ଭୁବନେଶ୍ୱର,୩୦ା୧୧(ବ୍ୟୁରୋ): ରଙ୍ଗିଲା ଡ୍ୟାନ୍ସ ଇଣ୍ଟରନ୍ୟାଶନାଲ ସହଯୋଗରେ ସ୍ପନ୍ଦନ ଷ୍ଟାର୍ ଓଲିଉଡ୍ ଆୱାର୍ଡ ପକ୍ଷରୁ ସ୍ପନ୍ଦନ ଷ୍ଟାର୍ ଓଲିଉଡ୍ ଆୱାର୍ଡ-୨୦୧୯ ଶୁକ୍ରବାର ସୂଚନା ଭବନଠାରେ ଅନୁଷ୍ଠିତ ହୋଇଯାଇଛି। ଏଥିରେ ଚଳଚ୍ଚିତ୍ର ପ୍ରଯୋଜକ ଅକ୍ଷୟ ପରିଜାଙ୍କୁ ଲାଇଫ୍ ଟାଇମ୍ ଆଚିଭ୍ମେଣ୍ଟ ଆୱାର୍ଡ ପ୍ରଦାନ କରାଯାଇଥିବାବେଳେ ‘ଏଭର୍ଗ୍ରୀନ୍ ଅଭିନେତା’ ଭାବେ ବିଶିଷ୍ଟ ଅଭିନେତା ମିହିର ଦାସଙ୍କୁ ସମ୍ମାନିତ କରାଯାଇଛି। ସେହିପରି ଭର୍ସାଟାଇଲ୍ ଅଭିନେତା ଭାବେ ସିଦ୍ଧାନ୍ତ ମହାପାତ୍ର ଏବଂ ବଲିଉଡ୍ରେ ଓଡ଼ିଆ ଭାବେ ରାଜେଶ କୁମାର ମହାନ୍ତିଙ୍କୁ ପୁରସ୍କୃତ କରାଯାଇଛି। ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ଭାବେ ‘ସୁନ୍ଦରଗଡ଼ର ସଲମାନ୍ ଖାନ୍’ ପୁରସ୍କୃତ ହୋଇଥିବା ବେଳେ ତାପସ ସରଘରିଆଙ୍କୁ ‘ଶ୍ରେଷ୍ଠ ନିର୍ଦ୍ଦେଶକ’, ବାବୁସାନ୍ ମହାନ୍ତିଙ୍କୁ ‘ଶ୍ରେଷ୍ଠ ଅଭିନେତା’, ଭୂମିକା ଦାଶଙ୍କୁ ‘ଶ୍ରେଷ୍ଠ ଅଭିନେତ୍ରୀ’ ସମ୍ମାନ ପ୍ରଦାନ କରାଯାଇଛି। ଅର୍ଦ୍ଧେନ୍ଦୁ ସୁନ୍ଦର ସାହୁ ‘ପିପୁଲସ୍ ଚଏସ୍ ହିରୋ ଅଫ୍ ଦ ଇୟର୍’, ଏଲିନା ସାମନ୍ତରାୟ ‘ପିପୁଲ୍ସ ଚଏସ୍ ଆକ୍ଟ୍ରେସ୍ ଅଫ୍ ଦ ଇୟର୍’ ଭାବେ ପୁରସ୍କୃତ ହୋଇଛନ୍ତି। ଝିଲିକ୍ ଭଟ୍ଟାଚାର୍ଯ୍ୟ ଓ ଶୀତଲ ପାତ୍ରଙ୍କୁ ‘ବେଷ୍ଟ ସିଗ୍ନିଫିକାଣ୍ଟ ପର୍ଫର୍ମାନ୍ସ’ ପାଇଁ ପୁରସ୍କୃତ କରାଯାଇଛି।
