ନୂଆଦିଲ୍ଲୀ,୨୯-୧୨: ଘରୋଇକରଣ,ପୁଞ୍ଜି ପ୍ରତ୍ୟାହର ଏବଂ ବେକାରି ଭଳି ପ୍ରସଙ୍ଗ ଆଧାରରେ ଭାରତୀୟ ମଜଦୁର ସଂଘ(ବିଏମ୍ଏସ୍) ଜାନୁୟାରୀ ୩ରେ ଦେଶବ୍ୟାପୀ ଧର୍ମଘଟ ଡାକରା ଦେଇଛି। ପ୍ରତି ଜିଲାର ମୁଖ୍ୟାଳୟରେ ବିରୋଧ ପ୍ରଦର୍ଶନ କରାଯିବ ବୋଲି ବିଏମ୍ଏସ୍ ପକ୍ଷରୁ ଶନିବାର ଏକ ପ୍ରେସ ବିବୃତ୍ତିରେ କୁହାଯାଇଛି। ଏହାବାଦ ଦିଲ୍ଲୀର ଜନ୍ତରମନ୍ତରରେ ବିରୋଧ ପ୍ରଦର୍ଶନ କରାଯିବ। ଔପଚାରିକ କ୍ଷେତ୍ରର ବିଭିନ୍ନ ନିଯୁକ୍ତି ଠିକା ଭିତ୍ତିକ ହୋଇଛି। କର୍ମଚାରୀଙ୍କ ନିରାପତ୍ତା ଏବେ ସଙ୍କୁଚିତ ହୋଇଛି। ଠିକା ନିଯୁକ୍ତିକୁ ସଂଘ ପକ୍ଷରୁ ବିରୋଧ କରାଯାଇଛି। ସେହିଭଳି ସ୍କିମ ଓ୍ବାର୍କରଙ୍କୁ ସରକାରୀ କର୍ମଚାରୀଭାବେ ନିଯୁକ୍ତି ଦେବାକୁ ସଂଘ କହିଛି। ରାଷ୍ଟ୍ରାୟତ୍ତ ବ୍ୟାଙ୍କର ଘରୋଇକରଣ, ପୁଞ୍ଜି ପ୍ରତ୍ୟାହାର, ଅଂଶଧନ ବିକ୍ରି, ବିଭିନ୍ନ କ୍ଷେତ୍ରରେ ଏଫ୍ଡିଆଇ ବୃଦ୍ଧି ଏବଂ ରେଲଓ୍ବେର ବିରୋଧ କରାଯାଇଛି। ଶ୍ରମ ଆଇନକୁ ଠିକ୍ ଭାବେ ଲାଗୁ କରାଇବା ନେଇ କେନ୍ଦ୍ର ସରକାରଙ୍କ ନିକଟରେ ସଂଘ ଦାବି କରିଛି।
