ବେଳେବେଳେ ମହିଳାମାନଙ୍କ ମୁହଁରେ ଦାଗ ଓ ଅନ୍ୟ କେତେକ ସମସ୍ୟା ଦେଖାଯାଇଥାଏ। ନିଜ ସୌନ୍ଦର୍ଯ୍ୟକୁ ଆହୁରି ଚମକଦାର କରିବାକୁ ସେମାନେ ବଜାରରୁ ଏମିତି କିଛି ବିଉଟି ପ୍ରଡକ୍ଟ କିଣି ଆଣନ୍ତି। କିନ୍ତୁ ଏପରି କିଛି ପ୍ରାକୃତିକ ଉପଚାର ରହିଛି, ଯାହା ସୌନ୍ଦର୍ଯ୍ୟକୁ ଆହୁରି ଆକର୍ଷିତ କରିଥାଏ। ମୁହଁର ଏପରି ସମସ୍ୟା ଦୂର କରିବାକୁ ଆପଣ ନଡିଆତେଲ ବ୍ୟବହାର କରିପାରନ୍ତି। ତେବେ ଆସନ୍ତୁ ଜାଣିବା କିପରି ଏହାକୁ ବ୍ୟବହାର କରିବେ…
ନଡିଆ ତେଲରେ ଆପଣ ସ୍ପାର ଆନନ୍ଦ ଘରେ ନେଇପାରିବେ ଓ ତ୍ୱଚାକୁ ମୁଲାୟମ୍ କରିପାରିବେ। ଏଥିପାଇଁ ଆପଣ ଦୁଇରୁ ୩ ଚାମଚ ଓଟ୍ସ ନିଅନ୍ତୁ ଓ ସେଥିରେ ତେଲ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ୩୦ସେକେଣ୍ଡ ଲାଗି ମାଇକ୍ରୋଓ୍ବେଭରେ ଗରମ କରିଦିଅନ୍ତୁ। ଏହା ପରେ ମସ୍ଲିନ୍ ବ୍ୟାଗ୍ ସାହାଯ୍ୟରେ ଏହି ପେଷ୍ଟକୁ ପୂରା ଶରୀରରେ ଲଗାଇ ମସାଜ୍ କରନ୍ତୁ। ଏହି ପେଷ୍ଟ ଶରୀରର ପିଏଚ୍ ଲେଭଲ୍କୁ ସମାନ ରଖିଥାଏ।
ନିଜ କେଶକୁ କୁଣ୍ଡାଇବା ପରେ,ଏକ ଚାମଚ ନଡିଆ ତେଲ ନେଇ କେଶରେ ଲଗାନ୍ତୁ। ଏପରି କରିବା ଦ୍ୱାରା ଆପଣଙ୍କ କେଶ ଡ୍ରାଏ ନ ହେବା ସହ କେଶରେ ଚମକ ଆସିଥାଏ। ଯେତେବେଳେ ଆପଣଙ୍କ କେଶ ଅଡୁଆ ତଡୁଆ ହୋଇଯାଇଛି ତେବେ ନିଜ ଆଙ୍ଗୁଠିରେ ତେଲ ନେଇ କେଶରେ ଲଗାନ୍ତୁ। ଯଦି ଆପଣ ବିଚ୍ କିମ୍ବା ପୁଲ୍କୁ ଯାଉଛନ୍ତି କେଶରେ ନଡିଆ ତେଲ ଲଗାଇବାକୁ ଭୁଲନ୍ତୁ ନାହିଁ। ତେଲ ଆପଣଙ୍କ କେଶକୁ ଡ୍ରାଏନେସ,ଖାରିଆ ପାଣିରୁ ରକ୍ଷା କରିଥାଏ।
ଶୀତଦିନରେ ଓଠ ଡ୍ରାଏ ହୋଇ ଫାଟେ। ବାରମ୍ବାର ଲିପ୍ବାମ୍ ଲଗାଇବାକୁ ପଡିଥାଏ। ଆପଣ ନିଜର ଓଠକୁ ମୁଲାୟମ୍ ରଖିବାକୁ ହେଲେ ନଡିଆ ତେଲକୁ ଲଗାଇ ପାରିବେ। ଆପଣ ଏହାକୁ ଓଠରେ ଲଗାଇ ରଖନ୍ତୁ। ଏହାର କିଛି ସମୟ ପରେ ପାଣିରେ ଧୋଇ ଦିଅନ୍ତୁ। ଏହାଦ୍ୱାରା ମୃତ କୋଷ ବାହାରି ଯିବ। ଓଠକୁ ସଫା କରିବା କରିବା ପରେ ନଡିଆ ତେଲକୁ ବାମ୍ ପରି ଲଗାଇ ପାରିବେ।
ନଡିଆ ତେଲରେ ନାଚୁରାଲ ଆଣ୍ଟି ଫଙ୍ଗାଲ ଓ ଆଣ୍ଟି ବ୍ୟାକ୍ଟେରିଆଲ୍ ଗୁଣ ରହିଛି ଯାହା ଆପଣଙ୍କ ପାଦକୁ ଇନ୍ଫେକସନ୍ ଓ ଫଙ୍ଗସ୍ରୁ ଦୂର କରିବାରେ ସାହାଯ୍ୟ କରିଥାଏ। ଯଦି ଆପଣ ନଡିଆ ତେଲକୁ ପ୍ରତିଦିନ ବ୍ୟବହାର କରୁଛନ୍ତି ତେବେ ଏହା ଆପଣଙ୍କ ପାଦକୁ କୋମଳ ଓ ଫଙ୍ଗାଲ ଇନ୍ଫେକ୍ସନ୍ରୁ ଦୂରେଇ ରଖିଥାଏ।
