ନୂଆଦିଲ୍ଲୀ,୧୯।୮: ଭାରତରେ ସାଇବର ଆକ୍ରମଣ ମାମଲା କ୍ରମାଗତ ଭାବେ ବଢ଼ିଚାଲିଛି। ୨୦୧୮-୧୯ରେ ଦେଶର ଗୁରୁତ୍ୱପୂର୍ଣ୍ଣ ସଂସ୍ଥା ଉପରେ ଅଧିକ ସାଇବର ଆକ୍ରମଣ ହୋଇଥିବା ନେଇ ସିସ୍କୋ ପକ୍ଷରୁ ଏକ ରିପୋର୍ଟ ପ୍ରକାଶ ପାଇଛି। ଏହି ସମୟରେ ବ୍ୟାଙ୍କିଙ୍ଗ୍, ବିଭିନ୍ନ ଅର୍ଥସଂସ୍ଥା, ବିଭିନ୍ନ ସରକାରୀ ସଂସ୍ଥା ତଥା ଅନ୍ୟ କେତେକ ଗୁରୁତ୍ୱପୂର୍ଣ୍ଣ ସଂସ୍ଥା ଉପରେ ଏଭଳି ଆକ୍ରମଣ ହୋଇଛି। ସେଥିମଧ୍ୟରୁ ସର୍ବାଧିକ ୨୦.୧ ପ୍ରତିଶତ ଆକ୍ରମଣ ବ୍ୟାଙ୍କିଙ୍ଗ୍ ଏବଂ ବିଭିନ୍ନ ଅର୍ଥସଂସ୍ଥା ଉପରେ ହୋଇଛି। ସେହିପରି ସରକାରୀ ସଂସ୍ଥା ଉପରେ ୧୯.୬ ପ୍ରତିଶତ ଆକ୍ରମଣ ହୋଇଛି। ଅନ୍ୟ ଗୁରୁତ୍ୱପୂର୍ଣ୍ଣ ସଂସ୍ଥା ଉପରେ ୧୫.୧ ପ୍ରତିଶତ ଆକ୍ରମଣ ହୋଇଥିବା ଏହି ରିପୋର୍ଟରେ ପ୍ରକାଶ ପାଇଛି।
