ଚଣ୍ଡିଗଡ଼,୨୦।୭: ପଞ୍ଜାବ କ୍ୟାବିନେଟରେ ମନ୍ତ୍ରୀଥିବା ଭାରତର ପୂର୍ବତନ କ୍ରିକେଟର ନବଜୋତ ସିଂ ସିଦ୍ଧୁଙ୍କ ଇସ୍ତଫାକୁ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଗ୍ରହଣ କରିଛନ୍ତି। ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଥିବା ପ୍ରବକ୍ତା ଶନିବାର ଏହି ସୂଚନା ଦେଇଛନ୍ତି। ଗତ ପ୍ରାୟ ୨ଦିନ ହେବ ଅମରିନ୍ଦର ଅସୁସ୍ଥ ଥିବାରୁ ଦିଲ୍ଲୀରୁ ଫେରିବା ପରେ ସେ ଏହି ଇସ୍ତାଫା ପତ୍ରକୁ ଗ୍ରହଣ କରିଛନ୍ତି। ନିୟମ ଅନୁଯାୟୀ ଏହି ଇସ୍ତଫା ପତ୍ରକୁ ଗ୍ରହଣ କରିବା ଲାଗି ରାଜ୍ୟପାଳ ଭିପିଏସ୍ ଭାଦନୋରେଙ୍କ ପାଖକୁ ମଧ୍ୟ ପଠାଇ ଦିଆଯାଇଛି। ଉକ୍ତ ଇସ୍ତଫା ପତ୍ରରେ ମାତ୍ର ଗୋଟିଏ ଧାଡି ଲେଖାଯାଇଥିବା ବେଳେ ଏଥିରେ କୌଣସି କାରଣ ଦର୍ଶାଯାଇ ନାହିଁ ଅବା ଅନ୍ୟ କୌଣସି କଥା ବର୍ଣ୍ଣନା କରାଯାଇନାହିଁ। ସୂଚନାଯୋଗ୍ୟ, ଗତ ପ୍ରାୟ ମାସକ ତଳେ ସିଦ୍ଧୁଙ୍କର ବିଭାଗ ପରିବର୍ତ୍ତନ ହୋଇଥିବା ବେଳେ ସେ ଏହାକୁ ନେଇ ଅସନ୍ତୁଷ୍ଟ ଥିଲେ।
