Posted inଜାତୀୟ

ସୂତାଖିଅରେ ସରକାର

ବେଙ୍ଗାଲୁରୁ,୧୦ା୭(ପି.ଟି.): କର୍ନାଟକର ଶାସକ କଂଗ୍ରେସ ଓ ଧର୍ମନିରପେକ୍ଷ ଜନତା ଦଳ (ଜେଡିଏସ୍‌) ବିଧାୟକମାନେ ଇସ୍ତଫା ଦେବା ପରେ ସୃଷ୍ଟି ହୋଇଥିବା ରାଜନୈତିକ ସଙ୍କଟ ଘନେଇବାରେ ଲାଗିଛି। ୧୩ ବିଧାୟକଙ୍କ ମଧ୍ୟରୁ ୮ ଜଣଙ୍କର ଇସ୍ତଫାପତ୍ର ଗ୍ରହଣଯୋଗ୍ୟ ହୋଇ ନ ଥିବା ଦର୍ଶାଇ ଉପଯୁକ୍ତ ଭାବେ ପୁଣିଥରେ ପ୍ରଦାନ କରିବାକୁ ମଙ୍ଗଳବାର ବାଚସ୍ପତି କେ.ଆର୍‌. ରମେଶ କୁମାର ସମସ୍ତଙ୍କୁ ନିର୍ଦ୍ଦେଶ ଦେଇଛନ୍ତି। ସେପଟେ ବିଧାୟକମାନେ ମୁମ୍ବାଇରୁ ଗୋଆ ଯାଇଥିବାରୁ ଏହି ସଙ୍କଟ ଶୀଘ୍ର ଦୂର ହେବାର ଆଶା ଦିଶୁନାହିଁ। ଫଳରେ ଏଚ୍‌. ଡି. କୁମାରସ୍ବାମୀଙ୍କ ନେତୃତ୍ୱାଧୀନ ତେରମାସିଆ ମେଣ୍ଟ ସରକାରଙ୍କ ଭାଗ୍ୟ ସୂତାଖିଅରେ ଝୁଲିରହିଛି।
ପୂର୍ବରୁ କଂଗ୍ରେସର ୧୦ ଓ ଜେଡିଏସ୍‌ର ୩ ବିଧାୟକ ଇସ୍ତଫା ଦେଇଥିବାବେଳେ ମଙ୍ଗଳବାର ଶିବାଜୀନଗରର ନିଲମ୍ବିତ ବିଧାୟକ ଆର. ରୋଶନ୍‌ ବାଇଗ୍‌ ପଦ ଛାଡ଼ି ଏହି ଅସନ୍ତୁଷ୍ଟ ଗୋଷ୍ଠୀରେ ସାମିଲ ହୋଇଛନ୍ତି। ଏନେଇ ବାଚସ୍ପତି କହିଛନ୍ତି, ରୋଶନ୍‌ଙ୍କ ଇସ୍ତଫାପତ୍ର ଯାଞ୍ଚ କରାଯିବ। ପୂର୍ବରୁ ୧୩ ବିଧାୟକଙ୍କ ମଧ୍ୟରୁ ୫ ଜଣ ନିୟମାନୁସାରେ ଉପଯୁକ୍ତ ଫର୍ମାଟରେ ଇସ୍ତଫାପତ୍ର ପ୍ରଦାନ କରିଛନ୍ତି। ସେମାନେ ହେଲେ ଆନନ୍ଦ ସିଂ, ନାରାୟଣ ଗୌଡ଼ା, ପ୍ରତାପ ଗୌଡ଼ା ପାଟିଲ, ଗୋପାଲାଲୈଆ ଓ ରାମାଲିଙ୍ଗା ରେଡ୍ଡୀ। ଆନନ୍ଦ ସିଂ. ପ୍ରତାପ ଗୌଡ଼ା ଓ ନାରାୟଣ ଗୌଡ଼ାଙ୍କୁ ଆସନ୍ତା ୧୨ ତାରିଖ ଅପରାହ୍ନରେ ବ୍ୟକ୍ତିଗତ ହାଜିରା ପାଇଁ ପରାମର୍ଶ ଦିଆଯାଇଛି। ଏହି ଦିନ ବିଧାନସଭା ଅଧିବେଶନ ଆରମ୍ଭ ହେବାକୁ ଥିବାବେଳେ ୧୩ ଓ ୧୪ ତାରିଖ ଛୁଟି ପଡ଼ୁଛି। ତେଣୁ କେ. ଗୋପାଲାଲୈୟା ଓ ରାମାଲିଙ୍ଗା ରେଡ୍ଡୀଙ୍କ ଇସ୍ତଫାପତ୍ରର ବିଚାର ୧୫ ତାରିଖରେ କରାଯିବ। ଅବଶିଷ୍ଟ ୮ ବିଧାୟକ ୨୧ରେ ପୁନଃ ଇସ୍ତଫାପତ୍ର ଦେଇପାରିବେ। ୧୧ ତାରିଖରେ ଲିଖିତ ଭାବେ ନିଜ ଯୁକ୍ତି ଉପସ୍ଥାପନ ପାଇଁ ସେମାନଙ୍କୁ ରିମାଇଣ୍ଡର ଦିଆଯାଇଛି। ଡାକ ଯୋଗେ ସବୁକିଛି ସମ୍ଭବ ନୁହେଁ। ରୁଲ୍‌ ବୁକ୍‌ ଦେଖି ବରିଷ୍ଠଙ୍କ ପରାମର୍ଶ ନେବା ପରେ ବିଚାର କରାଯିବ। କାରଣ ଯେକୌଣସି ପଦକ୍ଷେପ ନିଆଯିବ ତାହା ଇତିହାସ ପାଲଟିବ। ଏଭଳି ସମୟରେ ସେ ଭୁଲ କରିବାକୁ ଚାହିଁବେ ନାହିଁ। ପର ପିଢ଼ି ତାଙ୍କୁ ଅଭିଯୁକ୍ତ ଭାବେ ଦେଖୁ ତାହା ସେ ଚାହାନ୍ତି ନାହିଁ ବୋଲି ବାଚସ୍ପତି ସ୍ପଷ୍ଟ କରିଛନ୍ତି। ସେପଟେ ମୁମ୍ବାଇରୁ ଗୋଆ ଯାଇଥିବା ବିଦ୍ରୋହୀ ବିଧାୟକମାନେ ଭାଜପାରେ ଯୋଗଦେବା ପାଇଁ ଧମକ ଦେଇଛନ୍ତି। ବିଧାୟକମାନଙ୍କୁ ଭାଜପା ବନ୍ଧୁକ ମୁନରେ ବନ୍ଦୀ ରଖିଛି ବୋଲି କଂଗ୍ରେସ ନେତା ଜମିର ଅହମ୍ମଦ ଅଭିଯୋଗ ଆଣିଛନ୍ତି। ସେମାନଙ୍କୁ ଛାଡ଼ି ଦିଆଗଲେ ବିଧାୟକମାନେ କଂଗ୍ରେସକୁ ଫେରିଆସିବେ ବୋଲି ସେ କହିଛନ୍ତି।
ପ୍ରକାଶ ଯେ, କଂଗ୍ରେସ-ଜେଡିଏସ୍‌ ମେଣ୍ଟର ୧୨ ବିଧାୟକ ଶନିବାର ଓ ପୂର୍ବରୁ ଜଣେ ଇସ୍ତଫା ଦେଇଥିବାବେଳେ ଦୁଇ ସ୍ବାଧୀନ ସଦସ୍ୟ ଏଚ୍‌. ନାଗେଶ ଏବଂ ଆର୍‌. ଶଙ୍କର ସୋମବାର ସରକାରଙ୍କଠାରୁ ସେମାନଙ୍କ ସମର୍ଥନ ପ୍ରତ୍ୟାହାର କରିଥିଲେ। ଦୁଇ ସ୍ବାଧୀନ ବିଧାୟକଙ୍କ ସହ ଭାଜପା ପାଖରେ ୧୦୭ ସଦସ୍ୟଙ୍କ ସମର୍ଥନ ରହିଛି। ୨୨୪ ଆସନ ବିଶିଷ୍ଟ ବିଧାନସଭାରେ ସଂଖ୍ୟାଗରିଷ୍ଠତା ପାଇଁ କୁହୁକ ସଂଖ୍ୟା ହେଉଛି ୧୧୩। କଂଗ୍ରେସର ୧୧ ଏବଂ ଜେଡିଏସ୍‌ର ୩ ବିଧାୟକଙ୍କ ଇସ୍ତଫାପତ୍ର ଗ୍ରହଣ ହେଲେ ମେଣ୍ଟ ବିଧାୟକଙ୍କ ସଂଖ୍ୟା ୧୦୨କୁ ଖସିଯିବ। ଶାସକ ଓ ବିରୋଧୀଙ୍କ ସଂଖ୍ୟା ସମାନ (ଟାଏ) ହେଲେ ବାଚସ୍ପତି ମଧ୍ୟ ଭୋଟ ଦେଇପାରିବେ।


