ହାତୀଓଟ,୨୭ା୬-କେନ୍ଦ୍ର ଓ ରାଜ୍ୟ ସରକାର ସରକାରୀ ସ୍କୁଲ ଗୁଡିକରେ କିପରି ଛାତ୍ରୀଛାତ୍ରଙ୍କ ଉପସ୍ଥାନ ଅଧିକ ହେବ ସେ ନେଇ ବିଭିନ୍ନ ଯୋଜନା କରିଛନ୍ତି । ଗଁ। ଗହଳିର ଛାତ୍ରୀଛାତ୍ରମାନେ ପାଠପଢା ପ୍ରତି ଆଗ୍ରହ ପ୍ରକାଶ କରି ଅଧିକରୁ ଅଧିକ ଯେପରି ଆକୃଷ୍ଟ ହେବେ ସେଥିପାଇଁ ସର୍ବଶିକ୍ଷା ଅଭିଯାନଠାରୁ ଆରମ୍ଭ କରି ମୋ ସ୍କୁଲ୍ ଶ୍ରେଷ୍ଠ ସ୍କୁଲ୍, ବେଟି ପଢାଓ ବେଟି ବଚାଓ ଯୋଜନାମାନ ପ୍ରଣୟନ କରିଛନ୍ତି। କିନ୍ତୁ ଶିକ୍ଷା ବିଭାଗର ଦାୟିତ୍ୱହୀନତା ଓ ଆଗ୍ରହ ନ ଥିବା ଭଳି ଦେଖିବାକୁ ମିଳିଛି। ଗଞ୍ଜାମ ଜିଲା ପୋଲସରା ବ୍ଲକ ମନ୍ଦାର ନିକଟସ୍ଥ ଅରଖପୁର ଗ୍ରାମ ଉଚ୍ଚ ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି। ଏହି ବିଦ୍ୟାଳୟ ୧୯୧୯ ରେ ଅରଖପୁର ଗ୍ରାମ ବନ୍ଧ ନିକଟରେ ସ୍ଥାପିତ ହୋଇଛି। ସ୍କୁଲ ଆରମ୍ଭଠାରୁ ୨୦୧୨ ମସିହା ପର୍ଯ୍ୟନ୍ତ ଏହି ଉଚ୍ଚ ପ୍ରାଥମିକ ବିଦ୍ୟାଳୟଟି ପ୍ରଥମ ଠାରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ରହିଛି ା ବର୍ତ୍ତମାନ ତାହା ଉନ୍ନୀତ ବିଦ୍ୟାଳୟ ହୋଇ ପ୍ରଥମ ଶ୍ରେଣୀଠାରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ହୋଇଛି। ଏହି ସ୍କୁଲରେ ବର୍ତ୍ତମାନ ୨୨୫ଜଣ ଛାତ୍ରୀଛାତ୍ର ପାଠ ପଢ଼ୁଥିବା ବେଳେ ୮ଜଣ ଶିକ୍ଷକ ରହିଛନ୍ତିି। ବର୍ତ୍ତମାନ ପ୍ରଧାନଶିକ୍ଷକଙ୍କ କାର୍ଯ୍ୟାଳୟ ଓ ଲାଇବ୍ରେରି ନ ଥିବା ବେଳେ ବହୁବର୍ଷ ଧରି ଏହି ଶ୍ରେଣୀଗୃହ ଅଭାବ ଲାଗି ରହିଛି। ଶୀତ, ବର୍ଷା ଓ ଖରାରେ ବର୍ଷ ବର୍ଷ ଧରି ଛାତ୍ରୀଛାତ୍ରମାନେ ସ୍କୁଲ ବାରଣ୍ଡାରେ ବସି ପାଠ
ପଢିବାକୁ ବାଧ୍ୟ ହେଉଛନ୍ତି ।
