ମୁମ୍ବାଇ: ବଲିଉଡ୍ ଷ୍ଟାର ଶାହିଦ କପୁର ମଙ୍ଗଳବାର ୩୯ ବର୍ଷରେ ପାଦ ଦେଇଛନ୍ତି। ୧୯୮୧ ଫେବୃୟାରୀ ୨୫ରେ ସେ ନୂଆଦିଲ୍ଲୀଠାରେ ଜନ୍ମଗ୍ରହଣ କରିଥିଲେ। ଅଭିନୟ ପ୍ରତି ତାଙ୍କର ପିଲାଦିନୁ ଝୁଙ୍କ୍ ଥିଲା। ୨୦୦୩ରେ ସେ ରମେଶ ତୈରାନିଙ୍କ ଫିଲ୍ମ ଇଶ୍କ୍ ବିଶ୍କ୍ରେ ବଲିଉଡ୍ରେ ଡେବ୍ୟୁ କରିଥିଲେ। ୨୦୦୪ରେ ସେ ଫିଦା ଫିଲ୍ମରେ କରିନା କପୁରଙ୍କ ସହିତ ଅଭିନୟ କରିଥିଲେ। ଏହି ଫିଲ୍ମର ଶୁଟିଂ ସେଟ୍ରୁ କରିନାଙ୍କ ସହିତ ଶାହିଦଙ୍କର ପ୍ରେମ ସମ୍ପର୍କ ଆରମ୍ଭ ହୋଇଥିଲା। କଥା ବିବାହ ପର୍ଯ୍ୟନ୍ତ ମଧ୍ୟ ଯାଇଥିଲା। ତେବେ ୨୦୦୭ରେ ଫିଲ୍ମ ଜବ୍ ଓ୍ବି ମିଟ୍ ପରେ ଦୁହିଁଙ୍କର ବ୍ରେକ୍ ଅପ୍ ହୋଇଥିଲା। ଏହାପରେ କିଛି ଦିନ ପାଇଁ ଶାହିଦ ଏବଂ ପ୍ରିୟଙ୍କା ଚୋପ୍ରାଙ୍କୁ ନେଇ ଚର୍ଚ୍ଚା ମଧ୍ୟ ହୋଇଥିଲା। ତେବେ ଶେଷରେ ୨୦୧୫ ଜୁଲାଇ ୭ରେ ସେ ତାଙ୍କଠାରୁ ୧୪ ବର୍ଷ ସାନ ମୀରା ରାଜପୁତଙ୍କୁ ବିବାହ କରିଥିଲେ। ଶାହିଦଙ୍କ ଫିଲ୍ମ କବୀର ସିଂ ନେଇ ବଲିଉଡ୍ରେ ଏବେ ବି ଚର୍ଚ୍ଚା ଜାରି ରହିଛି। ତାଙ୍କର ନୂଆ ଫିଲ୍ମ ଜର୍ସି କିଛି ମାସ ପରେ ରିଲିଜ୍ ହେବ ବୋଲି କୁହାଯାଉଛି।
