନେଇ କଳାହାଣ୍ଡି ବାର୍ ଆସୋସିଏଶନ ପଶ୍ଚିମ ଓଡ଼ିଶା ଓକିଲମାନଙ୍କ ବନ୍ଦ ଡାକରାରେ ସାମିଲ ହେବ ନାହିଁ । କଳାହାଣ୍ଡି ବାର୍ ଆସୋସିଏଶନ୍ କୋର୍ଟ କାର୍ଯ୍ୟ ବନ୍ଦ ନ କରିବାକୁ ଆଫିଡାଭିିଟ୍ ମାଧ୍ୟମରେ ଜଣାଇଛନ୍ତି ।
