ହନିମୁନ୍ କରିବାକୁ ଯାଇ ଆମେରିକାର ନବବିବାହିତ ଦମ୍ପତି ଏକ ବଡ଼ଧରଣର ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ଫ୍ଲୋରିଡ଼ାର କ୍ଲେ ଚେଷ୍ଟନ୍ ଏବଂ ତାଙ୍କ ସ୍ତ୍ରୀ ଏକ୍ମୀ ହନିମୁନ୍ ପାଇଁ କ୍ୟାରିବିୟାଇ ସାଗରସ୍ଥିତ ମାଉଣ୍ଟ ଲିୟମାଇଗା ପର୍ବତର ସେଣ୍ଟ କିଟ୍ସର ଏକ ଛୋଟ ସ୍ଥାନକୁ ବାଛିଥିଲେ। ଦୁଇଜଣ ଯାକ ୩୭୦୦ ମିଟର ପର୍ବତ ଉପରକୁ ଚଢ଼ିଥିଲେ। ଜ୍ୱାଳାମୁଖୀ ନିକଟରେ ପହଞ୍ଚିବା ପରେ କ୍ଲେ ତଳକୁ ଖସିପଡ଼ିଥିଲେ। ଏହି ସମୟରେ ଦୁହିଁଙ୍କ ପାଖରେ କେହି ନ ଥିଲେ। ଏକ୍ମୀ ଧୈର୍ଯ୍ୟର ସହ ସାହସ ଜୁଟାଇ ସ୍ବାମୀଙ୍କୁ ଏଥିରୁ ଉଦ୍ଧାର କରି ଫ୍ଲୋରିଡାର ମେଡିକାଲରେ ଭର୍ତ୍ତି କରାଇଥିଲେ।
ଡାକ୍ତରଙ୍କ ମତରେ ଚେଷ୍ଟନଙ୍କ ମୁଣ୍ଡ, ନାକ ଏବଂ ବେକରେ ଆଘାତ ଲାଗିଛି। କିନ୍ତୁ ତାଙ୍କର କୌଣସି ହାଡ଼ ଭାଙ୍ଗି ନାହିଁ। ସେ ତୁରନ୍ତ ଭଲ ହୋଇଯିବେ। ଚେଷ୍ଟନ ବିପଦମୁକ୍ତ ବୋଲି ଡାକ୍ତର କହିଛନ୍ତି।
