ନୂଆଦିଲ୍ଲୀ,୨୨।୫: ଭାରତୀୟ ରେଲଓ୍ବେ ଜୁନ ୧ରୁ ୨୩୦ ଯାତ୍ରୀବାହି ଟ୍ରେନ୍ ଚଳାଚଳ କରିବାକୁ ଘୋଷଣା କରିଛି। ଏଥିପାଇଁ ଗୁରୁବାରରୁ ବିଭିନ୍ନ ରେଲଓ୍ବେ ଷ୍ଟେସନ୍ରେ ଟିକେଟ କାଉଣ୍ଟର ଖୋଲାଯାଇ ବୁକିଂ ଆରମ୍ଭ ହୋଇଛି। ହେଲେ ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହି ୨୩୦ ଟ୍ରେନ୍ ପାଇଁ ଗତ ୨୪ଘଣ୍ଟା ମଧ୍ୟରେ ୧୩ଲକ୍ଷରୁ ଊର୍ଦ୍ଧ୍ୱ ଟିକେଟ ବୁକ୍ ହୋଇସାରିଲାଣି। ଏହା ସବୁଠାରୁ ବଡ଼ ରେକର୍ଡ ବୋଲି କୁହାଯାଇଛି। ଅପରପକ୍ଷେ ଗୁରୁବାର ଟିକଟ ବୁକିଂ ଆରମ୍ଭରୁ ମାତ୍ର ଏକ ଘଣ୍ଟା ମଧ୍ୟରେ ୧.୫ଲକ୍ଷ ଓ ଅଢ଼େଇ ଘଣ୍ଟାରେ ୪ଲକ୍ଷ ଟିକେଟ ବୁକ୍ ହୋଇଥିବା ଜଣାପଡ଼ିଛି। ସୂଚନାଯୋଗ୍ୟ, କରୋନା ଯୋଗୁ ଦେଶବ୍ୟାପି ଲକ୍ଡାଉନ ଜାରି ରହିଛି। ଏଥିପାଇଁ ଦେଶରେ ସମସ୍ତ ଟ୍ରେନ୍ ଚଳାଚଳ ଉପରେ ରୋକୋ ଲଗାଯାଇଥିଲା। ହେଲେ କିଛି ଦିନ ପୂର୍ବରୁ ପ୍ରବାସୀଙ୍କୁ ନିଜ ରାଜ୍ୟକୁ ଫେରାଇ ଆଣିବା ପାଇଁ ସ୍ବତନ୍ତ୍ର ଟ୍ରେନ୍ ଚଳାଚଳ ଲାଗି କେନ୍ଦ୍ର ସରକାର ବିଭିନ୍ନ ରାଜ୍ୟ ସରକାରଙ୍କୁ ଅନୁମତି ଦେଇଥିଲେ।