ଏହି ଅବସରରେ ସ୍ବର୍ଗତ ହର ପଟ୍ଟନାୟକ, ରୁନୁ ପରିଜା, ଅମିୟ ପଟ୍ଟନାୟକ, ଅଭିରାମ ମିଶ୍ର, ମୀନକେତନ, କେଶବ ରାଉତ, ସୁବାସ ରାଉତ, କୁଶ ପଟ୍ଟନାୟକ, ଅନିତା ଦାଶ ଓ ସଲିଲ୍ ମିତ୍ରଙ୍କୁ ‘ମରଣୋତ୍ତର ଷ୍ଟାର ଆୱାର୍ଡ’ ପ୍ରଦାନ କରାଯାଇଥିଲା, ଯାହାକୁ ସେମାନଙ୍କ ଆତ୍ମୀୟ ସ୍ବଜନମାନେ ଗ୍ରହଣ କରିଥିଲେ। ପ୍ରେମ ଆନନ୍ଦଙ୍କୁ ‘ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକ’, ସୁବ୍ରତ ସ୍ବାଇଁଙ୍କୁ ‘ଶ୍ରେଷ୍ଠ ଗୀତିକାର’, ହ୍ୟୁମାନ୍ ସାଗରଙ୍କୁ ‘ଶ୍ରେଷ୍ଠ ପ୍ରଚ୍ଛଦପଟ ଗାୟକ’, ଦୀପ୍ତିରେଖା ପାଢୀଙ୍କୁ ‘ଶ୍ରେଷ୍ଠ ପ୍ରଚ୍ଛଦପଟ ଗାୟିକା’, ‘ବୋଉ ମାରିବ’ ଗୀତକୁ ଲୋକପ୍ରିୟ ସଙ୍ଗୀତ ଓ ଶ୍ରେଷ୍ଠ କୋରିଓଗ୍ରାଫର ଭାବେ ସୁଧାକର ବସନ୍ତଙ୍କୁ ପୁରସ୍କୃତ କରାଯାଇଥିଲା। ରୋଜାଲିନ୍ ମିଶ୍ର ଓ ଭାବନା ମାଥ୍ୱିଙ୍କୁ ‘ଶ୍ରେଷ୍ଠ ଚଳଚ୍ଚିତ୍ର ସାମ୍ବାଦିକ’ ପୁରସ୍କାର ଦିଆଯାଇଥିଲା। କାର୍ଯ୍ୟକ୍ରମରେ ଅତିଥି ଭାବେ ସ୍ପନ୍ଦନ ଷ୍ଟାର ଓଲିଉଡ୍ ଆୱାଡର ବ୍ରାଣ୍ଡ୍ ଆମ୍ବାସାଡର ଅର୍ଚ୍ଚିତା ସାହୁ, ଜଟଣୀ ବିଧାୟକ ସୁରେଶ କୁମାର ରାଉତରାୟ, ମୋ କଲେଜ ଅଧ୍ୟକ୍ଷ ଆକାଶ ଦାଶ ନାୟକ, ଓଡ଼ିଶା ହାଉସିଂ ବୋର୍ଡ ଅଧ୍ୟକ୍ଷ ପ୍ରିୟଦର୍ଶୀ ମିଶ୍ର ପ୍ରମୁଖ ଯୋଗଦେଇଥିଲେ। ସ୍ପନ୍ଦନ ଷ୍ଟାର ଓଲିଉଡ୍ ଆୱାର୍ଡର ନିର୍ଦ୍ଦେଶକ ହରପ୍ରସାଦ ମହାପାତ୍ର, ରଙ୍ଗିଲା ଡ୍ୟାନ୍ସ ଇଣ୍ଟରନ୍ୟାଶନାଲର ପ୍ରତିଷ୍ଠାତା ଦିଲୀପ କୁମାର ସ୍ବାଇଁ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ମା’ ସିଂଘାସିନୀ ଫିଲ୍ମସ୍ର ‘ମୁଁ ପରଦେଶୀ ଚଢେଇ’ର ମ୍ୟୁଜିକ୍ ରିଲିଜ ହୋଇଥିଲା।
