ନୂଆଦିଲ୍ଲୀ,୯।୧: ଦିଲ୍ଲୀ ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ଏବେ ଭୋଟରଙ୍କୁ ନିଜ ଆଡକୁ ଆକର୍ଷିତ କରିବାକୁ ଲାଗି ପଡିଛନ୍ତି ସବୁ ରାଜନୈତୀକ ଦଳ। ଗୁରୁବାର ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି(ଏଏପି) ମୁଖ୍ୟ ଅରବିନ୍ଦ କେଜରିଓ୍ବାଲ କହିଛନ୍ତି ତାଙ୍କ ସରକାର ଶାସନର ୫ ବର୍ଷ ମଧ୍ୟରେ ଦିଲ୍ଲୀର ସରକାରୀ ସ୍କୁଲରେ ୨୦ ହଜାର ଶ୍ରେଣୀଗୃହ ନିର୍ମାଣ କରାଯାଇଛି। ଏବେ ଭୋଟର ସ୍ଥିର କରନ୍ତୁ ତାଙ୍କୁ କେଉଁ ସରକାର ଆବଶ୍ୟକ। ଭାରତୀୟ ଜନତା ପାର୍ଟି(ଭାଜପା)କୁ ଟାର୍ଗେଟ କରି କେଜରିଓ୍ବାଲ କହିଛନ୍ତି, କେନ୍ଦ୍ରରେ ଭାଜପା ୯ବର୍ଷ ଶାସନ କାଳ ମଧ୍ୟରେ ଦିଲ୍ଲୀରେ ୧୦୯ ଏମ୍ସିଡି ସ୍କୁଲ ବନ୍ଦ ହୋଇଛି ହେଲେ ଏଏପି ୨୦ ହଜାର ଶ୍ରେଶୀଗୃହ ନିର୍ମାଣ କରିଛି। ଯାହା ୫ଶହ ନୂଆ ସ୍କୁଲ ଖୋଲିବା ସହ ସମାନ। ସେ ଆହୁରି ମଧ୍ୟ କହିଛନ୍ତି ଏମ୍ସିଡି ସ୍କୁଲରେ ୫ ଶ୍ରେଣୀ ପାସ୍ କରିଥିବା ପିଲା ସାଧାରଣ ହିନ୍ଦୀ ପଢିପାରୁ ନ ଥିବା ବେଳେ ସରକାରୀ ସ୍କୁଲର ପିଲାଙ୍କ ଜ୍ଞାନ ଯଥେଷ୍ଟ ଭଲ ରହିଛି।