Enter your email to get our daily news in your inbox.

All Right Reserved By Dharitri.Com

୨୦୦୪ରେ ଭାଜପାର ଏହି ହେଭିଓ୍ବେଟ୍‌ ନେତାଙ୍କୁ ହରାଇ ହଇଚଇ ସୃଷ୍ଟି କରିଥିଲେ ଗୋବିନ୍ଦା, କିଛି ଏଭଳି ଥିଲା…

ନୂଆଦିଲ୍ଲୀ,୨୯।୩: ୧୪ ବର୍ଷର ବଡ଼ ବ୍ୟବଧାନ ପରେ ଅଭିନେତା ଗୋବିନ୍ଦା ପୁଣିଥରେ ରାଜନୀତିକୁ ଫେରିଛନ୍ତି। ଲୋକ ସଭା ନିର୍ବାଚନ ୨୦୨୪ର ଠିକ୍‌ ପୂର୍ବରୁ ସେ ଦ୍ୱିତୀୟ...

ରିଲ୍‌ ଲାଇଫର ‘ରାମ’ଙ୍କ ପରି ପୂର୍ବରୁ ‘ରାବଣ’ଙ୍କୁ ମଧ୍ୟ ଟିକେଟ୍‌ ଦେଇଛି ଭାଜପା, ଜାଣନ୍ତୁ ‘ଲଙ୍କେଶ’ଙ୍କ କିପରି ଥିଲା ରାଜନୈତିକ କ୍ୟାରିୟର

ମୁମ୍ବାଇ: ଚାରି ଦଶକ ପୂର୍ବରୁ ଟିଭି ସିରିଆଲରେ ଲୋକପ୍ରିୟ ହୋଇଥିଲା ରାମାୟଣ। ଏଥିରେ ମୁଖ୍ୟ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ହିନ୍ଦୁଙ୍କ ରିଅଲ ଲାଇଫର...

ପ୍ରତି ନିର୍ବାଚନରେ ବଢିଚାଲିଛି ଖର୍ଚ୍ଚ ସୀମା, ଲୋକ ସଭା ନିର୍ବାଚନରେ ଏତେ ଲକ୍ଷ ଟଙ୍କା ଖର୍ଚ୍ଚ କରନ୍ତି ପ୍ରାର୍ଥୀ

ନୂଆଦିଲ୍ଲୀ,୨୯।୩: ଲୋକ ସଭା ନିର୍ବାଚନ ୨୦୨୪ର ସମସ୍ତ ପ୍ରକ୍ରିୟା ଆରମ୍ଭ ହୋଇସାରିଛି। ନିର୍ବାଚନ ପ୍ରକ୍ରିୟା ମଧ୍ୟରେ ନିର୍ବାଚନ କମିଶନରଙ୍କ ଦାୟିତ୍ୱ ରହିଥାଏ କି କ୍ଷମତାସୀନ ଦଳ...

କଂଗ୍ରେସ ଏହି ଖୁସିକୁ ସହି ପାରିଲା ନାହିଁ, କାହିଁକି ଏମିତି କହିଲେ କଙ୍ଗନା

ଶିମଲା,୨୯।୩: ହିମାଚଳ ପ୍ରଦେଶର ମଣ୍ଡି ଲୋକ ସଭା ଆସନରୁ ଭାଜପା ପ୍ରାର୍ଥୀ ତଥା ବଲିଉଡ ଅଭିନେତ୍ରୀ କଙ୍ଗନା ରାନାୱତଙ୍କୁ ନେଇ କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେତ...

କଂଗ୍ରେସ ପରେ ବଢିଲା ଏହି ଦଳର ମୁଣ୍ଡବ୍ୟଥା, ଆୟକର ବିଭାଗରୁ ମିଳିଲା ନୋଟିସ

ନୂଆଦିଲ୍ଲୀ,୨୯।୩: କଂଗ୍ରେସ ପରେ ଏବେ ଅନ୍ୟ ଏକ ଦଳର ସମସ୍ୟା ବଢିଥିବା ସୂଚନା ମିଳିଛି। ଏହି ପାର୍ଟିକୁ ଆୟକର ବିଭାଗ ପକ୍ଷରୁ ଏକ ନୋଟିସ ମଧ୍ୟ...

ଆସିଲା ମୁଖତାର ଅନସାରୀଙ୍କ ପୋଷ୍ଟ ମର୍ଟମ ରିପୋର୍ଟ, ଏହି କାରଣ ପାଇଁ ହୋଇଛି ମୃତ୍ୟୁ

ବାନ୍ଦା,୨୯।୩: ମାଫିଆ ମୁଖତାର୍‌ ଅନସାରୀଙ୍କ ଶବ ବ୍ୟବଚ୍ଛେଦ ପରେ ହୃଦ୍‌ଘାତ ହେତୁ ତାଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି। ପୋଷ୍ଟମର୍ଟମ ଘରୁ ବାହାରକୁ ଆସିଥିବା ଡାକ୍ତରମାନେ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ଏହି ରାଜ୍ୟରେ ଭାଜପାକୁ ହେଲା ପ୍ରାର୍ଥୀଙ୍କ ଅଭାବ, କଂଗ୍ରେସ ନେତାଙ୍କୁ ବାଣ୍ଟିଦେଲା ୬୦ଭାଗ ଟିକେଟ୍‌!

ନୂଆଦିଲ୍ଲୀ,୨୯।୩: ମୁଣ୍ଡ ଉପରେ ନିର୍ବାଚନ। ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ପାର୍ଟିର ନେତାଙ୍କ ମଧ୍ୟରେ ଦଳବଦଳ କାର୍ଯ୍ୟକ୍ରମ ଖୁବ୍‌ ଜୋର୍‌ରେ ଜାରି ରହିଛି। ତେବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri