ମୁମ୍ବାଇ,୨୦।୬: ପ୍ରମୁଖ ଦୁଗ୍ଧ ଷ୍ଟାର୍ଟ ଅପ୍ କମ୍ପାନୀ ମିଲ୍କ ମନ୍ତ୍ରାରେ ଆମେରିକାର ଇଣ୍ଟରନ୍ୟାଶନାଲ ଡେଭଲମେଣ୍ଟ ଫାଇନାନ୍ସ କର୍ପୋରେଶନ (ଡିଏଫସି) ୧୦ ନିୟୁତ ଡଲାର ପୁଞ୍ଜି ନିବେଶ କରିବାକୁ ଘୋଷଣା କରିଛି। ୫୦ ବିଲିୟନ ଡଲାର ବିଶିଷ୍ଟ ଭାରତୀୟ ଡେରୀ ଉଦ୍ୟୋଗରେ ଖାଦ୍ୟ ଓ ଗ୍ରାହକଙ୍କ ମଧ୍ୟରେ ହ୍ରାସ ପାଉଥିବା ଭରସାକୁ ପୂରଣ କରିବା ଲକ୍ଷ୍ୟରେ ଏହି ଷ୍ଟାର୍ଟ ଅପ୍ କମ୍ପାନୀ ଆରମ୍ଭ କରାଯାଇଛି। ଡିଏଫସି ମଧ୍ୟ ମିଲ୍କ ମନ୍ତ୍ରାରେ ନିଜ ନିବେଶର ପ୍ରଭାବ ବୃଦ୍ଧି କରିବାକୁ ୩୭୧,୦୦୦ଡଲାର (୨.୮କୋଟି)ଟଙ୍କା ବୈଷୟକ ସହାୟତା ଭାବେ ଋଣ ଆକାରରେ ମଞ୍ଜୁର କରିଛି। ୟୁଏସ୍ ଡିଏଫସି ପକ୍ଷରୁ ଏହି ୮୦ କୋଟିର ପୁଞ୍ଜି ନିବେଶ ଓଡିଶାରେ ପ୍ରଥମ ଓ ପ୍ରତ୍ୟକ୍ଷ ପୁଞ୍ଜି ନିବେଶ ବୋଲି ଜଣାପଡିଛି। ଏହି ନିବେଶକୁ ମିଶାଇ କମ୍ପାନୀ ବର୍ତ୍ତମାନ ସୁଦ୍ଧା ୩ଶହ କୋଟିର ପୁଞ୍ଜି ହାସଲ କରିଛି। ଡିଏଫ୍ସି ମିଲ୍କ ମନ୍ତ୍ରାର କୃଷି ସମ୍ପ୍ରସାରଣ ଓ ନୀତିପୂର୍ଣ୍ଣ ଦୁଗ୍ଧ ସଂଗ୍ରହ କାର୍ଯ୍ୟକ୍ରମକୁ ସହାୟତା କରିବାକୁ ଏହି ସହାୟତା ରାଶି ମଞ୍ଜୁର କରିଛି। କମ୍ପାନୀ ବର୍ତ୍ତମାନ ସୁଦ୍ଧା ୪ଟି ପର୍ଯ୍ୟାୟର ପୁଞ୍ଜି ନିବେଶ, ୮ଟି ରୋଡ୍ସ, ଆବିଷ୍କାର ଓ ନିଭ୍ ପାଣ୍ଠି ପ୍ରାପ୍ତ କରି ପାରିଛି ବୋଲି କମ୍ପାନୀର ପ୍ରତିଷ୍ଠାତା ଶ୍ରୀକୁମାର ମିଶ୍ର ସୂଚନା ଦେଇଛନ୍ତି ।
