ଚିତ୍ରଡା,୧୪ା୪(ଡି.ଏନ୍.ଏ.)- କରୋନା ସଚେତନତା ପାଇଁ ମୟୂରଭଞ୍ଜ ଜିଲା ମୋରଡା ବ୍ଲକ ଚିତ୍ରଡା ପଞ୍ଚାୟତ ଅଧୀନ ଡିମୁରଡିହା ଗ୍ରାମର ତନୁ ମହାନ୍ତ ଲୋକଙ୍କୁ ମାଗଣାରେ ମାସ୍କ ବାଣ୍ଟି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି। ବୟସ ୫୦ ଅତିକ୍ରମ କରିଥିଲେ ମଧ୍ୟ ଲୋକଙ୍କ ସେବା ପାଇଁ ନିଜକୁ ଉତ୍ସର୍ଗ କରି ଦେଇଛନ୍ତି। ସରକାରଙ୍କ ବାର୍ତ୍ତାକୁ ସେ ଲୋକଙ୍କ ପାଖରେ ପହଞ୍ଚାଇ ସଚେତନତା ସୃଷ୍ଟି କରୁଛନ୍ତି। ପ୍ରଥମେ ସେ ଗାଁର ଗରିବ ଅସହାୟ ଲୋକଙ୍କୁ ମାସ୍କ ବାଣ୍ଟିବା କାର୍ଯ୍ୟ ଆରମ୍ଭ କରିଥିଲେ। ପରେ ଚିତ୍ରଡା ହାଟକୁ ଆସିଥିବା ପ୍ରାୟ ୫୦ ଜଣ ଗରିବ ଲୋକଙ୍କୁ ମାସ୍କ ବାଣ୍ଟି ଥିଲେ। ମାସ୍କ ବାଣ୍ଟିବା ସହିତ ଲୋକଙ୍କୁ ସଚେତନତାର ବାର୍ତ୍ତା ଯଥା ସାମାଜିକ ଦୂରତ୍ୱ ବଜାୟ ରଖିବା, ହ୍ୟାଣ୍ଡ ୱାସ, ସାବୁନରେ ହାତ ଧୋଇବା, ପରିଷ୍କାର ପରିଚ୍ଛନ ରହିବା, ଅଯଥାରେ ଘରୁ ନ ବାହାରିବାକୁ ପରାମର୍ଶ ଦେଇଥିଲେ l ସେ ନିଜେ ମାସ୍କ ତିଆରି କରି ଲୋକଙ୍କୁ ଦେଉଛନ୍ତି ଏବଂ ନିୟମିତ ମାସ୍କ ପିନ୍ଧିବା ପାଇଁ କହୁଛନ୍ତି l ତନୁଙ୍କ ଏହି ମହତ କାର୍ଯ୍ୟ ପାଇଁ ବିଭିନ୍ନ ମହଲରୁ ତାଙ୍କୁ ପ୍ରଶଂସା କରାଯାଇଛି।