ସୀମାଞ୍ଚଳ ଜାନି ୨୦୧୦ ରୁ ୨୦୧୪ ମସିହା ପର୍ଯ୍ୟନ୍ତ ପ୍ରଧାନଶିକ୍ଷକଭାବେ କାର୍ଯ୍ୟକରି ଆସୁଥିଲେ। କିନ୍ତୁ ହଠାତ୍ ସେ ଜଗନ୍ନାଥପ୍ରସାଦ ବ୍ଲକକୁ ଏବିଇଓ ଭାବେ ବଦଳି ହୋଇଯିବାରୁ ତାଙ୍କ ସ୍ଥାନରେ ବର୍ତ୍ତମାନ ସୁଦ୍ଧା କାହାକୁ ନିଯୁକ୍ତି ଦିଆଯାଇ ନାହିଁ। ଏହି ପଦବୀ ଖାଲି ପଡିଥିବା ବେଳେ କାର୍ଯ୍ୟକାରୀ ପ୍ରଧାନ ଶିକ୍ଷକ ଭାବେ ସୁଦର୍ଶନ ପାତ୍ର ୨୦୧୪ରୁ ବର୍ତ୍ତମାନ ପର୍ଯ୍ୟନ୍ତ କାର୍ଯ୍ୟ କରୁଛନ୍ତି। ଏ ସମ୍ପର୍କରେ ଭାରପ୍ରାପ୍ତ ପ୍ରଧାନ ଶିକ୍ଷକ ପାତ୍ର କୁହନ୍ତି, ଶ୍ରେଣୀଗୃହ ଅଭାବ ନେଇ ବାରମ୍ବାର ବିଇଓଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ ଆମର ଏହି ସ୍କୁଲରେ ଅଭାବ ଥିବା ଶ୍ରେଣୀଗୃହ ନିର୍ମାଣ ହୋଇପାରୁନାହିଁ। ତେବେ ଆମକୁ ଖରାପ ଲାଗୁଛି ଚତୁର୍ଥ ଓ ପଞ୍ଚମ ଶ୍ରେଣୀର ଛାତ୍ରୀଛାତ୍ରମାନଙ୍କୁ ବାରଣ୍ଡାରେ ବସି ପାଠ ପଢାଇବାକୁ। କିନ୍ତୁ ଶ୍ରେଣୀଗୃହ ଅଭାବ ଯୋଗୁ ବାଧ୍ୟ ବାଧକତାରେ ପିଲାମାନଙ୍କୁ ପଢାଇ ଆସୁଛୁ। ବହୁବର୍ଷ ଧରି ଚତୁର୍ଥ ଓ ପଞ୍ଚମ ଶ୍ରେଣୀର ଛାତ୍ରୀଛାତ୍ରମାନେ ବାରଣ୍ଡାରେ ପାଠ ପଢି ଆସୁଥିବା ସମ୍ପର୍କରେ ବିଇଓ ରସାନନ୍ଦ କରଙ୍କୁ ପଚାରିବାରୁ ସେ କୁହନ୍ତିି, ଏହା ମୋ ଦୃଷ୍ଟିକୁ ଆସିନାହିଁ, ଆସିଲା ପରେ ମୁଁ ଆପଣଙ୍କୁ କହିବି।
ପ୍ରଶ୍ନ ଉଠୁଛି, ଏଠି ଶିକ୍ଷା ବିଭାଗ କେତେ ସଜାଗ। ବହୁବର୍ଷ ଧରି ଅଭାବ ରହିଥିବା ଶ୍ରେଣୀଗୃହ ନ ମିଳିବାରୁ ଛାତ୍ରୀଛାତ୍ରମାନେ ସ୍କୁଲ ବାରଣ୍ଡାରେ ବସି ପଢୁଛନ୍ତିି। କିନ୍ତୁ ଶିକ୍ଷା ବିଭାଗ ଅଧିକାରୀ କହୁଛନ୍ତି, ମୋ ପାଖରେ ଖବର ନାହିଁ। ପ୍ରଶାସନ ତୁରନ୍ତ ଏ ବିଷୟରେ ଅନୁସନ୍ଧାନ କରି ବହୁବର୍ଷ ଧରି ସ୍କୁଲ ବାରଣ୍ଡାରେ ପାଠ ପଢୁଥିବା ଛାତ୍ରୀଛାତ୍ରମାନଙ୍କ ସ୍କୁଲଗୃହ ନିର୍ମାଣ କରାଗଲେ ଛାତ୍ରୀଛାତ୍ରମାନେ ଖରା, ବର୍ଷା, ଶୀତରେ ସ୍କୁଲ ବାରଣ୍ଡାରେ ବସି ପଢିବାରୁ ନିବୃତ୍ତ ରହିବା ସହ ତୁରନ୍ତ ଜିଲା ପ୍ରଶାସନ ଏ ବିଷୟରେ ହସ୍ତକ୍ଷେପ କରିବାକୁ ଗ୍ରାମବାସୀ ଦାବି କରିଛନ୍ତି ।
