ପୁରୀ ଅଫିସ, ୯ା୮: ପ୍ରସିଦ୍ଧ ଶୈବପୀଠ ଶ୍ରୀଲୋକନାଥ ମନ୍ଦିରରେ ପାଣି ଜମିଛିି। ପ୍ରାୟ ଫୁଟେ ଉଚ୍ଚର ପାଣି ଭିତର ବେଢ଼ାରେ ଜମି ଥିବାରୁ ଭକ୍ତଙ୍କ ଦର୍ଶନରେ ବାଧା ଉପୁଜିଛି। ବର୍ଷା ପାଣି ଜମି ରହିଥିବାରୁ ଏଣେତେଣେ ଅଳିଆ ଆବର୍ଜନା ଭାସି ପରିମଳ ବ୍ୟବସ୍ଥାକୁ ବିଗାଡ଼ି ଦେଇଛିି। ଏହାକୁ ନେଇ ଲୋକନାଥ ମନ୍ଦିରର ସେବାୟତମାନେ କ୍ଷୋଭ ପ୍ରକାଶ କରିଛନ୍ତିି। ଆସନ୍ତା ସୋମବାର ଶ୍ରାବଣ ମାସର ଶେଷ ସୋମବାର। ହଜାର ହଜାର କାଉଡ଼ିଆ ଭକ୍ତ ଜଳ ଲାଗି ପାଇଁ ଆସିବେ। ତେଣୁ ତା ପୂର୍ବରୁ ବେଢ଼ା ପରିସରରୁ ପ୍ରଶାସନ ଜଳ ନିଷ୍କାସନ କରିବା ଦରକାର ବୋଲି ସେବାୟତ କହିଛନ୍ତିି।
ଅସରାଏ ବର୍ଷା ହେଲେ ଲୋକନାଥ ମନ୍ଦିରରେ ଅଭାବନୀୟ ପରିସ୍ଥିତି ସୃଷ୍ଟି ହେଉଛିି। ନିଷ୍କାସନ ସୁବିଧା ନ ଥିବାରୁ ଦୀର୍ଘଦିନ ପର୍ଯ୍ୟନ୍ତ ପାଣି ଜମି ରହୁଛିି। ତୁରନ୍ତ ଜଳ ନିଷ୍କାସନ ଲାଗି କୌଣସି ପଦକ୍ଷେପ ନିଆଯାଉ ନ ଥିବାରୁ ଭକ୍ତ ଓ ସେବାୟତ ଅସୁବିଧା ଭୋଗୁଛନ୍ତିି। ନିକଟରେ ହୋଇଥିବା ବର୍ଷା ଯୋଗୁ ମନ୍ଦିରରେ ଏହିପରି ଅଚଳାବସ୍ଥା ସୃଷ୍ଟି ହୋଇଛିି। ଏଥିଯୋଗୁ ଠାକୁରଙ୍କ ସେବାପୂଜା କରିବାରେ ସେବାୟତମାନେ ଅସୁବିଧା ଭୋଗିଥିବାବେଳେ ଭକ୍ତମାନେ ମଧ୍ୟ ଯା ଆସ କରିବାରେ ସମସ୍ୟାରେ ପଡିଛନ୍ତିି। ପାଣି ଦେଖି କିଛି ଶ୍ରଦ୍ଧାଳୁ ଫେରି ଯାଉଥିବା ବେଳେ ମନ୍ଦିର କାର୍ଯ୍ୟାଳୟ ପକ୍ଷରୁ ପଛ ଗେଟ୍ ଭକ୍ତଙ୍କ ଲାଗି ଖୋଲା ରଖାଯାଇଛିି। କିନ୍ତୁ ଅନେକ ଶ୍ରଦ୍ଧାଳୁ ଏହା ଜାଣି ନ ପାରି ଫେରିଯାଉଥିବା ଜଣାପଡିଛିି। ଏହାକୁ ନେଇ ସେବାୟତ ଅସନ୍ତୋଷ ବ୍ୟକ୍ତ କରିଛନ୍ତିି। ସେବାୟତ ସନ୍ତୋଷ କୁମାର ପଣ୍ଡା କହିଛନ୍ତି ଯେ, ବର୍ତ୍ତମାନ ବେଢା ପରିସରରେ ପ୍ରାୟ ୧ ଫୁଟ ଉଚ୍ଚର ପାଣି ଜମିଛିି। ଫଳରେ ଭକ୍ତମାନେ ପାଣି ଦେଖି ଫେରି ଯାଉଛନ୍ତିି। ଆଗକୁ ଶ୍ରାବଣ ସୋମବାର। ତେଣୁ ପ୍ରଶାସନ ତୁରନ୍ତ ଜଳ ନିଷ୍କାସନ ଲାଗି ବ୍ୟବସ୍ଥା କରିବା ଦରକାର। ଏ ସମ୍ପର୍କରେ ଲୋକନାଥ ମନ୍ଦିର ମ୍ୟାନେଜର ଅପଚ୍ଛ ପରିଡ଼ା କହିଛନ୍ତି, ଶ୍ରୀଲୋକନାଥ ମନ୍ଦିର ଖାଲୁଆ ଅଞ୍ଚଳରେ ରହିଛିି। ମନ୍ଦିର ପରିସରରେ ଜଳ ନିଷ୍କାସନ ଲାଗି କୌଣସି ସ୍ଥାୟୀ ବ୍ୟବସ୍ଥା ନାହିଁି। ତେଣୁ ବର୍ଷା ହେଲେ ପାର୍ବତୀ ସାଗରର ଜଳ ପତ୍ତନ ଯାହା ରହୁଛି ମନ୍ଦିର ବେଢାରେ ସେହି ଉଚ୍ଚତାର ପାଣି ଜମୁଛିି। ବର୍ତ୍ତମାନ ବେଢାରେ ଯେଉଁ ପାଣି ଜମିଛି ତାହାକୁ ରବିବାର ମୋଟର ଲଗାଇ ନିଷ୍କାସନ କରାଯିବ। ସୋମବାର ବୋଲ୍ବମ ଭକ୍ତମାନେ ଯେପରି ଜଳ ଲାଗି ପାଇଁ କୌଣସି ପ୍ରକାର ଅସୁବିଧାର ସମ୍ମୁଖୀନ ନ ହେବେ ତାହା ଉପରେ ଗୁରୁତ୍ୱ ଦିଆଯାଇଛିି।
