ଲାଠୋର, ୮।୨ (ଡି.ଏନ୍.ଏ.)-
ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲାଠୋର ସରକାରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଲୟ ନାନା ସମସିଆ ଘେରରେ ରହିଛେ। ସ୍କୁଲରେ ଅନେକ ଦିନ୍ ହେଲା ପଢ଼ା କୁଠି ଅଭାବ୍କେ ପିଇଲା ପାଏନ୍ ସମସିଆ ଲାଗି ରହିଛେ। ସମସିଆର ସମାଧାନ ଲାଗି ସ୍କୁଲ କତୁରପକ୍ଷ ବିଭାଗୀୟ ଉଚ କତୁପକ୍ଷକୁଁ ଜନେଇଥିଲେ ବି କିଛି ଲାଭ ନାଇଁ ହେବାର ବଲି କହିଛନ୍।
ସୂଚନା ଅନ୍ସାରେ ଇଂରେଜ ଶାସନ ସମିଆରେ ୧୯୧୪ ସାଲେ ଅଂଚଲରେ ଶିକ୍ଷାକର ବିକାଶ ଲାଗି ଲାଠୋରରେ ଗୁଟେ ପ୍ରାଥମିକ ସ୍କୁଲର ଥାପନା କରାଯାଇଥିଲା। ଏହେଦେ ଇ ସ୍କୁଲରେ ୧ମରୁ ୮ମ ଶ୍ରେଣୀ ତକ୍ ମୋଟ ୨୭୦ ଝନ୍ ଛାତ୍ରୀଛାତ୍ର ପାଠ୍ ପଢ଼ୁଛନ୍। ହେଲେ ସ୍କୁଲରେ ଅନେକ ଦିନ୍ ହେଲା ପଢ଼ା କୁଠି ଅଭାବ୍କେ ପିଇଲା ପାଏନ୍ ସମସିଆ ଲାଗି ରହିଛେ। ୫ମରୁ ୮ମ ଶ୍ରେଣୀ ତକ୍ ପିଲାକର ଲାଗି ପଢ଼ାକୁଠି ରହିଛେ। ହେଲେ କୁଠି ଅଭାବୁ ୧ମ ଆର ୪ର୍ଥ ଶ୍ରେଣୀର ଛାତ୍ରୀଛାତ୍ର ଗୁଟେ କୁଠିଥି ପଢ଼ୁଥିଲାବେଲେ ୨ୟ ଆର ୩ୟ ଶ୍ରେଣୀର ପିଲା ଆରଗୁଟେ କୁଠିଥି ପଢ଼ୁଛନ୍। ଏନ୍ତାଥି ପାଠ୍ପଢ଼ାରେ ଖେଲଢ଼େପ ହେଉଥିବାର ଅଭିଯୋଗ ହେଉଛେ। ସ୍କୁଲରେ ଥିବାର ପୁରନା କୁଠି ଜାଗାରେ ନୂତନ କୁଠି ତିଆରବାର ଲାଗି ଭାଂଗି ଦିଆଯାଇଛେ। ହେଲେ ଆଏଜ୍ତକ ନୂତନ କୁଠି ତିଆର ନାଇଁ ହେବାର। ସେନ୍ତା ସ୍କୁଲରେ ଗୁଟେ ନଲ୍ଚୁଅଁା ରହିଛେ ସତ୍। ହେଲେ ଦରକାର ହିସାବେ ସେଥ୍ରୁ ପାଏନ୍ ନାଇଁ ବାହାରବାର। ସ୍କୁଲରେ ୨୭୦ ଛାତ୍ରୀଛାତ୍ର ପାଠ୍ ପଢ଼ୁଥିଲାବେଲେ ବେଲାକେ ବସିକରି ଖାଏବାର ଲାଗି ଜାଗାଠାନ୍ ନଁାଇଁନ। ଛାତ୍ରୀଛାତ୍ର ଖୁଲା ଆକାଶ ତଲେ ବସି ଖାଉଛନ୍। ଏନ୍ତାଥି ଛାତ୍ରୀଛାତ୍ର ବସିକରି ଖାଏବାର ଲାଗି ଗୁଟେ ହଲ୍ର ନିହାତି ଦରକାର ରହିଛେ। ଇ ସବୁ ସମସିଆର ସମାଧାନ ଲାଗି ସ୍କୁଲ କତୁରପକ୍ଷ ଥାନୀଅ ରାଜନେତାନୁ ବିଭାଗୀୟ ଅଧ୍କାରୀମାନକୁ ଜନେଇଛନ୍। ହେଲେ ଇ ଦିଗେ କେହି ପଦକ୍ଷେପ ନାଇଁ ନେବାର ଲାଗି ଛାତ୍ରୀଛାତ୍ର ନାନା ସମସିଆରେ ଭିତରେ ପାଠ୍ ପଢ଼ୁଛନ୍। ୧୦୬ ବଛର ପୁରନା ସ୍କୁଲକେ ଅନ୍ଦେଖା କରବାରଟା ନିହାତି ଲାଜ୍ଲଜନା କଥା ବଲି ଅଂଚଲର ଶିକ୍ଷା ପେମୀମାନେ କହୁଛନ୍। ଇ ବାବ୍ଦେ ସ୍କୁଲର ପ୍ରଧାନ ଶିକ୍ଷୟିତ୍ରୀ ବିଭୁଷିନୀ ପାଣିଗ୍ରାହୀକୁଁ ପଚ୍ରାଲାରୁ ଆମେ ସମକୁ ଗୁହାରି କରି ନିରାଶ ହେଇଛୁଁ। ତାର ବାହାରେ ବି ନାନା ସମସିଆ ଭିତରେ ସ୍କୁଲ ଚାଲିଛେ ବଲି ସେ କହିଛନ୍। ଇ ଦିଗେ ଜିଲା ଆର ଥାନୀଅ ପରଶାସନ ଦୁରୁଷ୍ଟି ଦେଇ ପଦକ୍ଷେପ ନେବାକେ ସାଧାରନରେ ଦାବି ହେଉଛେ।
